20
3
5
港鐵堅尼地城站 B 出口, 步行約4分鐘
繼續閱讀
電話號碼
35682425
開飯介紹
位於西環的串燒清酒吧，以舊船木做裝飾，環境猶如日本小店。老闆曾在日本留學，對日本文化有深厚興趣，加上酷愛清酒，店內的清酒都是從新潟直接入貨，在香港較罕見。
繼續閱讀
營業時間
今日營業
18:00 - 23:30
星期一至日
18:00 - 23:30
以上資料只供參考, 請與餐廳確認詳情
食家推介
環境好暗，好難睇餐牌，我見到有外國人開手機燈睇餐牌😂服務真係好唔友善，落單講錯會周你，搞到我加單都唔想加。串燒即叫叫燒，等20分鐘起跳，而且上菜感覺好粗魯。*炙燒左口魚裙邊 $108份量比想像中少，左口魚油分高，入口咬一兩啖就化開。旁邊有三文魚子蘿蔔蓉，清甜但單吃有啲怪。蒲燒鰻魚串 $65好韌，肉韌、皮更加韌，醬汁味唔夠重。大蔥雞肉 $40 比較普通，都可以試吓。紫蘇梅醬雞肉 $40 配搭唔錯，有春天嘅feel。雞腎 $36 彈牙脆口，推！*牛舌 $48 牛舌有一半都係好韌，調味幾好。*豬腩肉 $42 焦香有咬口，但味道較淡。黑豚露筍卷 $42 太細啦呱，唔抵食。明太子燒飯團 $42飯團好乾，煎得太耐好硬，而且明太子只搽喺中間，少sad🥲南高梅 梅酒 $68梅酒配串燒好夾！
繼續閱讀
🇭🇰しば·呢間係我哋有朋友食過推介我哋去嘅 果然真係唔錯 佢係好似日本嗰啲居酒屋咁 超級cozy🏮一唔覺意就會行過咗佢個門口🤣🤣·鷄心$36 l 牛舌$48 l 粟米$32 l 鷄腎$36 l 大葱鷄肉$40 l 鷄軟骨$30 l 免治紫蘇鷄肉棒$45 l 甜番薯$25佢所有串燒都燒得幾好食 係真係出邊好香 入邊啲肉仲係好juicy嘅 特別推介佢個鷄心😍😍佢個鷄心口感好好 而且個醬汁都好惹味 之後佢個牛舌都好厚身 質感好好🐮之後個燒粟米都好有驚喜 佢喺燒到好香口得黎每一粒粟米仲係好甜好多汁🌽反而個番薯就無我想像中咁甜🍠之後佢個鷄肉棒都做得唔錯既 不過佢個紫蘇葉味都幾重 我有朋友仔麻麻地🤣🤣·#rbyeat#rby日本菜#rby堅尼地城·📍西環堅尼地城士美菲路11號地舖
繼續閱讀
向日葵般綻開的是我對這家日式串燒店的心情。吧檯隨意地擺放著新鮮蔬菜，一股地道的日式風情扑鼻而來。今次點了幾款看板小吃──香脆的燒魚翅，入口即化，配上清冽而芬芳的醬汁，簡直將普通的雞肉翅霎時提升至高級料理的享受。吮指重要的黑豚肉，外層帶著微妙的焦香，內裡則保持了軟嫩多汁，實在叫人忍不住一串接一串。我必須大讚一下他們家的牛舌，火侯掌握得宜，令每一片牛舌都帶著微微的焦香和嫩滑的口感，這確實是串燒控不能錯過的美味喔！羊架同樣耐人尋味，燒至外酥內嫩，帶有點點草香，獨具匠心。另一邊廂，甜點也別有洞天。日式甜薯猶如不經意的驚喜，簡簡單單地帶出自然的甜味，尾韻悠長。烏冬湯麵則輕盈地給了這場味蕾盛宴一個完美句點，湯底醇厚，烏冬勁道，真是食到饞涎欲滴。整體來說，這家店的料理真心不錯，加上他們選用的日本清酒種類繁多，每一杯都散發著不同的风味，簡直是人間美味。暖笠笠的環境加上親切的服務，這家日式串燒店絕對是一個可以讓人放鬆，細細品味的好去處。🍢🥃🍠
