86
0
0
港鐵灣仔站 C 出口, 步行約4分鐘
繼續閱讀
開飯介紹
店內裝潢優雅簡潔，提供高級日式料理，包括鐵板燒、刺身、壽司等；且提供廚師發辦套餐。
繼續閱讀
營業時間
星期一至六
12:00 - 15:00
18:00 - 23:00
星期日
全日休息
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
食家推介
相關文章
衣加香港真係好多Omakase，omakase可以話係日本既fine dinning，其中用餐既過程真係一個享受。位於灣仔既福川，主打高級食材鐵板燒。今次book台既時候叫師傅幫我安排食物。前菜既碟已經咁靚。右至左有胡麻豆腐，南瓜凍湯同埋番茄仔。全部既都好入味，直情係精心打造，又有fusion概念。日本菜食刺身就好正常。唔正常在咁好食。三點刺身，一款一切，上至下有牡丹蝦、拖羅同埋池魚王。魚既油份極高，所以份量啱啱好！刺身過後，第一道熱盤上場了，金目鯛配上炸魚鱗，第一次聽魚鱗可以食，味道出奇地不錯，口感似炸脆片，魚就好厚肉，配上醬汁超級滋味。喜歡吃鐵板燒的其中一個原因，就係可以睇住師傅整野食，完全係一個表演！看到師傅將龍蝦一分為二，煎出細膩而且啖啖肉，爽口彈牙，食材新鮮加埋精湛嘅廚藝就等於好食！另外一名主角出場啦！A4和牛！旁邊會有鹽、炸蒜片、芥末，其實好嘢點蝕都好食！A4比A5油份相對比較少，個人最鍾意就係點鹽食。五成熟其血紅色超級鮮嫩！個人認為炒飯同埋炒雜菜係日式鐵板燒裏面嘅重頭戲之一，唔好睇佢哋係簡單嘅食材，其實都好睇師傅嘅廚藝！佢哋真係整得好好食！最後既甜品比較簡單，有北海道蜜瓜，非常多汁，白桃啫喱比較清淡，再加上自家製的紅豆芝士蛋糕。睇得出師傅係配搭上花過一啲心思，好厲害！整體來說非常滿意的一餐，服務殷勤，完全係一個享受！
繼續閱讀
今日女友人帶左我黎灣仔話有間好底調但又好高格調既日本餐廳朋友介紹話好好食，咁我地就黎左見識啦。 話說佢個餐係廚師發板， 即日本讀音的傲媽家姐"Omakase", 全部野都係由當值廚師決定比d咩我地食。 我想講我唔太清楚佢每一味餸係叫咩名，因為真係好稀有，聽都未聽過的說，但重點就係好新鮮同特別。其中佢有一味豚角煮日本東玻肉，呢個不得了！ 入口即溶同味道剛好，衰d咁講豬肉黎架炸，都煮到咁味道，邊度揾啊。佢既刺身有油甘魚配芥末醬同平目魚薄切，左口魚邊 金目魚同深海池魚王， 佢既刺身都係d比較少食到既稀有品種， 好fresh好爽口，佢個開膽飯又係好正， 成舊上等既海膽撈落細細舊飯度食，真係不得了。 整體而言餐飯係真係好特別，自己又唔洗諗總之放地面前既一定夠飽同非一般的食材。
繼續閱讀
