1
0
1
電話號碼
29760000
營業時間
星期一至六
11:00 - 03:00
星期日
18:00 - 03:00
以上資料只供參考, 請與餐廳確認詳情
天氣甘熱，真係好想飲杯冰凍啤酒。去左haha，呢間野之前由AIA搬過黎，都未幫襯過。全程我地都係唯一既客人，包場甘。同店員傾開計。依家政策限制，舖頭淨係開15:30到18:00做happy hour only，生意影響好大。希望疫情可以快d過。嗌左兩杯生啤，店員送左碗薯片比我地。不過呢排唔做happy hour 買一送一。一路飲住啤酒，咬住薯片，一路傾計，正!
繼續閱讀
放工同同事一齊食飯，叫咗幾個餸，一支酒同埋幾杯啤酒🍻，意粉都正常，唔知點解牛扒係凍嘅同埋好難切，入邊好大煙味，不停有人食煙，唔食煙鼻敏感好辛苦。同餐廳反映，但係話八點後通常都會有人食煙，同埋播無綫最新嗰套好多人睇嘅電視劇比較大聲，想叫收細少少聲浪都唔可以，因為有人想睇，我都理解。入酒吧食飯食飯，預咗會好嘈吵，但係冇諗住有煙味🚬，同電視聲一齊嘈住，10點鐘都未夠。其實行出去門口食都好正常好多酒吧都係咁，不過佢哋又好似唔會介意。希望以後會改善，環境都唔錯乾淨重新。
繼續閱讀
自從HAHA搬咗舖之後，少咗過去Happy Hour，同朋友行過竟然見到佢有Lunch Set。好奇心嘅驅使下，我哋決定入去試吓。招牌羅宋湯幾足料，味道偏辣幾開胃朋友話佢好有心煲，睇得出唔係用高速煲，可以煮爛啲菜係要花好多時間。紅酒燴牛脷飯上枱時我覺得有啲震撼，平時食開都係一片片，呢度每一粒都勁厚，燴得幾好好入味。白飯仲係用珍珠米。唔知係咪之前都係夜晚來，定係因為抗疫期間，人流唔太多，不過值得一讚職員們全部都有戴口罩，同埋keep住做清潔，令人感覺幾好。同場加映，食完之後有個男職員同我地傾左陣計，原來佢哋請左新厨師，仲會定期轉Menu。味道合理同見佢服務態度又幾好，我同朋友都覺得可以揾日Lunch 加 Happy Hour 直落
繼續閱讀
今晚收工經過見到新開酒吧，價錢又合理78蚊gls，天后區來講真係好抵飲，於是決定飲返一杯先返屋企，男服務員唔知係咪老闆或經理好客氣甘同我講，6點前仲要68蚊買一送一添。甘吸引，鍾意飲杯嘅我點會錯過，不過環境係細左d，亦冇室外座位，室外煲煙飲酒只有企位，不過同朋友吹下水飲返一杯哩個價錢絕對超值。
繼續閱讀