32
4
6
營業時間
今日營業
11:45 - 14:30
18:00 - 22:00
星期一至日
11:45 - 14:30
18:00 - 22:00
公眾假期
11:45 - 14:30
17:30 - 22:00
公眾假期前夕
11:45 - 14:30
18:00 - 22:00
以上資料只供參考, 請與餐廳確認詳情
招牌菜
食家推介
食評 (47)
呢間餐廳嘅菜式,好幾款我都覺得好有特式,每隔一段時間,就要去探吓老板同侍應生. 享受我喜歡嘅特色又美味嘅菜式！今日點咗招牌醬爆蝦丸. 新菜式黑蒜蒸清遠雞, 花竹蝦粉絲煲.招牌醬爆蝦丸, 蝦膠打得好彈牙入麵包樹芝士醬一咬入去個心啲芝士醬就會流出嚟,食嘅時候要好小心,唔係分分鐘會辣親個嘴, 但係真係好好味💞黑蒜蒸清遠雞,雞肉好亂滑配上隻黑蒜同埋調咗味嘅豉油唔會太鹹但係又吊出咗雞嘅鮮味😍花竹蝦粉絲煲, 花竹蝦好新鮮,個殼做到好脆！ 肉質好嫩,配上入味嘅粉絲,好味👍呢度有冰桶酒杯提供,唔收開瓶費,如需要使用冰桶同埋酒杯先會收返少少服務費☺️
繼續閱讀
这家私房菜館位置不显眼，菜肴卻很出彩！從中能感受到廚師自己的用心，不似一般飯店出品的菜。我們嘗試了清蒸東星斑，咕嚕肉，聖子王和鹽焗奄仔蟹，都相當滿意！尤以東星斑最美味：鮮滑無比！服務熱情周到。很多熟客捧場，本身說明是一家經得起時間檢驗的老飯館。
繼續閱讀
從來都唔會寫食評，今次第覺得真係不吐不快。成日都想來試呢間私房菜館食晚飯，加上朋友熟客介紹，今次專登預早book位同加拿大番嚟度假嘅屋企人去試，重提早揸車過海去九龍城搵位泊。滿心期待，點知每食一道菜，中伏嘅感覺就越來越強烈，最後決定快快脆脆食咗六道菜cut loss走人- 招牌貴妃醬蟶子皇（$28兩）：唔惹味冇鑊氣之餘，個聖子重要唔熱，同夥計反映，攞返入去翻炒，超冇癮- 咕嚕肉：份量少，個汁唔夠酸甜，得個脆字，唔多食到肉味又薄- 柑桔蜜蝦餅: 蝦膠算唔錯，彈牙，但係個汁似韓國柚子蜜,同蝦餅唔多夾- 沙薑雞半隻（$268): 賣相完全唔吸引，切到歪歪斜斜，肉質又乾，難聽啲講好似隔夜咁。食到碟底唔知點解見到一舊好似煲過湯嘅金華火腿碎，仲要發現雞翼上面有條頭髮，呢個價錢唔太合理。- 豉油王豬扒：肉質好差，好奇怪，霖到不得了。完全唔似食緊豬肉， 唔知係咪鬆肉粉嘅威力。- 豉汁煎釀三寶：冇特別，只係用咗蝦膠。最後一行六人再去清真牛肉館食過晚餐補返満足😋奉勸如果唔係熟客，請有心理準備😓
繼續閱讀
年近歲晚🧧係時候一家人聚首一堂食團年飯～舅父之前食過位於九龍城嘅私房粵菜，今次就決定帶我地食！佢特意挑選啲正野過我地嘆😋*1.）陳皮無錫骨（10/10）呢道菜我認為係成晚嘅精粹！🤩味餸一黎，陳皮香味四溢！只見陳皮絲鋪滿晒係啲肉上面無錫骨係用類似五花腩做材料，炆得好入味，入口即溶！陳皮酸甜+熱辣辣鎮冮醋，解膩之餘仲好開胃！2.）菜膽杏仁燉白肺湯（9.5/10）好香嘅杏汁味撲鼻而來，配埋白菜膽令個湯更顯鮮甜，加埋豬肺補一補，潤一潤！好足料，誠意十足！🤓3.）貴紀醬炒聖子皇+米粉底（9.5/10）可謂成晚嘅第二個重點！