開飯介紹
由電視製作人戚其義和藝人陳豪開設,人氣排隊港式甜品店,亦是迷你木桶豆腐花的始祖,還有超人氣的足料甜品例如芝麻豆腐西米露配芝麻雪糕。
繼續閱讀
營業時間
今日營業
15:00 - 02:00
星期一至日
15:00 - 00:15
公眾假期
15:00 - 02:00
以上資料只供參考, 請與餐廳確認詳情
招牌菜
食家推介
相關文章
位於天后清風街13號地舖的甜姨姨私房甜品 (Auntie Sweet - Tsing Fung Street),主打港式甜品。甜品店有不少職員是親切的中年姨姨,感覺就如母親為子女煮一碗暖暖的中式糖水。甜品店的燈光明亮,環境整潔乾淨。如果食客拿不定主意,可以看看牆上的「七大皇牌甜品」照片。甜品店採用手機掃描二維碼(QR CODE)下單,下單後約五分鐘,食物便陸續上桌了。順便一提,甜品店的最低消費為每人一款甜品。📌蕃薯手工芋圓 (熱) - $58Sweet Potato with Taro Balls這款甜品的基底(Base)為薑汁,濃淡適中,不會過濃而蓋過其他配料的味道。蕃薯味道微甜,質感頗腍。芋圓質感煙煙韌韌,而且Size頗為大粒,吃起來頗為滿足。這款甜品還有三粒煙韌的芝麻湯圓,芝麻的香氣在口腔久久不散。筆者最欣賞這款甜品還加了薏米粒,頗有咬口,有嚼勁之餘又不會過硬。其他配料還包括有:珍珠粉圓、滑溜豆腐花等。。📌木桶豆腐花 (細) (即點即製 ) - $45Tofu Pudding豆腐花是即點即製,需時約十五分鐘。店員遞上了一個精緻小巧的小木桶,賣相可愛。每張桌子都有一樽黃糖,食客可以按需要隨意添加。筆者則喜愛感受豆腐花的原味,不會加黃糖。輕輕用鐵匙羹片一塊豆腐花品嚐,質感十分滑溜,而且大豆的味道十分濃厚,仿如一下子跳進大豆堆中。。順便一提,建議正式開動前,才打開小木桶的蓋子,更能保持豆腐花的熱度。。當晚,筆者還未吃晚飯,所以點了些小吃充饑。三款小食都是熱騰騰的,冬天吃相當暖胃。📌甜姨姨三寶 (腸粉、魚蛋、燒賣) - $35腸粉質感爽滑,不會過腍。魚蛋和燒賣的Size也頗為大粒。📌麻辣牛丸 - 六粒 - $28熱騰騰的牛丸質感十分彈牙,肚子頓時變得暖暖的。麻辣的辣度相對溫和,食客不用太擔心。📌 碗仔翅 - 限時優惠 - $20冬菇片切得頗厚,吃起來相當過癮。雞肉、粉絲的份量也頗為充足。碗仔翅的味道鹹香,當中加了少許麻油,更能吊起雞肉的鮮味。
繼續閱讀
嗌咗個合桃糊 明明order咗一個,點知嚟咗兩個,本身好好態度問店主 點知佢好冇禮貌講「 嗌咗冇得退」 好粗魯咁掉返個甜品俾我。冇態度都算啲嘢食仲要差。個甜姨姨三寶腸粉魚蛋算正常 但係燒賣仲乾過7-11..四個人食咗35x 完全唔值!
繼續閱讀
付款時感覺不良好,收銀員黑口黑面,態度就好似完全唔志在做生意。食物質素一般,價錢又貴,環境極度擠迫。感覺令我最差嘅都係嗰啲服務員,尤其是個收銀員!以後都唔會再食呢間嘢!
繼續閱讀
天后呢邊真係好多嘢食,食完個晚餐兜咗個圈,個甜品胃又開始發作,即刻搵咗呢間屹立不倒嘅甜姨姨,入到去都幾多位好快就睇咗個Menu叫咗個芒果大合奏,佢啲選擇都唔少,但係價錢真係有啲貴,之前經過都好似冇咁貴,上菜好快芒果大俠就係幾好食,但係我反而唔係咁鍾意啲芒果乾,因為好痴牙,成日都要撩返佢出嚟,我個朋友識嘅紫米露就冇影出嚟,但我試咗一啖都幾香加埋啲椰汁價錢平啲,下次可能會想試呢個,本身想叫榴槤沙冰,但係真係太貴要成百幾蚊,真係食唔起。
繼續閱讀
咁啱經過天后,想食啲港式甜品,見到依間甜品店有甜品又有小食,咁就試吓佢啦🥢甜姨姨三寶 💰$35甜品店入邊有小食係好唔錯👍🏻唔使全部都淨係食甜品,甜姨姨三寶有腸粉、燒賣同魚蛋,醬汁方面都俾得好足夠,腸粉夠滑、燒賣冇蒸過龍,仲係好彈牙,魚蛋都冇煮過龍,魚蛋同燒賣各自有三粒🥢 雞軟骨三串 💰$38雞軟骨炸到金黃色,食落都幾香脆,而且有三串,價錢上都OK 🥢 芒果豆腐西米露 💰$52芒果好夠甜,依個西米露冇用椰汁加糖漿,反而用咗豆漿,食落去好似飲緊一啖淡豆漿咁,依個口感未食過幾得意,西米露煮得夠淋🥢 尋榴敢 💰$69食榴槤嘅朋友最啱,呢一款甜品有好多配料,包括椰果、涼粉、綠茶果凍、黑珍珠、豆腐花、水晶珠,最重要係有鮮榴槤肉,食落去有多重口感職員態度好好,會主動俾多兩個碗我哋,亦都會問吓我哋想食啲乜嘢再推介俾我哋👍🏻甜品店環境都算大,坐得唔迫,如果成班朋友食完飯去食都夠位坐
繼續閱讀
您可能會有興趣的...