影片
附加資料
新鮮麵包、蛋糕、唐餅及甜品
營業時間
今日營業
07:30 - 19:30
星期一至日
07:30 - 19:30
以上資料只供參考, 請與餐廳確認詳情
相關文章
Dining time（4:35pm tea）follow@wojengyea/@wo!正嘢 for more food info🐒 支持我哋發掘更多美食 😋今日遲咗起身食咗個常餐brunch，到四點幾肚餓非常。經過兆康西鐵站🚉見到君蘭餅店，即刻試試佢個原味必食芝士條。咬第一啖覺得等如一個cheese cake🍰嘅條狀版，唔算好甜，芝士味好香濃，食得出佢將個芝士忌廉改得清淡咗啲🧀，變得容易入口，唔會感覺膩，個餅底🍪有少少濕唔夠乾身。雖然話唔係太肥膩，不過食咗2/3 條之後都要唞一唞。😮💨佢有幾隻味選擇，店員話藍莓味🫐、柚子味🍊都受歡迎多人食。買兩件會平少少，下次會再試吓。
繼續閱讀
今日行過西鐡站見到這幾件卷蛋十分之吸睛，馬上走過去睇吓嘩！4款都非常吸引，仲要買3送1 所以毫不考慮之下就每款一件食邊件先，邊件先呀！1.啡色-焦糖焙茶-蛋糕好軟熟，蛋糕層有微微嘅焙茶味，連中間層焦糖cream 一齊食就會被焦糖蓋過焙茶味，但覺得有點甜。2. 紫色-芋頭味-好香嘅芋頭味喎，好味但唔特別。3. 綠色-宇治紅豆- 食唔到有綠茶🍵味，只食到紅豆🫘味，但其實整體都唔錯。4. 黑色-芝麻花生🥜- 嘩！原來係最特別、最好味嘅一件呀！黑色嘅芝麻蛋糕加上濃濃嘅花生醬味，中間仲有少少黑芝麻醬排行榜：黑色➡️紫色➡️綠色➡️啡色整體每件都非常軟熟，cream 多唔會太甜同太漏，$18件值得一試
繼續閱讀
今日經過兆康西鐵站，見到君蘭餅店，見好耐無食，就買下佢既甜品，做今晚既飯後甜點啦！見到佢有好多賀年食品都好抵，而且甜品方面都好多買三送一的優惠，即有好多唔同產品都有會員價。但今日我就選擇買一個迷你版輕芝士蛋糕，價錢亦相當便宜只係$17講下個芝士蛋糕啦，我哋覺得芝士蛋糕個表皮比較乾身而且偏硬，另外，蛋糕個身唔夠重芝士味，同埋質地唔算好輕同好滑但係以呢個價錢，唔可以同啲大牌子比下去，但君蘭就可以話行性價比路線
繼續閱讀
平時放工經過親君蘭, 都會買杯朱古力慕絲, 芒果布丁或木糠布丁食。 我鍾意君蘭因為佢D甜品成份比例好, 例如: 每一啖D cream, 海綿蛋糕, 朱古力慕絲同其他配料比例好均行。今次試吓佢哋嘅栗子蛋糕, 款式唔錯, 傳統得嚟幾精緻。蛋糕面有朱古力, macaron, 士多啤梨下有開心果仁碎, 好detail. 海綿蛋糕好鬆軟, 買慣大型D嘅連鎖蛋糕店蛋糕, 好耐無試過咁新鮮鬆軟嘅海綿底, 有雞蛋味。 栗子蓉份量十足, 又軟又香, 唔似大集團D蛋糕, 海綿蛋糕同cream 嘅份量愈來愈多 栗子蓉得少少。除咗DD，栗子蛋糕外圍佈滿果仁粒,夠哂口感, 間接令到蛋糕無咁“濟”。大家有興趣可以試一下
繼續閱讀
昨天經過這裏買左一份咸牛肉三文治芝士三文治做早餐,撘車時候食,麵包好軟,係麥包嚟架,咸牛肉,芝士都好平均,好香好好味呀,還有一些青瓜架.價錢又唔貴,9蚊算係抵食的了,我都幾鍾意嚟呢間麵包店買麵包食的,因為覺得食物有質素,價錢又抵,唔會好似大型連鎖店咁又貴又唔抵食的呀!!
繼續閱讀
您可能會有興趣的...