影片
港鐵銅鑼灣站 F1 出口, 步行約5分鐘
繼續閱讀
附加資料
Via Tokyo 旁邊
營業時間
星期一至日
12:00 - 21:00
以上資料只供參考, 請與餐廳確認詳情
相關文章
昨晚（30/3）諗住網上叫定外賣，到時即拎。落單前已經睇過佢哋IG無話無開，只係無咗原先可以WhatsApp嘅號碼。見佢網上商店可以照落單，以為有開。落單時，必須網上付款（都正常，咁我就照俾）。點知去到先發現無開，錢又俾咗，嘢食就無。今日（31/3）已經嘗試ig inbox和email佢哋，都未能聯絡。唔知幾時先退得返啲錢。大家網上落單記得小心，最好問問佢有冇開。
繼續閱讀
它主打外賣。顧名思義，店名也寫得清脆利落，來到就是吃麻辣的菜式。店子小小，在牆邊有一張枱及三張凳，可供堂食，像我這天一樣。眼見中午時份，還蠻多外賣人客的。直接來個一人份的「酸菜魚」$68，包一碗白飯，平時酸菜魚大大盤要互相分享，今回獨食：熟悉我的朋友都知道小弟是瘋愛酸菜，什麼酸菜類型也喜歡啊，吃台灣牛肉麵我會落到成碗麵都是酸菜。這個看樣子是酸辣並重，味道亦然。魚不是什麼桂花魚，該是急凍魚柳，切片後以鹽醃好炮製，當然不要奢想有桂花魚的滑溜。咁一分錢一分貨，這裏小店經營，是快食快閃，等價交換囉。說真，魚的味道不差，因為調味都遮蓋了雪藏味道，是口感稍遜：酸菜大大嚿，手功上可以切細返些少，更易吃：湯底不是用魚骨來熬製，感覺是下了醋去增酸，味道亦酸味比辣感和鮮味重。整體可以更理想，始終酸菜魚湯的酸味應該主要來自發酵過的酸菜：在魚底下尋寶，裏面有大量蔬菜，例如芽菜、蓮藕片、海帶條等等，就是沒有葛粉條去索湯：小吃「麻辣鴨血」$28主角鴨血 8件，比想像中多及大件；可惜有型無神，空得軀殼。長方形的鴨血硬梆梆，口感不屬煙韌也不滑，很削，完全不入味：感覺似用水煮熟鴨血，然後灑上麻辣粉，味道很淡，調味在皮毛，汁激少，比較油，感覺是沒用心去處理食材，麻與辣均不到位。這項我不建議點，或許其他小食更好吧？！不過店名叫得做「麻王」，食客對麻辣出品有一定的期望，也屬合理。全店不收加一。大家若剛巧一個人想吃酸菜魚，純粹過吓口癮的話，也可一試。
繼續閱讀
麻王無論堂食外賣都去過無數次了😋款式多 餸多 小食多 唔貴！我是粉絲啊！！★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*🍜川式麻辣芝士辛辣麵🌶 見到佢哋新出呢款即刻心心眼😍所以今次終於唔係食粗薯粉🍜🤣識用辛辣麵配芝士嘅都係出色🤓原塊舖喺上面，影相都夠震撼！落芝士係可以令到無論湯底定係每一樣餸都可以滲透到芝士味但係絕對不會搶過辣味🧀真係冇試過食辛辣麵唔係配佢嘅調味粉😂佢地用上秘製麻辣湯底，再辣得過癮啲，好香口，麻辣控必試！今次嘅餸嗌左萵荀、肥牛、午餐肉、蜂巢豆腐。極推豆腐！今次就直接試吓個湯底加萵筍 最後發覺係浸湯底好食啲😍因為成舊萵筍都會充滿麻香味🥰🥰🍜三餸麵 自選麻辣粉麵就真係次次都會叫！今次男朋友揀小辣🌶米線🍜配肥牛、魚皮鮫、墨丸重麻香味嘅湯底，真係配咩都perfect池！男朋友好喜歡佢地嘅超彈牙墨丸😍🌶麻辣鴨血今次冇喺自選粉麵揀鴨血，因為想認真食鴨血☺️鴨血充滿住麻辣湯底嘅精華，香辣又過癮，再加上爽滑嘅口感，完全停唔到口😍😍🥬上湯娃娃菜無論食幾重口味 幾邪惡嘅嘢 點都要加碟菜嘅🥬個湯底完全令娃娃菜更甜😍😍係可以當係一碟惹味小食😂
繼續閱讀
在網上看到麻王有酸菜魚食，就立即過去試試。不過當我在門口看看的時候，感覺上令到人坐得唔太舒服，因為他只有幾個位置給人坐，而且位置空間唔算太多。我估佢哋應該係做外賣生意比較多。所以連舖頭內冷氣都冇，只有一兩把風扇給顧客享用。不過幸好我覺得職員態度比較熱心，因為我第一次去叫酸菜魚，所以比較多問題。佢哋都好有心機咁回答我嘅問題。酸菜魚裏面有麻辣嘅香味，而且我比較鍾意麻辣我嗰種感覺，比到我呢種感覺，而且酸菜魚嘅份量亦都唔少，飯我都故意叫佢多啲。因為佢即叫即煮，所以拎到我手上嘅時候都仍然係好熱，用嚟撈飯酸菜湯一流。
繼續閱讀
第一次外賣，之後送到既薯粉係成坺嘢，完全食唔到，成舊啫喱咁。之後打電話去問，員工話薯粉超過五分鐘就會係咁，真係第一次聽。究竟係用咩做既薯粉會係咁，態度仲要惡劣。😅
繼續閱讀