港鐵太子站 D 出口, 步行約2分鐘
繼續閱讀
電話號碼
23081883
開飯介紹
以多款食材製作手工餃子，湯底為熬煮4小時的椰子海帶鮮雞豬骨湯，味道清甜；嗜辣的朋友則可選擇酸辣湯底。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
相關文章
🌟餐廳：豐信餃子店📍地址：太子汝州街17號地下A號舖💰價位：$50～$100⏰營業時間：星期一至日 08:30 - 18:30📱電話：2895 0020秋冬最鍾意就係食湯餃/湯麵，今晚同朋友揀左人氣大熱既「豐信餃子店」，晚市時間超受歡迎，大排長龍，大家想食鮮味十足既餃子，記得早d 黎攞位啦～———————————————————🔹涼伴海蜇涼拌海蜇爽脆Q彈，醬汁微微酸，開胃又清爽～———————————————————🔹酸薑流心皮蛋大大隻份量十足～流心皮蛋入口綿滑，蛋香味濃，皮蛋黃令人齒頰留香！好鍾意自家醃制既酸薑，甜甜辣辣，爽脆又解膩～———————————————————🔹招牌秘汁拼盤招牌拼盤有齊滷水雞翼、滷水蛋、滷水牛腱、滷水雞腎，夠哂豐富！自家秘製醬汁滷香味突出，夠晒入味，我就最鍾意滷水雞翼同滷水蛋，雞翼大大隻肉質嫩滑，滷水蛋索滿濃郁嘅醬汁，食落特別惹味～———————————————————🔹南瓜粟米鮮肉餃 （金沙煎餃）濃郁嘅鹹蛋黃配搭南瓜粟米鮮肉餃，簡直係完美嘅組合～好完美咁結合芝士粟米同埋豬肉～芝士同埋粟米咬落味道好濃郁，帶點拉絲，甜甜地好正，加埋爆汁嘅豬肉，食落好滿足～🔹芫茜鮮肉餃（金沙煎餃）作為芫荽控嘅我，當然要試吓另一款芫茜鮮肉餃～芫茜嘅份量夠晒澎湃，味道清新夠突出，豬肉肥瘦適中，令人食得好滿足～———————————————————🔹梅菜粟米鮮肉餃 （湯餃）終於嚟到主角出場，我所指嘅係呢一度嘅招牌湯底 - 椰子海帶鮮雞豬骨濃湯，湯頭滲透淡淡雞肉及豬骨鮮味，再加入椰子海帶，飲落特別清潤鮮甜，用黎搭配餃子，絕配！梅菜粟米鮮肉餃，呢個配搭夠晒特別，梅菜鹹鹹甜甜，更能突顯豬肉嘅鮮味，好夾～🔹薺菜馬蹄鮮肉餃（湯餃）薺菜含有大量粗纖維，促進腸道蠕動，幫助消化係富健康嘅菜種之一，搭配粒粒爽脆清甜嘅馬蹄及肉汁豐富嘅豬肉粒，夠晒飽滿、值得一試！———————————————————🔹清熱潤喉羅漢果甘草茶 及 柑桔蜜呢度嘅自家製飲品，清熱解毒又養生！羅漢果甘草茶，用料十足，潤喉得來帶點清涼嘅甘草味，清熱解毒一流自家調製嘅柑橘蜜，採用自家醃製柑桔，鹹鹹酸酸，降火又解渴———————————————————😋味道：4/5🏢環境：3.8/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結鍾意食餃子嘅朋友仔，一定要嚟朝聖下呢一間大熱嘅餃子店，除咗採用嘅湯底以雞肉及豬骨熬煮之外，滋補又養生，提供嘅餃子款式選擇眾多，有齊湯餃、煎餃、金沙餃，配搭各款粉麵，一一供應，總有一款啱你心水！除咗餃子之外，幾款自家創作小食亦係招牌之一，大受歡迎，值得捧場！