😚聖子鮮味十足，彈牙爽口，墊底嘅米粉好乾身最緊要係撈埋類似XO醬+馬拉盞嘅貴紀醬汁，香口惹味！4.) 胡椒粉絲大蝦煲（9/10）大蝦按人頭，個個都有得食～🦐好鮮甜，好乾身，我忍唔住連蝦頭都食埋😋粉絲吸哂啲鮮味，胡椒辛辣味帶出令一種惹味，可以食到兩種層次嘅味道！5.）蝦醬炸新鮮龍崗雞（8/10）雞肉keep到好嫩滑，炸得好乾身，雞皮炸得薄脆，又唔會食落口成口油咁款，值得一讚👍🏻唯蝦醬味唔係好出，略嫌失色！6.）海參鵝掌海皇煲（7.5/10）整體炆得好入味😙但海參鵝掌份量略嫌少，鵝掌唔夠分！😅7.）果皮碎蒸海上班（7.5/10）我就唔太食得出果皮味🤔但欣賞佢將魚分好唒件上碟，食起來好方便👍🏻算係誠意搭救！🤣8.）香脆南乳雞翼（7.5/10）有人話想食雞翼，就追加左份南乳雞翼略嫌南乳味唔係好出，他想食樂雞肉有少少乾柴，感覺爭咗少少😕但勝在金黃香脆，買相來講係吸引到我👍🏻9.）瑤柱蛋白炒飯（7/10）話晒都係食中菜，點都要食返啲飯先滿足！炒得好乾身，粒粒分明！👍🏻如果落多啲瑤柱蛋白，成件事更Perfect！☺️11.）薑茶湯圓（6.5/10）唔知係咪有期望有失望，個薑茶食落冇乜特別，似係普通用粉開嗰啲，湯圓都係普通，不過不失la 😕食物質素：好嘅就真係冇得頂，亦都有個別食物略嫌普通服務態度：唔知係咪舅父同老闆娘相熟😂老闆娘態度親切，問我哋啲嘢好唔好食，上菜時有叫我哋小心熱，對客人非常體貼😌環境：雖然鋪面唔算大，但座位都算闊落
繼續閱讀
聖誕節剛過去新年將至，香港九龍城工商業聯會聯乘九龍城過百家商戶及特食肆，攜手呈獻*九龍城食、買、玩*活動，這天由可愛的虛擬代言龍*惢淼龘*(心水龍)為大家介紹，透過實境互動手機應用程式於九龍城不同⻆落捕捉*惢淼龘*，便可換取由參與商戶及食肆送出的特色餐飲或禮品，藉此推動本地消費為大眾提供更多節日玩樂選擇增添佳節氣氛。肚子餓到打鼓了第一站我們走到食得妙吃午餐，原來這間食得妙私房菜已經開業多年真的失覺晒！食得妙一直堅持不加味精更以高級食材炮製懷舊菜式，令我們非常期待這頓午餐呢！店家內一點也不像數十年的老店！而且裝潢十分優雅骨子，老闆娘首先為我們送上熱騰騰的鮮淮山螺頭燉豬展湯，燉湯非常足料喝下去味道清甜非常滋潤的感覺。然後是四道美味的菜式上檯，包括是大澳香脆雞翼、招牌爆漿蝦丸、鮮鳳梨咕嚕肉及鮮百合浸芥蘭。大澳香脆雞翼＄112/4隻選用新鮮的雞全翼來炮製，弄得皮脆肉香不油膩喜歡雞翼的我吃得滿心歡喜。招牌爆漿蝦丸＄136/4粒全粒純蝦丸無添加任何成分，內裏包裹著邪惡的芝士餡咬下口感很彈牙，加上芝士的鹹香這粒蝦丸美味非常。然後這個鮮鳳梨咕嚕肉＄148用新鮮梅頭炸至外皮香脆內裡多汁，味道酸甜的汁醬緊緊包裹著咕嚕肉不多也不少恰到好處！最重要是用上新鮮的鳳梨這個我給一百分。再來一碟是清甜鮮嫩的鮮百合浸芥蘭＄98，以新鮮的百合、白果和高湯浸脆嫩的芥蘭苗，味道清甜的湯汁配襯菜味濃郁的芥蘭苗絕配。最後我們還得到一客招牌秘製貴妃醬炒蟶子皇＄28両，還額外加上了炸米粉底呢！新鮮蟶子皇烹得很迷人味道很鮮甜，那秘製的貴妃醬香味滲進香脆的炸米粉中超美味為我們這頓午餐畫上完美的句號。
繼續閱讀
您可能會有興趣的...