84
28
6
開飯介紹
來自泰國的餐廳，乃Mango Tree旗下品牌，供應多款特色泰菜及甜品，如泰式鹵水，更有泰式下午茶。
繼續閱讀
營業時間
*最後落單時間: 22:00
星期一至日
11:30 - 23:00
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
招牌菜
食家推介
相關文章
我地2個人👩👧去食，嗌左個二人套餐。拼盤有三款野食，分別係兩件泰式炸魚餅，一串炭燒雞，一串牛沙嗲同埋柚子大蝦沙律🥗。隔離果碟醬係泰式辣醬同埋花生醬。整體ok la，稱不上好好食，但都算開胃嘅。隻雞都幾大下，我地2個人食，食唔哂，超飽🥵。店員有比即棄手套我地，用手食更滋味😝！金邊粉冇乜特別，中規中矩。甜品拼盤有三樣嘢，芒果鴛鴦糯米飯🥭，泰式斑蘭千層糕同埋椰汁西米糕。係不錯嘅ending👍🏻。泰式特飲要+$15嗌，我揀咗三色冰，好香椰子味🥥，幾解渴。買單嗰陣老闆話淨係做埋呢個月，俾咗張$50 coupon我地🤭🤭。
繼續閱讀
Mango Tree Kitchen價錢💲: $268好味程度😋: 3.7/5服務🍴: 3.7/5環境🗾: 3.7/5性價比🥢: 4.4/5 (tea set)回頭率😚: 3.4/5-想食個tea，又想平平地，唔洗去酒店的級數？又想唔係西餐類的high tea，其實都有選擇！Mango Tree呢間泰國餐廳，每日都會推出下午茶set，有鹹點、甜點、麵食同飲品，都幾多款色！同埋賣相都唔差😆 如果平日去，餐廳客人唔多，好安靜，可以慢慢坐🤫 -🆗鹹點。柚子牛油果沙律清新開胃🥑青木瓜車厘茄沙律更酸，適合中和雞翼的油膩。燒雞翼最好食，juicy又夠味🤤仲有牛柳粒串燒都唔錯！不過燒粟米同炸魚餅漢堡就乾左啲😐 -✅麵食。迷你軟殼蟹青口黃咖哩撈麵。黃咖哩入口帶甜，加埋油麵的滑溜，成個配搭唔錯👍🏻 青口大隻，但略嫌炸軟殼蟹的粉漿太厚😳-✅✅甜點。全部都係我鍾意食的泰式糕點！斑蘭千層糕煙煙韌韌，散發淡淡的🥥+斑蘭香。椰汁西米糕唔洗多講，食泰國菜的必食😋 泰茶及泰啡奶凍，香滑味道濃😬 仲有一舊芒果🥭慕斯蛋糕，酸酸甜甜都OK! -✅飲品。食泰國嘢一定要飲返杯椰汁三色冰，佢地的椰汁算濃同滑，加埋入面有啲珍多、大樹菠蘿條等多啲口感😌 另一杯洛神花椰果特飲就偏甜，但係梳打來，飲落冇咁膩。-一人百幾蚊來講都OK，幾多款野食，除左一般鹹甜點仲有麵食👍🏻 仲要唔係平時scone個隻tea set，特別D，性價比都幾高😸
繼續閱讀
今日一家大小黎到太古城，最緊要食物啱小朋友同坐得闊落，於是揀左位於太古城中心嘅Mango Tree Kitchen.4大2小叫左幾個餐，好夠食！☆優惠午市二人套餐($388)☆(附飲品2杯)柚子海鮮沙律🦐🦪🥬 - 柚子鮮甜多汁，海鮮有青口同蝦，配合酸辣醬汁，好開胃。椰汁青咖喱慢煮安格斯牛肋骨🥥🐮🍛 - 十分推介！牛肋骨煮得腍，但仲可以保留住牛味，加上椰汁青咖喱，又香又惹味。泰式大蝦炒金邊粉🦐🍝 - 蝦都幾新鮮，金邊粉唔會太乾。芒果糯米飯🥭🍚 - 糯米飯上枱仲係熱熱地，好煙靭。不過芒果有啲酸。☆午市套餐($138)☆菠蘿海鮮炒飯配酥炸新蟹餅(附飲品) - 蟹餅得一塊，幾好味。菠蘿係用上新鮮菠蘿，配上乾濕適中嘅炒飯、肉鬆同腰果，口感豐富，好好味。☆特選premium set($148)☆泰式海南雞飯、蒜油生菜、冬瓜湯🐔🍚🥬 - 雞肉嫩滑，份量幾足夠，生菜用左蒜蓉炒，好香。最後值得一提係上菜速度超快，好有效率！
