開飯介紹
以合理價格提供一系列的意大利菜式。當中最具代表性的鮮製意粉採用「生麵」(生パスタ)製成，口感彈牙、有濃厚麥香。餐廳堅持自家巧手烹調意粉及製作薄餅餅底，亦會自家研製醬汁、調味
繼續閱讀
營業時間
今日營業
11:30 - 22:30
星期一至日
11:30 - 22:30
*最後落單時間: 22:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
咁啱朋友鍾意食意粉，又適逢佢生日，於是今日就帶佢黎試下餐廳主打嘅鮮製意粉。餐廳位置方便，位於雅蘭中心2樓，平日容易搵位，餐廳格局寧靜舒適，啱晒同朋友傾計食飯。今次就試左餐廳主打嘅二人套餐，二百幾蚊就有三個course，真係性價比高！香濃南瓜忌廉湯（⭐️⭐️⭐️⭐️💢）南瓜湯色澤金黃，見到都急不及待要試一試，口感creamy濃稠，南瓜肉同纖維磨得好溶，南瓜味亦濃郁，值得一試！法式芝士洋蔥湯（⭐️⭐️⭐️⭐️⭐️）餐包已一早放在湯內，吸滿湯汁，食嘅時候除左有濃郁嘅麵包味，仲有洋蔥味，洋蔥一顆顆煮得好稔。凱撒沙律（⭐️⭐️⭐️⭐️⭐️）沙律菜種類豐富，有車厘茄、羅馬生菜等等，蔬菜新鮮爽口，沙律醬份量適中，鹹鹹酸酸，麵包顆脆口，口感豐富，是個不錯的前菜。芝士肉醬千層麵（⭐️⭐️⭐️⭐️⭐️）餐廳熱辣辣送上，醬汁仲沸騰的狀態中，肉醬味道濃郁，蕃茄味突出，碎牛不會乾身，仲帶點點牛味，切開仲有拉絲效果，麵條軟硬度適中，真係睇得出嘅一層層！軟殼蟹配海膽忌廉汁鮮製意粉（⭐️⭐️⭐️⭐️⭐️）餐廳近來大力推廣依個意粉，所以我地都得登加錢試一試。果然冇令我地失望，首先軟殼蟹全隻上，外層炸至金黃色真係食指大動，肉質十分軟糯帶一點點肉汁，醃得好入味，但唔會太鹹。然後，意粉食得出彈牙有點麥香味，麵條長度均一，海膽忌廉汁好濃郁creamy，每一條意粉都吸收左濃香嘅海膽味，灑上粒粒蟹子仲顯得高級感。朱古力窩夫（⭐️⭐️⭐️⭐️⭐️）窩夫焗到外脆內軟，個心有厚厚嘅海棉蛋糕。朱古力雪糕好好食，朱古力味濃郁，夾兩件小蛋糕真係好滿足，面頭唧左好多朱古力醬同灑上糖粉，啱晒打卡。~~~~~~~~~~~~~~~~~~~~~~~~~~意粉狂熱 (雅蘭中心) 旺角彌敦道625 & 639號雅蘭中心2樓208號舖 👍出色味道👍地點方便👍環境舒適
繼續閱讀
朋友約食飯，今晚去了旺角雅蘭中心二樓「意粉狂熱」食晚飯，我們叫了：🔶 香草烤雞凱撒沙律| $38凱撒沙律 好新鮮，配上香草烤雞，健康又美味🔶 黑松露蘑菇披薩| $58餐廳有好多不同款式的披薩，還分了「Small 小的」及「Regular 10”」尺寸，十分貼心的服務，我們兩個人，所以只叫了小的 黑松露蘑菇披薩；熱辣辣出爐的披薩，帶有濃郁的香氣和口感，黑松露令整個披薩增添了獨特的風味層次🔶 香烤香草羊架| $128香烤香草羊架 整得相當不錯，又沒有羶味，濃香惹味，肉質軟稔幼嫩，正🔶 鮭魚親子和風忌廉鮮製意粉| $118餐廳選用日本製小麥粉製作意粉，經烹調過後，與一般意大利粉略有不同，食起來口感更富彈牙，質感則十分軟滑，再加上三文魚粒、三文魚籽及和風忌廉，令人食到舔舔脷🔶 蝶豆花檸檬冰茶| $48蝶豆花檸檬冰茶，顏色好特別，本身蝶豆花是藍色的，遇上檸檬的酸後就會變成紫色
繼續閱讀
