208
50
17
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
開飯介紹
來自台灣的手工麵店，主打融合台式及川味的麻辣牛肉麵，湯底用經過72小時熬製的牛骨湯底配特製麻辣醬。亦供應香港限定的鹽水雞，和一系列台式小食、甜品及飲品。
繼續閱讀
附加資料
最低消費$50/位
營業時間
星期一至日
12:30 - 22:00
公眾假期
12:30 - 22:00
公眾假期前夕
12:30 - 22:00
以上資料只供參考, 請與餐廳確認詳情
食家推介
相關文章
勝面係台灣過江龍餐廳 主打非一般嘅麻辣牛肉麵 餐牌都幾多選擇🫡-台式鹽酥雞滷肉飯鹽酥雞都夠脆 好夠椒鹽味 幾滑😋 啲飯偏淋身 個滷肉汁唔會太過鹹👍🏻👍🏻 滷肉就正常 無話特別滑🫠 有細細粒冬菇 好淋同好滑😗 飯就唔算好多 不過有好多餸❤️🔥 -招牌麻辣·牛三寶 $88 有得揀湯麵/ 拌刀削麵/ 湯飯 而湯麵有關廟麵/ 新竹米粉/ 手工刀削麵👍🏽 揀咗關廟麵 感覺似淋啲嘅拉麵😂 如果想啲麵淋啲/ 硬啲可以提早同侍應講👌🏻 麵就唔算多 但真係有好多餸😋 牛三寶分別係牛頸脊肉，牛頰肉同牛腱心 三款都好重牛香味 可以同時間試曬三款口感嘅牛肉🥰 辣度方面 少辣都算辣 偏油🥱 另外配有豆腐同鴨血 豆腐係嗰啲蜂巢豆腐 鴨血好滑同幾入味 充滿台灣風味❤️🔥-抹茶歐蕾熔岩食完個麵要飲返啲嘢解膩😋 呢個飲品超重奶味 有好大舊布丁🍮 舊布丁幾滑 而啲綠茶味中和返布丁嘅甜味 雖然綠茶味可以再多啲 不過整體嚟講幾好飲👍🏽
繼續閱讀
這天不用上班，太座中午約了家人，我又要幫妹妹辦點事，各有各忙，於是我們便約了在晚上看電影，開場前先吃點東西，朗豪坊的選擇也真多，太座的選擇是吃刀削麵。餐廳地方不大，只得十來張檯，主打是台灣食品，麵，飯，小食等。太座選了招牌麻辣牛三寶，可選擇關廟麵，新竹米粉或手工刀削麵，她的首選當然是刀削麵，其實三寶是牛頸脊肉，牛頰肉，牛腱心，配料還有鴨血和豆腐。麵是大大碗的，太座讓我分享她一些食物，最軟腍的是牛腱心，並帶有豐厚的骨膠原，而牛頸脊肉較有嚼勁和有肉味，牛頰肉則軟硬適中，同一碗可吃到三種口感的牛肉實在開心，鴨血是可口和美味的，豆腐吸索了麻辣湯汁，刺激了沉睡的味蕾，口腔發熨，麻辣得過癮，刀削麵是太座最喜歡的麵種，愛其煙韌質感，她吃得愜意便是。我較喜歡吃飯，點了台式鹽酥雞滷肉飯，飯夠熱和軟糯，鹽酥雞是細細件的，鹹香的味道、酥脆的外層尚算中規中矩，若是雞切得大件些少會較好。至於滷肉，我覺得做得不錯，肥瘦適中，味道亦調得合我口味，送飯一流。這款小食名字有點怪，叫「不能點的蝦餅」，為什麼不是「不吃不可」或「不能不點」，無論怎樣，太座點了！蝦餅是炸的，但稍為過了火，稍乾，如果少炸一分鐘效果一定不一樣。隨著時間過去，餐廳也愈來愈多人客，我們也是時候離開了！
繼續閱讀
星期日中午食飯時間，只有小貓三四隻。-❤️涼拌手撕無骨鹽水雞配湯刀削麵刀削麵麵質有咬口，偏厚身。湯底望落似清湯，但係都有少少調味，可能食開淡口嘢，淨係食麵都夠味。鹽水雞就細細碗，配咗芫茜、青瓜同芝麻，啲雞肉好碎濕濕，唔係一大舊雞肉個種，調味唔濃，但都夠味。$72嚟講，價錢偏貴，份量偏細，幾條麵加少少雞肉應該好快會餓。-💔麻辣滷鴨血平時一盒鴨血都$6,70，見呢度$28就食到鴨血，緊係嗌嚟試下。鴨血都幾吸辣汁，但因為偏薄身，所以咬開個陣做唔到爆汁嘅感覺。佢呢款麻辣汁唔係好啱我口味，一開始有少少麻，唔係好辣。下次唔會再嗌呢款👎🏼
繼續閱讀
今晚約了好友到旺角晚飯。好友提議吃台灣菜，尋尋覓覓下來到朗豪坊的「勝面」。「勝面」本店在台灣，能夠猛龍過江來港插旗，相信必有其吸引之處！「勝面」的招牌是牛肉麵，當然要嚐嚐！因為朋友不能吃辣，改為紅燒湯底，味道香濃。牛三寶分別是滷水牛𦟌、牛頸脊，以及牛臉頰肉，入口鮮嫩之餘，又重牛香味。另外還配有鴨血、滷水豆腐，麻辣汁惹味，帶著麻香後勁。麵底選了刀削麵，口感煙韌。另一碗湯麵就選了關廟麵，口感軟彈（不過2者中，喜歡刀削麵多一點）。秘制古法滷水拼盤十分豐富，有豬耳、豬大腸、豬頸肉、牛腱心、雞翼、雞腎和滷水蛋共7款食材。滷水自家製，標榜加入特別的藥材，能夠有散寒去濕、開胃消食的功用。食材都滷得入味，佐麵一流，不過就稍嫌肉質有少許『鞋口』。其實就是月亮蝦餅，不得不說的是這款小食原來是起源自台灣。春卷皮外層炸至金黃色，入口脆卜卜。蝦餅有起膠彈牙的口感，夾雜著粒粒蝦肉。配以泰式酸辣醬蘸點，更加香口美味！
繼續閱讀
勝面🍜🔹台式甜不辣拼花枝丸滷肉飯🔸人氣精燉牛腱心。刀削麵🔹涼拌手撕無骨鹽水雞🍹鴉片黑糖波波奶茶🍹脆脆布丁歐蕾奶茶-台灣菜✨餐廳光猛但有d少位。值得一提係餐廳員工係講普通話，好配合餐廳主題。(一開始仲用廣東話同員工點餐😂)另外，餐廳會一直播住熟悉既國語歌，識既可以跟住哼🎼食物方面滷肉飯同刀削麵都幾好食，好入味😋鹽水雞有d少飲品方面唔推薦🙁👎🏻黑糖波波奶茶唔甜(冇叫少甜)而布丁奶茶冇乜布丁，得d布丁汁。失望😞總結可以試下d食物，但飲品就唔需要啦😂員工服務態度幾好👍🏻💲 台式甜不辣拼花枝丸滷肉飯: HK$65💲 人氣精燉牛腱心。刀削麵: HK$65💲 涼拌手撕無骨鹽水雞: HK$45💲 鴉片黑糖波波奶茶: HK$33💲 脆脆布丁歐蕾奶茶: HK$35*設有加一服務費*
繼續閱讀