繼續閱讀
是日大年初四，一行三人嚟到位於太古城中心嘅Mango Tree Kitchen。時值晚飯時間，目測餐廳入座率達九成，係門口等左10分鐘左右就有位啦！！行完山飢腸轆轆，叫左7款食物、2款飲品：1. Massaman Curry Beef $118 一拎上嚟已經聞到濃濃嘅咖哩香，牛肉軟稔非常入味～2. Garlic Bread $38一客有四片烤得香脆嘅蒜蓉包，用嚟醮Massaman Curry Beef嘅咖喱汁非常惹味～3. Chicken & Beef Satay $95 一客有四串，雞牛各兩串。值得一讚嘅係雞牛都係大大串，唔似其他店咁細細粒肉，而且燒完嘅肉質都係軟稔入味，唔會乾巴巴～4. Pork Lettuce $88 辣豬肉碎辣度夠，不過口感少「鞋」～5. Tom Yum Chicken Wing $72好貼心地將雞翼一閞二，食得方便，而且冬蔭味入哂落雞翼到，肉質亦仍然保持嫩滑～6. Prawn Phad Thai $118 金邊粉有三隻蝦仁，粉嫩入味～7. Shrimp & crab meat fried rice $118 味道偏淡，唔想食咁濃味嘅朋友可試試～8. Thai Ice Tea (Large) $38 味道清淡，少甜嘅話會冇乜味，建議正常甜度便可～9. Tri-colors cooler $32 椰汁味重，三色條份量好多～整體而言算高質，亦坐得舒服～食店有提供BB櫈，服務員亦非常friendly~~~~
繼續閱讀
今天年初三和朋友到太古城中心的MangoTree食晚飯。我們大概6:15左右到達，在餐廳門口等了差不多3-4分鐘，才有侍應過來招呼我們入座。侍應指了指兩張枱，說我們可以選坐哪一張。當我們選了其中一張之後，侍應用頗囂張的語調說「而家有得俾你揀，以前點會有」。我們完全摸不著頭腦他為何要對我們這樣說，因為我們本來也不預期可以揀位，也並沒有要求揀位。到了點菜的時候，另外一位侍應十問九唔知，而且不斷建議我們揀套餐。到我們選擇了套餐後，她又說其中一樣頭盤 (蝦餅)沒有，要換成「蟹條」。我們問她有沒有照片看看食物是怎樣的，她說沒有，加上朋友對蟹肉敏感，所以我們詢問可否換成多一串烤串(套餐裡三樣頭盤的其中一樣)。侍應不知道，跑去問完經理後說可以。當我們差不多吃飽的時候，我們發現第三樣頭盤 (柚子大蝦沙律)還沒有上，於是追問侍應。誰不知侍應竟然說「沙律是跟著烤串一齊上的」。當下我真的聽到反白眼，用常理想想都知道那是兩樣食物，怎麼可能放在同一個碟子一齊上。後來經理查了一下，發現是漏了單，幫我們補上。然而補上的卻是柚子沙律，沒有了大蝦😡😡最後我們也懶得再去追，沒有吃完就離開了餐廳。以前在ICC的分店吃過一次，令我印象很深刻，所以才會選擇再試，沒想到這次用餐也印象深刻，只不過是負面的深刻。拉入黑名單，以後唔再幫親。
繼續閱讀