1867
557
294
港鐵佐敦站 C2 出口, 步行約2分鐘
繼續閱讀
電話號碼
27301356
開飯介紹
餐廳上菜速度快,招牌菜為嫩滑、蛋香四溢的炒蛋。
繼續閱讀
獎項殊榮
最優秀尖沙咀開飯熱店 (2014-15), 最優秀開飯港式茶餐廳 (2008-2016)
附加資料
泊車:門口咪錶
營業時間
今日營業
全日休息
星期一至三
07:30 - 22:00
星期四
全日休息
星期五至日
07:30 - 22:00
*每逢勞工假:休息
以上資料只供參考, 請與餐廳確認詳情
招牌菜
食家推介
相關文章
澳牛幫襯左好多年,雖然啲侍應講野粗聲粗氣,但其實佢地好有人情味我係隔離街返工,每朝早都會去快閃一個早餐,雖然佢地每次而極速落單上菜。但其實去多幾次佢地就會記得你依加一去到講聲例牌就搞掂蛋治烘底真係必點,我覺得可能係香港最好食既蛋治又滑又香呀 點搞叉燒意粉港味十足都正
繼續閱讀
啲嘢食講真好一般,啲蛋極鹹要夾包食,啲叉燒就偏甜。服務就眾所周知,但係你都唔好落錯單先得㗎。嗰日我叫常餐你俾個快餐。又冇俾單我睇吓嗌咗咩,食完先知原來佢幫我落咗快餐。然後話因為杯檸茶係大杯所以死都唔肯換,我第一次嚟食點知你杯檸茶大杯定細杯。仲叫我額外加多個$38嘅通粉,咁我咪喺你度食成80幾蚊,唔知有心搞詐騙定冇心想大事化小。你服務差都算,好心你錯就要認啦。仲喺度大大聲聲喺間餐廳同所有人講以後記得啲客話要快餐嘅時候同佢講埋入面有咩,不如你留返啖氣專心聽吓啲客嗌咩好過啦。
繼續閱讀
好耐冇食了不過一直都keep住有人氣大排長龍但都好快排到 因為係光速效率😂幾分鐘內到安排到入座雖然之前網上話服務態度麻麻地 不過我又唔覺得出面其他餐廳可能態度仲差最多只可以話佢哋係冇乜笑容 講嘢冇乜尾音姐 不過相信好多香港人都習慣 但係對旅客黎講就未必慣雖然明知係咁 但都仍然好多旅客去食😂我點左最經典既茶餐✨佢自3月起就加左價加埋涷飲 盛惠$60大元係貴d既 不過出面茶餐廳其實都五十幾蚊🍞好鐘意厚多士 微微烘過配牛油🧈炒滑蛋好大份 應該有2隻蛋份量 今次咸左少少🤔🍜叉燒意粉永遠食唔厭😍但略嫌叉燒太薄片 份量唔多 相反意粉就多d湯底都係金寶忌廉雞湯味 正 忍唔住飲幾啖🤩呢隻味係茶餐廳專屬 屋企永遠整唔到🥺☕️熱奶茶做到順同滑 幾厚身 茶底幾好 唔會澀我冇落糖都入到口😊我覺得一間咁多年歷史既茶餐廳 一定有吸引之處😏佢亦好有個人獨特性🥸光速服務更加代表左香港人做野快有效率既長處😎下次我會試下紅豆冰同雙皮奶 仲有西多士🤤
繼續閱讀
加價後第一食 😎 收工一個人去到,冇人排隊,直入,哥仔安排去四人枱搭位,有士啤凳放手袋,讚!都係叫返個茶餐($58):多士 🍞、炒蛋 🍳、牛肉通。味道依舊,炒蛋一樣咁香滑,食咗幾十年都唔厭,當日係通粉淋咗些少,但啲湯差唔多俾我飲晒。😝 最後order茶走作結。
繼續閱讀
話到明係天花板,就當然係好受歡迎啦😲我個日正直lunch hour 1 點去到🕐條人龍長到已經橫跨幾個舖位,目測都有幾十人係我前面等緊,真係好堅抽👀雖然條龍好長,不過我等咗15 分鐘就入到去了,可見餐廳出餐速度真係好快💨😎餐廳雖然加咗價,但都依然無阻客人嚟食嘅心,我就叫返我嘅最愛,茶餐 $58:牛油多士,火腿炒蛋,叉燒通粉😍茶餐 - 叉燒通粉上枱嘅速度真係光速咁,嗌完之後唔洗30 秒就已經嚟咗碟通粉,電話都未拎到出嚟撳🤣🤣唔好睇佢個樣好似冇咩特別,佢個湯底好鮮甜,而且通粉好彈牙,唔會煮得過淋同過硬,同出面平時食開個啲硬掘掘嘅即食通心粉差天共地,叉燒係薄切但每一舊都好淋,雖然簡單但好出色🥰茶餐 - 多士、火腿、炒蛋平時出面食茶餐廳嘅炒蛋,通常都會加奶一齊炒,但個滑度都唔及澳牛,唔知道佢哋有咩秘方,可以炒到啲蛋咁香咁滑🤫多士係厚切,而且即使我放耐咗佢冇咁暖,塊包都係好鬆軟唔會硬哂,我個人就鍾意將火腿同炒蛋放係多士上面食,好豐富🤩茶餐 - 牛油多士教多大家一個我好鍾意嘅食法,就係加啲糖落去塊多士上面,一秒變甜品,味道就好似奶油多咁,如果有多幾塊就好🤣🫣.總括嚟講,澳牛我可用3 隻字嚟形容,就係「快。靚。正」,由我排隊開始計,到我食完離開都係半個鐘,完全體現到香港人急速嘅精神🤣而且食物質素都係💯分,冇得挑剔,雖然坐位就會比較逼,但呢個先係香港傳統文化🇭🇰🫶🏻
繼續閱讀
您可能會有興趣的...