影片
港鐵油麻地站 A1 出口, 步行約3分鐘
開飯介紹
提供法式菜的咖啡店兼酒吧，佈局簡單乾淨，性價比高，菜式擺放精美，適合拍照打卡。意式什菜湯味道帶有淡淡香草香、黑松露醬薯條醬味香濃、三文魚扒香口味美，是享受精美西餐的好地方。
營業時間
星期一至日
12:00 - 00:00
以上資料只供參考, 請與餐廳確認詳情
今日同朋友黎到旺角登打士街36號恆威商業中心18樓既＜LITTLE Fresh Cafe&Bar＞(溫馨提示：由於小本經營，地方比較偏僻難搵，先到油麻地A1出口，背住出口右手邊望到大廈與大廈之間的小巷行2條街，就會到樓下啦，入去上18樓)上到18樓一眼望晒，地方細細地，約30個座位左右，適合約返三五知己聚餐傾計 我地先睇菜單，揀左＜金沙焗龍蝦芝士扁意粉＞同＜BBQ醬配炸無骨橫財豬手＞ 先黎餐湯同牛油蒜蓉包無話咩特別，正常既 ，蒜蓉包暖既，唔係擺係到風乾成日硬口嗰啲先黎講＜金沙焗龍蝦芝士扁意粉＞賣相精緻吸引，意粉掛上濃濃的芝士汁味道唔錯 份量以lunch 嚟講差不多 整體嚟講 個人覺得如果醬汁同龍蝦能淡味少少會更加完美啦至於＜BBQ醬配炸無骨橫財豬手＞賣相幾好睇，第一時間見到炸脆皮既咸豬手去骨 攤開，表皮睇到炸起既焦皮，色澤紅棕色，底下伴碟有薯蓉，紫椰菜絲，西蘭花，碟邊有用湯匙勾出既BBQ醬，色彩繽紛，先令眼球注目，吸引食客對食物質素既觀感，做得唔錯再黎試食，伴碟既紫椰菜絲，西蘭花同薯蓉，普遍做法，唔會太突出亦無喧賓奪主搶左豬手既地位至少豬手，可能廚師唔想豬手炸太深色，油炸溫度比正常炸既溫度低些許，但炸時間長左少少食得出皮有啲韌，厚肉部分肉質偏乾偏硬，入口開始有感覺到柴，但豬手有脂肪部分食落去仲有肉汁同嫩既口感，點BBQ醬食，的確惹野！ 總括黎講，今日黎到 ＜LITTLE Fresh Cafe&Bar＞ ,係油尖旺區算得上大眾化價錢，又夠飽，賣相可以既小餐廳，大家值得去試食另一個溫馨提示，如想去試食，請做好預約會好啲，因為預約再講埋優惠碼＜B43889＞,會有9折嫁，大家有興趣就去試下啦
繼續閱讀
前排睇完黑白大廚，朋友介紹左呢間fusion 菜，可以試到啲好新穎既菜式，重點係用料新鮮；上一次同朋友食果個舊menu比較多特別野，今次再食已經換左menu~試左個青口意粉同埋好似係蕃茄豬頸肉意粉，賣相好似好普通咁，但係食落有驚喜，個青口唔似平時出面食果啲無味既青口，佢係帶有海水味，食落好juicy，而豬頸肉就好爽口；我個人就覺得青口果個正啲😆希望下次再去又有其他新菜式啦🤭#搵食 #旺角 #旺角美食 #小店 #吃貨 #西餐廳 #fusion菜 #lunch #foodblogger #foodstagram #instafood #chill
繼續閱讀
煙花女海鮮意粉$88煙花女我聽完唔太明就問下侍應。侍應講到話係意大利名菜，甚至乎有個意大利人特登走落嚟食都話讚好👍🏻 佢講到咁我就叫試吓。我查返、原來在義大利文中， puttana 是妓女的意思。 傳說這道料理是佢地在辛勤工作之際，可以快速烹煮 出來的菜色。事實上係有種蕃茄醬嘅甜甜味道，都有少少酸辣。感覺唔錯。伴碟都有唔少海鮮，有蝦、有蜆、有青口、有黑橄欖。托斯卡納繪雞扒配薯菜 $108原來佢原文係（creamy)Tuscan chicken ..唔怪得知佢個醬汁係之前冇食過～ 都真係creamy geh ~ 可以話係奶油主導的，但雞身煮得幾juicy and tender 薯菜都係炸得幾香口竹薯條🍟 令人忍唔住食⋯ 侍應話係美國特登訂返嚟嘅，外脆內裡保持住薯仔味。
繼續閱讀
洋蔥湯：好好味，散發住香草味🌿，喜歡香草味🌿嘅，應該會喜歡火魔醉蜆：每張枱都會點嘅菜式，一上枱，店員即在上淋上酒，成碟蜆即時變得好惹火，好吸晴，好適合打卡😎牛肝菌汁牛背骨意大利雲吞：一睇個名以為雲吞係主角，點知上菜時見到咁大件牛背骨，都好驚喜，牛背骨的肉不會乾，肉燒得剛剛好，牛肝菌汁香濃，牛背骨和意大利雲吞蘸上牛肝菌汁，令味道特出😋西班牙海蝦蛋餅：賣相看上去不錯，但吃時覺得有點油膩，蛋味不太特出。
繼續閱讀
餐廳入口隱藏喺高樓大廈嘅小巷到環境雖然唔算好大但坐得舒服採光度十足☀️set luncb呢個價錢包埋餐湯/沙律同嘢飲好抵👍🏻order左兩個意粉一個係煙花女海鮮意粉 $88海鮮有蜆，青口，蝦，魷魚意粉炒得好香好好味煮得啱啱好又夠乾身！一上台聞到好香蕃茄味🤤食落少少辣辣地👍🏻冬陰功豬豚肉意粉 $78冬陰功味十足酸酸辣辣除左豬豚肉仲有同幾款菇一齊炒一樣係炒得好香😍鍾意食冬陰功嘅絕對推薦大家試下泰式醬汁混合西式意粉原來都可以咁夾🫣餐湯係昆布蜆肉味噌忌廉湯昆布同蜆肉都好多，飲落唔會太鹹帶有少少忌廉味配埋蒜蓉牛油嘅軟法包 超鬆軟好好食🥹🥹仲叫左個火魔醉蜆 $88喺你面前淋上酒蜆肉大粒冇沙有牛油香之外酒味亦唔會太重鍾意食蜆的話呢到料理都好推薦🥹🥹👍🏻👍🏻仲有tea set menu同朋友上黎食嘢傾下計都唔錯呢到仲開到凌晨2點！有啤酒飲添就算傾計都唔會太吵幾舒服✨
繼續閱讀