348
9
1
電話號碼
23673333
開飯介紹
餐廳裝潢走簡約木系風格，並設有大玻璃窗可欣賞藍天景色，環境相當舒服；加上提供不同的遊戲設備，適合大人、小朋友來享用美食及玩樂一番。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
我同細妹同一個月生日，想搵間舒服嘅餐廳一齊嘆個lunch。今次再訪「M Square」，全因上次同朋友喺度晚餐慶祝生日，感覺非常愉快，所以就帶細妹嚟午餐。位於西貢WM Hotel裡面， 以運動做主題嘅美式西餐廳，環境好寬敞，樓底高，採光度十足，雖然今日陰天，但室內光猛，裝修簡約和諧，坐得舒服，予人休閒嘅度假感覺。餐廳襯返主題，有大螢幕同電視播住唔同嘅運動比賽，仲有唔同設施俾客人玩：美式桌球、足球機、彈珠機同高爾夫球模擬空間。當日見到好多枱客人都係一家大細嚟，一邊食嘢一邊玩。餐廳都有好多位店員，主動有禮。酒店餐廳嚟講，價錢都屬於親民。ღ 𝘚𝘦𝘤𝘪𝘢𝘭𝘵𝘺 𝘤𝘩𝘪𝘱𝘴⊛ 𝗕𝗹𝗮𝗰𝗸 𝘁𝗿𝘂𝗳𝗳𝗹𝗲 𝗰𝗵𝗲𝗲𝘀𝗲 𝗰𝗵𝗶𝗽 $𝟱𝟴黑松露芝士汁薯條係餐廳recommended，睇佢只係用碗盛住，原來份量都好多，食極都仲有。一入口黑松露香氣超濃郁，喺口腔內擴散，同芝士味好夾，薯條炸得外脆內軟，仲要係呢個價錢，非常抵食。ღ 𝘗𝘪𝘻𝘻𝘢⊛ 𝗙𝗼𝘂𝗿 𝗰𝗵𝗲𝗲𝘀𝗲 $𝟮𝟯𝟵四式芝士- burrata，gorgonzola，mozzarella，mascarpone一上枱見到pizza係星形，已經覺得好靚。4種芝士4種口味，芝士控一定不能錯過。第一口芝士味道溫和香甜，有拉絲，之後食出濃郁奶香，食吓食吓又滲出鹹香，層次非常豐富。食到個角嘅位置，好有驚喜，終於明白點解會摺成呢個形狀，除咗美觀原來仲有功能，就係要袋住半液體狀嘅芝士，一啖咬落去有爆漿嘅感覺，軟滑忌廉芝士慢慢流出充滿整個口腔，極富濃郁奶香，好邪惡但一定會愛上。ღ 𝘚𝘩𝘢𝘳𝘪𝘯𝘨 𝘣𝘪𝘵𝘦𝘴 & 𝘨𝘳𝘦𝘦𝘯⊛ 𝗠𝘂𝘀𝘀𝗲𝗹𝘀 𝗽𝗼𝘁𝘀 $𝟭𝟳𝟲鮮茴香忌廉煮藍青口、烤麵包條上次食過念念不忘，今次再叫，水準依然，藍青口鮮味嫩滑，帶有淡淡海水味，份量都多，最鍾意個忌廉汁夠晒香濃creamy，帶有茴香清新甜味，配烤麵包條吸晒忌廉汁食好滋味。⊛ 𝗪𝗶𝗹𝗱 𝘄𝗶𝗻𝗴𝘀 $𝟴𝟴炸雞翼配蜜糖是拉差醬&青瓜酸忌廉炸雞翼皮脆juice，好入味，配埋三款秘製醬汁，更食出唔同風味。蜜糖是拉差醬，酸甜中帶點微辣；青瓜酸忌廉，清新帶酸嘅奶油味；燒烤醬濃郁惹味。伴有西芹同甘荀沙律條，清新解肉膩。ღ 𝘋𝘦𝘴𝘴𝘦𝘳𝘵⊛ 𝗧𝗶𝗿𝗮𝗺𝗶𝘀𝘂 𝗽𝗮𝗻𝗰𝗮𝗸𝗲 $𝟭𝟯𝟵厚班戟，提拉米蘇醬，燕麥松子仁＆咖啡糖漿甜品menu樣樣都好吸引，有點選擇困難。落單時告知同朋友慶祝生日，店員就貼心插上生日牌同蠟燭，上枱一刻感覺窩心。賣相靚，即叫即整梳乎厘班戟富空氣感，充滿奶香蛋香，tiramisu醬低甜香滑，滿滿咖啡香味，燕麥松子仁增加脆脆口感，配合酸甜芒果粒粒、藍莓、士多啤梨，多重層次享受。book位時通知，更可喺甜品碟上寫上壽星個名，非常適合同朋友嚟慶祝。假日泊位消費$300免1個鐘，$600免兩個鐘。食完lunch，見到餐廳原來有snacks cup可以takeaway。