55
30
9
港鐵油麻地站 A2 出口, 步行約4分鐘
繼續閱讀
附加資料
Japanese Premium Soft Ice Cream
營業時間
星期一至日
12:00 - 23:00
以上資料只供參考, 請與餐廳確認詳情
相關文章
食完飯就當然要搵甜品食！咁岩見到間雪糕店，見未食過，就去試下～ 點知，唔食由自可～ 一食就真係中伏～波子汽水+士多啤梨+牛奶+巨峰提子雪糕外型：七彩繽紛，有齊曬我鐘意嘅顏色，影相厄like 絕對ok！味道：超級難食，勁甜既藥水味，藥水味仲會停留係口腔好耐，揮之不去。2017食過最難食雪糕！ 仲要差不多60蚊伏味指數：☠️☠️☠️☠️☠️基於唔想浪費，想迫自己食完佢。但真係太難食，捱左一半都係頂唔順，迫朋友幫我完成。佢一路食一路罵～ 仲話我好揀間咁難食既雪糕。仲話以後唔會再同我食雪糕
繼續閱讀
Being a green tea and dessert lover, of course I go as many places I can to try different green tea products. Then I discovered Check-in Tokyo when I was shopping in Mongkok.I preferred cone to cup. The amount of ice cream was more than I expected. The texture was quite creamy and smooth, but the green tea taste was weak, definitely not strong enough. It has more sweetness than green tea taste.The ice cream was large but the taste did not match my expectation...😥
繼續閱讀
［買一送一］因為系IG見到尼間店做promote,所以行過旺角，就黎試吃一下。4色Rainbow 有波子氣水（藍）、巨峰提子（紫）、士多啤梨（粉紅）、牛乳（白）顏色吸引味道算不錯，不同的味道都算突出，而且幾滑，但鐘意厚實質感的人未必岩三十幾蚊買一送一，算是抵吃
繼續閱讀
呢度一路開咗間雪糕舖都好多人， 點解呢？就係因為呢度有彩虹雪糕夠曬吸引! 最主要係因為有天藍色嘅波子汽水味，夠曬特別。第一次食波子汽水味嘅雪糕又真係覺得幾得意嘅。第二層紫色就係巨峰提子味，感覺比較似係提子糖。之後粉紅色好明顯就係士多啤梨園，白色就係牛乳。佢地啲雪糕都叫做幾smooth啊，冰感都唔重。除咗咁樣食肆陳仲有得食twist即係兩溝。我就揀左我至愛嘅兩隻色。不過味道都有少少互相搶風頭。整體也是還好的。
繼續閱讀
行過旺角見到呢間雪糕店好似幾靚咁，就停低左望左兩眼，見到有人買左杯雪糕，個筒係黑色幾特別。個店員又話所有雪糕買一送一，咁見到佢原價寫$30-$36一杯，咁就諗住買黎試下。我地排左一陣隊，幾分鐘到，就到我地。本身男朋友想食波子汽水味，點知佢話未有，得士多啤梨、巨峰提子、朱古力棒子同北海道牛奶味。問佢係咪買一送一，佢又話加$10多一杯，唔緊要喇我地照買。（不過我心諗，咁咩叫買一送一？）我地揀左巨峰提子同朱古力棒子，然後佢又話「買一送一」限同味。咁我地就問佢咁可唔可以要兩種味，佢話可以送既就兩種味其中一種，咁我地就嗌左巨峰提子同朱古力棒子，然後佢話新年送一款公仔，我地求其揀左貓仔。收錢既時候收$56，完全唔知點解係$56。然後企係到等雪糕，好快就有喇，真係好快。不過好失望，佢先比左一個貓樣既巨峰提子味竹炭筒，無錯只有巨峰提子味，並沒有朱古力榛子味！然後遞多一杯求其搵個膠杯裝既巨峰提子味雪糕。我地就同佢講，頭先落單你同事話一個巨峰提子加朱古力棒子，送就其中一隻味。然後佢同個收銀溝通完，叫我地補多$1，佢就收返杯膠杯裝既巨峰提子，拎返杯膠杯裝既朱古力棒子。完全無理到我地嗌巨峰提子味加朱古力榛子味配竹炭筒！我地完全唔知佢做緊乜！啲雪糕一啲都唔好食！巨峰提子味完全唔知自己食緊乜，少少甜，無乜提子味，完全係中伏。而個朱古力棒子係阿華田味而唔係朱古力棒子味。至於個好特別既筒......其實一啲都唔特別，同普通雪糕筒無分別，唔係特別好食。不過成個過程完全唔知收費係點囉，好似比人呃咁。之後睇返，應該係HAPPY NEW YEAR系列先係佢指既「所有雪糕買一送一」，同埋個「送一」係要加錢既，而不是免費多一杯。仲要佢「送」嗰杯係送你版咁，極度唔抵食！
繼續閱讀