繼續閱讀
呢間餃子店超級多人排隊相信係因為黃店等候時間大約1小時多😳😳韭菜鮮肉餃拼香菇 7隻加粗麵 $55個湯係椰子海帶鮮雞豬骨濃湯 每一隻餃子都好多肉！椰菜鮮肉餃7隻轉即煎餃 $41需時大約15分鐘 餃子好大隻 餃子皮比較厚身 食幾隻已經好飽～招牌秘汁拼盤 $47個人最推薦是這個拼盤 因為滷水汁十分入味 有雞翼滷水蛋雞腎同埋牛展～ 香煎豆腐 $19總共三件整體都仲係好滑 配埋啲蔥花要一齊食會更加香上湯時菜 $16是日係菜心大大條！青檸蜜 $12清熱潤喉羅漢果甘草 $12兩款飲品都好解渴同埋健康！ 豐信餃子店 (太子)太子汝州街17號地下A號舖
繼續閱讀
呢間位於太子嘅餃子店好出名 出名大隻足料 平日六點倒去都大排長龍 見到擴建中 而家仲係店仔細細 唔想等嘅話真係要試試非食飯時間過去😂😂好彩大家都快食快走都唔算等好耐🍲🥟湯餃-椰子海帶鮮雞豬骨濃湯芫茜鮮肉餃($45/7隻)南瓜粟米鮮肉餃($42/7隻)一人一碗湯餃 因為個椰子雞湯好吸引 但叫完有啲眼闊肚窄 因為啲餃子超大隻 一隻等於平時兩隻 而且啲料塞得好充實 勁飽肚 休息左幾次先食得曬😂😂🥟煎餃(+$17轉邪惡金沙餃)芝士粟米鮮肉餃椰菜鮮肉餃($57/10隻）如果食多啲款 可以叫10隻雙併餃 金沙係必叫 啲咸蛋味令到餃子好惹味 餃子皮都好脆 不過因為金沙本身都濃味 同本身淡味啲嘅椰菜餃比較夾 同芝士撞埋就岩重口味嘅朋友喇🤤🤤🥘香煎豆腐($19/3件)煎得好脆 再有淡淡椒鹽味 外脆內軟 係好惹味嘅小食🤓🍹菊花蜜 ($12)羅漢果甘草茶($12)兩樽都幾大支 而且飲得出係自家製 原汁原味 食煎餃下火就岩曬🤭🤭
繼續閱讀
平日放工嚟到太子附近已經見到小店湧現人龍，不過今次冒名而嚟就等下。小店地方淺窄，大家都迅速食完，翻枱都算快嘅。餃子有分煎餃同湯餃。椰子湯底熬制4小時，鮮甜。🥟芫茜鮮肉餃 餃子皮身厚薄適中，芫茜香濃惹味。🥟芝士粟米鮮肉餃 + 邪惡金沙餃 芝士趁熱食會帶拉絲效果，煎餃表層鋪滿鹹蛋黃碎，鹹香味濃。麻辣白菜鮮肉餃 混合着花椒嘅麻味同辣椒嘅香辣。秘汁雞腎份量唔少。涼拌雲耳份量多到差唔多倒瀉，雲耳爽口，帶微微麻辣。 甜蜜蜜雞中翼雞肉夠嫩滑酸薑流心皮蛋皮蛋黃半凝固，幾滑溜,蛋身Q彈爽滑。香煎豆腐煎得啱啱好。
繼續閱讀
啲肉熟咗都好似生肉咁，勁恐怖嚇到我第一次食評就係呢到寫啲肉咁嘅色似落咗好多加工嘢，啲味都好奇怪我仲以為自己煮十分鐘都唔熟仲特登拆一嚿餡出嚟再煎睇下咩料😅，點知都係一樣色見到有人留言職員話係醃到咁嘅色，真係想請教下落啲咩調味可以醃到咁雖然隻餃好大隻，但就係太大隻完全係加重咗我難受嘅負擔😅個湯又係勁重添加劑味精味個啲評價話好食個啲係咪打手仲要勁多好評？？？落超市是但買一包都好食過呢間，起碼唔係奇怪肉先😅
繼續閱讀