呢款外賣小食杯勁方便，上面個兜放小食，下面係杯飲品，中間可以插飲筒，用一隻手攞住就得，遊走西貢市，沿途可以一路飲又一路食。有三款小食自選配搭多種汽水、咖啡、冷泡冰茶、果汁，milkshake、啤酒同多種酒精類。我哋叫咗兩杯，店員細心提供木叉、乾濕紙巾。⊛ 𝗖𝗹𝗮𝘀𝘀𝗶𝗰 𝗻𝗮𝗰𝗵𝗼𝘀 𝘄𝗶𝘁𝗵 𝗺𝗶𝗻𝘁 𝗰𝗵𝗼𝗰𝗼𝗹𝗮𝘁𝗲 𝗺𝗶𝗹𝗸𝘀𝗵𝗮𝗸𝗲墨西哥粟米片配薄荷朱古力奶昔Snacks cup份量都幾多，脆脆墨西哥粟米片配芝士醬、墨西哥辣椒醬、番茄莎莎、酸忌廉同牛油果醬，食出多種口味。薄荷同朱古力真係perfect match，清涼薄荷味奶昔配濃郁朱古力醬，加埋cream，入口冰凍順滑真暢快。⊛ 𝗦𝗽𝗲𝗰𝗶𝗮𝗹𝘁𝘆 𝗰𝗵𝗶𝗽𝘀 𝘄𝗶𝘁𝗵 𝗰𝗼𝗹𝗱 𝗯𝗿𝗲𝘄 𝗶𝗰𝗲𝗱 𝘁𝗲𝗮炸薯條配芒果蜜桃茶炸薯條香脆，有四款醬汁選擇，我揀咗酸忌廉牛油果醬，微酸，軟綿清新。冰茶滿滿芒果同蜜桃嘅果香，清甜解喝。#M Square 地址：西貢惠民路28號WM酒店地下低層A1號舖
繼續閱讀
最近同朋友喺西貢行完山之後去食飯，朋友話西貢碼頭附近啲餐廳食到有啲悶，所以佢提議去海傍酒店睇吓有咩餐廳啱食。酒店周圍環境都唔錯，中間仲有一個婚姻用嘅場地，酒店有三間餐廳，有西餐，泰國菜同自助餐，最後揀咗食西餐。西餐廳環境非常之寬敞又有大電視睇波真係一流，而且部份區域仲有不同嘅遊樂設施提供，有桌球、遊戲機、高爾夫球同桌上足球機，非常適合一家大細或者一大班朋友聚會。餐牌食物種類都多，如果以酒店餐廳嚟講價錢比我想像中平，叫咗兩個小食同兩個主食。炸雞翼 ($88) : 雞翼炸得幾香口，肉質唔嚡口之餘多汁又大隻，有蜜糖、燒烤、酸忌廉醬提供，伴碟仲有新鮮西芹同甘筍仔可以解膩。墨西哥粟米片 ($108) : 食材有手撕豬肉絲、橄欖、辣椒、蕃茄粒、酸忌廉、芝士醬、牛油果醬等等，味道層次豐富。鵝肝安格斯牛肉芝士漢堡伴薯條 ($188) : 餡料超級豐富，麵包口感軟熟之餘牛肉非常 Juicy，加埋勁邪惡嘅鵝肝，食完成個非常滿足。煙燻豬仔骨 ($229 / 半份) : 豬仔骨有半份同全份選擇，薯條鋪滿半大碟，隔離仲有沙律菜伴碟，豬仔骨肉厚嫩滑，唔洗再點燒烤醬都非常惹味。
繼續閱讀
之前老公話想去西貢行下，順便去 WM Hotel 食Lunch ，我哋好鍾意去呢間酒店，每次來感覺好舒服好有度假的感覺。位於酒店地下低層的 M Square ，空間好大樓底高，坐位好舒服感覺好Relax。Pet friendly 之餘仲有好多娛樂設施，有桌球、VR哥爾夫球、遊戲機等，適合一家大細一齊來。💛Roasted Beef Salad 🥗💛沙律份量好多，老公好鍾意食沙律菜，羅馬生菜、彩椒、青瓜等材料都好新鮮，烤牛肉的肉質嫩滑juicy，加上黑椒、Feta cheese去調味，再配上佢個蜜糖芥末汁好夾好好食。💛Calamari Squid Ink Pasta💛魷魚質地好爽彈，墨汁意粉煮得煙靭度剛好，最特別係用了芥末忌廉汁同埋蕃茄莎莎醬，食起嚟唔會好似淨係忌廉咁膩，蕃茄莎莎帶少許酸酸甜甜中和返個感覺好清新。💛Betty’s French Toast 💛老公超愛呢個法式多士，多士質地做到好軟熟有啲似麵包布甸咁好特別，配埋雜莓醬、生果、餅碎、糖漿等一起食好夾。臨走時仲叫咗杯 Snacks cup 可以take a way 一路行海邊一路慢慢嘆。上面裝食物下面係飲品中間插支飲管拎起上來好方便。💜墨西哥脆片 配 荔枝味茶💜Nachos 脆脆配上牛油果醬、酸忌廉、蕃茄莎莎、芝士醬、少少辣椒。茘枝茶幾香又唔甜。