繼續閱讀
堅尼地城果邊向來有唔少隱世美食, 加上近海, 食飽飽可以行下海旁 所以車車都好中意係果邊搵野食! 今晚車車同朋友去左Shiba食飯, 日式居酒屋嘅裝潢, 好有地道嘅感覺, 串燒都係即點即燒, 望住師傅係席前燒烤, 份外有感⭐南高梅。梅酒🥃⭐司牡丹柚子酒🥃⭐櫻花蝦墨魚棒櫻花蝦同墨魚加埋一齊帶嚟豐富嘅鮮味同獨特嘅口感, 櫻花蝦咸咸香香, 墨魚爽彈有嚼勁, 超有驚喜, 係可以無限encore嘅一款串燒⭐北海道帆立貝串燒帆立貝好厚肉, 咬落去鮮味嫩滑好juicy!⭐甜蕃薯可以話係車車每次都必點嘅串燒之一, 甜甜嘅蕃薯咬落去軟棉棉好好味⭐雞皮香脆可口嘅雞皮用嚟佐酒一流⭐紫蘇梅醬雞肉紫蘇梅醬係其中一款車車極喜愛嘅醬汁, 入口帶紫蘇香氣, 食落咸咸酸酸, 雞肉嫩滑多汁啖啖肉超好食⭐雞胸軟骨雞胸軟骨除左有脆脆嘅軟骨仲有少許雞肉連住, 所以食落去帶點油香同時口感更豐富⭐山葵八爪魚辛辣而清新嘅味道加埋口感鮮嫩, 食落有嚼勁彈性十足嘅八爪魚, 無論係佐酒或做開胃前菜都係一個非常好嘅選擇⭐蒜蓉牛小排使用了蒜蓉調味嘅牛小排, 未食已經聞到濃郁嘅香氣, 牛小排入口嫩滑多汁, 富濃郁嘅牛味⭐澳洲牛腹身一片片嘅粉嫩多汁嘅牛腹身, 入口鮮味, 牛味濃郁⭐豬頸肉豬頸肉口感微脆爽彈⭐牛舌牛舌爽彈有嚼勁⭐生蠔牛油煮蠔肉飽滿鮮味, 蠔味濃郁, 帶淡淡嘅牛油香氣, 兩者味道平衡得好好, 牛油香唔會搶左蠔嘅鮮味, 亦唔會太膩
繼續閱讀
Shiba係Keyaki Group旗下其中一間餐廳，佢係一間日本串燒餐廳+清酒吧。最吸晴既應該係佢個門面，結合左木格子同竹廉，好有傳統日本居酒屋既感覺。入到去係木系裝修，牆架擺左大大枝既清酒，氣氛一流。雖然呢到有成過30款清酒，但我同朋友都唔係好飲得酒，所以當晚凈係嗌左啤酒梅酒飲。個梅酒熟成左味道好濃好好飲，同埋份量比平時出面飲開既多😋🍺Suntory Beer $88🥃鳳凰美田梅酒 $88呢到有各式串燒，有海鮮、雞、牛、豬、蔬菜、小食、飯同烏冬，價錢亦都合理。🍢黑豚露筍卷 $42薄薄一片黑豚肉包住好爽口多汁既露筍。🍢甜蕃薯 $25甜而軟燸。🍢豆腐 $28外脆內嫩。🍢墨魚棒 $45食到粒粒墨魚，好鬼彈牙。🍢蒲燒鰻魚 $65 🍢鹽燒鰻魚 $65我同朋友都覺得蒲燒個汁好味啲，皮脆魚肉嫩又帶少少爽口。🍢自家制免治雞肉串 $45雞肉同雞軟骨既比例恰到好處，口感一流又多汁。🍢牛舌 $48超級爽口既牛舌。🍢豬腩肉 $42肥瘦適中，油脂好香。🍢大蝦 $62口感Q彈，味道鮮甜。🍢甜粟米 $32甜得黎好香牛油味。🍢芝士年糕 $38熱辣辣，入口軟滑煙韌，芝士味夠香。🍢燒明太子飯團 $42好貼心咁切開左個飯團，中間有明太子。外層燒到焦脆，係我食過幾出色既一個飯團。
繼續閱讀