放工心情好輕鬆, 約了同事去雅蘭中心, [意粉狂熱] 食晚餐. 門外有 menu, 大家可以商量商量. 這裡食物選擇多, 有多款套餐, 也有散叫, 真不錯.餐廳裝修不是美侖美奐, 但實際舒適, 這裡談天說笑, 自由減壓, 絕對忘記老闆的板瞼. 我們用 QR Code 落單, Meat & Fish Holic Set 二人套餐 $448, 現做優惠價 $368 , 好抵食. 有餐湯, 沙律, 小食, 意粉, 主菜, 甜品, 餐茶, 好豐富. 這頁介紹餐廳招牌菜, 意粉, Fresh Pasta 配鮭魚, 好吸引. 套餐+$28- 可以轉為 香煎鮭魚配味噌忌廉鮮製意粉, 我們鍾意啊.落單五分鐘, 先來每位一個熱靚湯. 餐湯忌廉蘑菇湯 , 湯夠熱, 蘑菇味道香濃, 湯內還有蘑菇粒, 口感豐富. 這個湯令人感到舒適美味.同事的 法式芝士洋蔥湯, 有齊芝士洋蔥麵包, 但她說湯味略淡, 可能她要求過高. 鮭魚凱撒沙律（半份）鋪滿芝士粉, 看來不俗. 鮭魚肉質嫩, 順滑柔絲, 配上麵包粒, 芝士, 加上爽脆沙律菜, 鮮車厘茄 , 食得健康又開胃. 小食 ( 5 揀1 ), 我們點了 蒜味芝士雞翼四隻,雞翼炸得香口, 乾身而不油膩. 鋪滿芝士, 外皮酥脆, 肉厚蒜味濃, 沾些醬非常美味.Pasta (6 揀 1) 我們 + $28 轉了 香煎鮭魚配味噌忌廉鮮製意粉.鮭魚冇骨, 外皮煎得金黃香脆, 油脂偏少, 囗感細嫩多汁. 自製意粉質地好彈牙, 煮得爽口, 軟硬度剛剛好, 餐廳特別用了日本特製白味噌, 這種和風濃汁帶出鮭魚獨有的鮮味, 每一條意粉都掛滿了濃稠適中的汁, 超好食.十主菜 (4 揀1), 北海道產香草豬扒, 用上鐵鍋熱辣辣上檯, 伴有燒汁和茄汁, 擺設賣相很吸引.北海道十勝豚肉豬扒沒有美國豬巨型, 但肉質細嫩, 細細咀嚼肉汁甜美, 口感鬆軟, 肉味濃, 加點檸檬汁及燒汁真好味. 餐廳做得有誠意, 為了保持食物熱量, 鐵鍋內加放鐵石, 做得非常好薯角炸得脆, 熱辣辣, 薯味濃, 點些茄汁, 好好味. 餐後甜品, Tiramisu. 質地香滑, 朱古力粉味香濃, 配搭鮮忌廉恰到好處, yummy !餐茶: 熱檸茶, 茶質好不會苦, 而有檸檬香味. 解油膩幫助消化真係啱啱好.熱檸水, 清新又解膩.這個意大利菜式, 食物質素非常好, 呢個優惠價錢絕對係抵食 !!
繼續閱讀
旺角CP值很不錯的西餐廳，原本以為Menu以意粉為主，但原來除了意粉外，還有不少其他Main Dish及甜品，價錢親民貼地！忌廉汁煮青口 $58價錢超級親民，差不多是外面一般餐廳的半價，但質素也不失禮。雖然青口偏小，但忌廉汁味道搭夠，作為前菜小食不錯。黄金四重芝士披薩（配蜜糖） $88 芝士控最愛Four Cheese Pizza，倆口子Share Regular Size 10”，份量剛剛好。一人獨食也有Small Size提供。薄餅底加上大量拉芝Cheese，還帶有一點點的烤焦香，單吃的話芝士味可以更濃郁，但配搭邪惡蜜糖則比例完美。軟殼蟹配海膽忌廉汁鮮製意粉 $138差不多每一桌都有Order的軟殼蟹系列產品，成隻酥脆軟殼蟹一開二，外脆內有肉地，也不算太油膩。海膽忌廉汁意粉濃郁Creamy，意粉質感和硬度正合心意，還有卜卜脆蟹籽陪襯，口感豐富。香濃朱古力窩夫 $78原本只想吃點窩夫甜品，但這個單吃還配上朱古力蛋糕和Vanilla Ice Cream，立刻覺得超划算！窩夫微脆，朱古力味濃郁，加上雪糕球享受一冷一熱、冰火交融的味道衝擊，滿足！
繼續閱讀
位處旺角市中心pasta holic 意粉狂熱，平時想食意粉同埋 Pizza可以嚟呢到，餐廳舒適，適合情侶同埋朋友聚餐，如果人少少嘅話可以選擇佢哋嘅二人餐價錢都非常合理經典三式拼盤經典3式拼盤包含意式薄切三文魚忌廉芝士卷、秘製炸雞和脆炸薯角。雞翼炸得顏色金黃，外脆內嫩，肉質嫩滑，好香口入味。炸薯角外皮帶點脆口，內裏軟綿三文魚和魚籽，配上香滑的忌廉芝士，口感豐富，味道濃軟殼蟹配海膽忌廉汁鮮製意粉大隻軟殼蟹炸到香脆鬆軟啖啖肉，，海膽忌廉汁，夠濃郁，可以掛在每條彈牙意粉上，意粉彈牙有咬口香草烤雞雜菌蕃茄意粉鮮製意粉彈牙，份量富豐，滿滿雞肉🍗同雜菌味道濃郁，愈吃愈滋味。香濃朱古力窩夫🧇窩夫非常香脆配上濃郁嘅朱古力味郁而不膩，窩夫🧇好大件配埋雪糕🍦一流仲有蛋糕幸福感滿滿
繼續閱讀