佳節當前，飯局一個接一個 😍我覺得 Omakase 好適會聚餐除咗一定食到 seasonal 嘅食物之外朋友們嘅唔同喜好就交俾師傳應付喇，哈哈【前菜】就由三点精緻嘅前菜開始順時針方向係南瓜布甸、花螺同涼拌海踅【南瓜布甸】微甜，南瓜味香濃且軟滑【花螺】用醬油漬得入味，仲好彈牙【涼拌海踅】酸得嚟帶點麻油香冰冰涼涼好開胃【刺身】刺身同樣有三款，包含時令嘅魚同貝類玻璃碗盛住嘅【赤貝】大塊同爽脆右下係【鰤魚】，比起油甘魚更大條更肥美最係就係油脂豐膄【拖羅】🤤【甘鯛魚】甘鯛魚係而家人氣急升嘅貴族魚喺冬季當造期食尤其好味師傳將魚鱗炸得香脆豎起但係魚肉就鮮甜嫩滑，個對比好精彩！【象拔蚌】個 presentation 好似一個清新嘅盆栽Fancy 嘅泡泡下係鐵板燒象拔蚌再用食用花、綠葉同石春點綴象拔蚌鮮味有咬口，portion 仲好大方呢 🤣【大蝦】大蝦都係宛如藝術品咁，賣相生動師傳叫我哋先品嚐結實嘅蝦身然後再享用蝦膏極濃郁嘅蝦頭蘸中間嘅一抹鮮黃荷蘭醬更加滋味【石榴雪葩】雖然係用嚟清清口腔但係呢個雪葩都好真材實料石榴天然嘅酸咪咪仲好解膩～【和牛肉薄燒卷】和牛好食就不在話下 ❤️牛肉細滑軟嫩，充滿油花香卷住香口嘅蔥花，勁好味伴碟嘅蔬果都燒得恰到好處【雜錦野菜】炒芽菜看似簡單，其實好考功夫因為芽菜嘅水份多，好易出水就唔好食不過一睇就知呢碟炒得靚，食落好爽口之後就係【牛肉炒飯】、【漬物】同【麵豉湯】炒飯炒得好香，飯粒粒粒分明再配上牛肉粒同蛋絲好食即使食到尾聲都照清哂啲炒飯 👍🏻【甜品】甜品亦都好豐富，有白桃啫喱同千層蛋糕仲有甜蜜多汁嘅日本密瓜
繼續閱讀
近日愛上食omakase, 今晚又同男胖子食～我地揀左福呢個set.前菜：合桃豆腐，海哲，日本酒花螺，花螺幾特別，好快就清左個前菜刺身：都幾滿意，雖然得3款，但每款份量夠多，唔會得一塊到喉唔到肺，而且都好新鮮！有最愛嘅平目薄切配左口醋，質感柔軟，好味。然後有油甘魚配wasabi醬，都幾厚，正～煙薰北海道帶子，下底係帶子醬，帶子又圓又厚好大粒，仲有微微煙薰味～而且有金萡點綴。煮物：豚角煮，即係日本東玻肉，連埋肥膏一齊食非常滿足，唔滯，蘿蔔仲入哂味。壽司：非常滿意！有8款可以試到唔同嘅款式。左口魚邊，好味金目魚，入口感覺清清地池魚王，好味螺壽司，少食，幾特別墨魚，白雪雪，好新鮮小肌魚，都少食，味道唔錯。醬油拖羅配芥辣醬，好得意，入面攝左舊飯，成舊放入口，拖羅好肥美。海膽飯，海膽勁新鮮，唔係普通貨色。燒物：有春魚配蛋黃醬同松子油，配搭有新意，不過蛋黃醬會有少少漏，魚肉本身好結實。吸物：姫松茸湯，好香，好暖胃。甜品：啤梨 青提
繼續閱讀
埋頭苦幹到兩點，落樓下搵個快閃午餐，發現有間日本餐廳，貪近一試，餐廳屬於高檔的omakase，有鐵板有魚片吧枱sections，我叫了午餐定食--北海飯盒，包括：• 爽口脆菜• 南瓜蛋 - 好似芝士蛋糕• 椰菜花豆腐 - 超滑，口味幾特別• 茶碗蒸蛋 - 有松露蓋面特別香，但質地太稀，蒸蛋裡面舊雞肉好“鞋”• 北海飯 - 甜虾蓉混入蟹子，好甜好脆，比正常放數隻完整甜虾來得特別，另有海膽，有三文魚子和帶子切條，新鮮甜美不過就沒什麼特別之處可提飯量唔多，啱晒女孩子豉油方有兩款：配飯的甜豉油，配魚生的豉油• 麵豉湯• 士多啤梨醬布丁食物質數都是挺好的，服務員態度慇懃，雖然只是快閃午餐，匆匆就返上公司繼續工作，但能令我繁忙的工作中得到一點安慰!
繼續閱讀