繼續閱讀
次次黎西貢都見到呢間酒店，原來佢都有唔少餐廳，今次就黎到---🌟M Square 🌟佢餐廳好闊落，環境好大，坐得舒適，採光度高，好有渡假feel，餐廳以西餐為主，選擇多._.🍔 | Le Foie Gras Burger |🍔(香煎鵝肝，安格斯牛肉，無花果醬，芝士漢堡伴沙律）漢堡可以要求上枱切開一半，勁厚身，安格斯牛肉肉質juicy，一啲都鞋口，仲配埋返勁香濃嘅鵝肝，令到整個漢堡增加香濃鵝肝油香味，好食·🐟| Grilled Salmon & Crab Mousse |🐟三文魚整到軟硬適中，肉質多嫩身唔乾，唔腥，配埋啲醬好夾.🍄| 黑松露芝士汁薯條 |🍄薯條炸到勁香脆，芝士汁伴隨住香濃嘅黑松露，好讚！.🍍| 菠羅汁 |🍍•餐廳仲有外賣零食杯加飲品，見佢幾得意，天氣又唔熱，一於點黎試試，飲品仲可自由撘配💗/ Snacks Cup with Sweet Lover or Alcoholic /| Classic Nachos with Blackcurrant & Raspberry |(墨西哥粟米片，芝士醬，墨西哥辣椒，蕃茄沙沙，酸忌廉)鹹味道之選，材料豐富，醬料足夠，最正就係一路食一路有得飲野，唔怕口渴.| Peanut Butter Banana waffe with Apple Juice |甜味道之選，窩夫適合想飽肚食，味道又係好夾，啱曬鐘意食甜味道嘅人._.
繼續閱讀
週末過咗西貢支持朋友扒龍舟比賽💖幫人打氣之前，梗係要幫自己個肚打打氣先啦🤣揀咗呢間位於WM酒店入邊嘅M Square🥰餐廳好開陽、坐得又舒服見到好多小朋友玩緊桌球、足球機😛睇見都覺得開心！Lobster Brioche Roll呢個龍蝦包分咗兩大件，每件都有一大隻原隻蟹鉗🤤蟹鉗下邊仲有好幾舊龍蝦肉😚分量同鮮味都十足！麵包焗得外酥脆內軟，仲有陣陣牛油香❤️Bolognese Fettuccine with Onsen Egg海量嘅安格斯牛肉肉醬肉味好濃郁🥰闊條麵煙靭有咬口，撈埋隻溫泉蛋落去勁香蛋味😋Wild Wings炸到金黃色嘅雞翼，雞皮超脆、裏面雞肉又滑又多汁🤩可以點旁邊嘅甜甜地嘅蜜糖拉差醬、勁開胃嘅青瓜酸忌廉、惹味BBQ醬🤓Flat White三七比例嘅咖啡，係我近期嘅最愛😇呢杯高質！Peach & Mango ICED TEA真係有芒果同桃味嘅微甜冰茶，除咗個樣靚之外，飲落重好清爽☺️Snacks Cup with Sweet Lover or Alcoholic見到餐廳仲有小食杯可以買，買咗兩杯過去邊睇比賽邊食😇店員好貼心咁準備晒濕紙巾、紙巾俾我地外賣☺️要咗食得勁過癮嘅Classic Nachos🥰同埋芝士加黑松露控必叫Specialty Chips😍另外兩杯milkshake同樣高質😜係一杯超濃郁士多啤梨味同飲到一粒粒朱古力嘅奶昔😎爽！M Square (西貢)西貢惠民路28號WM酒店地下低層A1號舖
繼續閱讀