91
14
5
電話號碼
23833466
開飯介紹
以烏冬為主打菜式的日式餐廳，另外亦供應燒物、飯類等料理，口味多元化且定價相宜，適合家庭聚會及與好友聚餐。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
食家推介
相關文章
忠告：將軍澳附近好多餐廳選擇，諗清楚先好入！希望大家三思而後行，少啲人中伏🙏🏻見到依間餐廳係出名食烏冬，再加上見到入面都有唔少人就決定入去試吓。一開始已經企咗喺門口起碼幾分鐘都冇人理，原來事有蹺蹊…終於同朋友坐低一人叫咗一個烏冬，加兩個串燒同埋一個濃湯什菜，20:05淨係嚟咗兩個串燒。一個大蔥雞肉同埋一個雞軟骨串燒，兩款食落都係冇乜味道，淨係有少少雪味，咁就收咗$106（加一服務費？一啲都唔值得俾）結果等到20:30都係乜都冇就決定走了到最後埋單店員都係一句唔好意思都冇，仲要好似我麻煩到佢咁，態度差到極點！🙄
繼續閱讀
黑松露忌廉海鮮烏冬黑松露係店內主打烏冬，質地同讚岐烏冬差唔多，彈牙有質感，好surprise 後尾發現烏冬係自家手打。最正係湯底，奶香嘅忌廉湯真係好濃郁，濃但唔膩同埋唔「傑」，唔膩既程度係可以當湯飲，而黑松露都落得好足料，湯底越食越好食好balance。而配料有帆立貝、同三文魚等海鮮。小桶山薑玉子鯛魚腩飯木桶都好壯觀，而且鋪滿滑蛋同鯛魚魚腩。成個鯛魚腩飯主要靠鰻魚燒汁提味，所以令到好似食緊鰻魚飯甘。而鯛魚腩冇骨，可以大大啖食。唯一冇咁好既係滑蛋既蛋香唔太出，但整體都okay，冇烏冬好食。
繼續閱讀
黑松露忌廉海鮮烏冬真係必食既招牌菜！！！湯底超級creamy,黑松露亦足料，反而海鮮就做左配角，最出位都係個湯底😍😍😍唯一缺點就係都幾滯，2個人share岩岩好。北海道帶子骨膠原白雞湯拉麵比起黑松露忌廉海鮮烏冬就相對普通，湯底無咩特別。串燒類別最少要點2款，所以叫左雞泡魚乾同埋雞軟骨串。2款串燒加埋都差不多$100，比起麵食性價比好低。雞軟骨串就係普普通通想像到既味道。而雞泡魚乾係好食既，但價錢唔平，所以都算係一分錢一分貨。
繼續閱讀
同姊妹行完 Donki，有 D 肚餓，一出門口就見到呢間餐廳喇~大家都腳攰，就拿拿臨坐低食野喇。我睇相就揀左個黑松露忌廉海鮮烏冬。我真係要話，呢碗烏冬真係令我好驚艷！Ｄ烏冬同平時食開嘅口感唔同，唔識講，但好立體。而且佢 Ｄ 忌廉好掛汁，每一啖烏冬都被個汁包住。Ｄ 海鮮都好好味，係汁＋烏冬 + 海鮮嘅完美結合！每一啖都令我感到好滿足好滿足啊！平時我出街就算叫少飯或少麵，都係食到半碗左右。但呢個，我竟然唔經唔覺食曬呀！仲會有少少意猶未盡....真係好癲!之後就係八味盛拼盤喇~裡面有好多款唔同嘅小食，真係岩曬眼寬肚窄嘅人呀，每樣都可以食少少！佢有啖啖肉嘅龍蝦沙律，激辣嘅魷魚，明太子雞翼、溏心蛋、芝麻醬秋葵滑豆腐、洋風帶子、一口芝士同埋紫蕃薯甘栗餅！每一款都有佢獨特嘅風味，每人都可以試下，每樣少少，停唔到口啊！最好食係洋風帶子，成個盤係重點，好入味。
繼續閱讀
第一次嚟呢間舖頭，中午時分冇人幫襯，心知不妙，坐低之後嗌咗兩碗拉麵，一嚟嚇一跳，原來得啖笑，同自己煮出前一丁差唔多，碗細，湯少，份量都少，但係如果好食都唔緊要，但係真心唔好食，啲肉硬，糖心蛋唔好食，鳴門卷一咬落去粉，可以講得差嘅都全部中晒，真心唔好幫襯，之前睇食評，人哋都話冇心做就不如唔好做，眼見將藍左右隔離啲餐廳都執得7788 ，呢間都係遲早嘅問題，唔係話一定要北上消費，但係香港亦真係幫唔落手，夠膽死收人$90一碗，真係衰到冇人有。
繼續閱讀