4
1
0
營業時間
今日營業
08:30 - 21:00
星期一至五
08:30 - 21:00
星期六至日
09:30 - 21:00
公眾假期
09:30 - 21:00
以上資料只供參考, 請與餐廳確認詳情
相關文章
今年端午節嘅第一粽，食咗：.🟢純素有營之選：舞茸雜菌素粽✨餡料：糯米、甘栗、秘魯三色藜麥、舞茸、猴頭菇、特選嘅素食餡料🙆♀️食後感：口感豐富香甜，聞落芳香，高纖、高蛋白好健康.🔴韓式風味：八爪魚泡菜粽✨餡料：糯米、泡菜、八爪魚、韓式辣醬🙆♀️食後感：辛口惹味，泡菜爽脆八爪魚煙韌，口感一流.🟠傳統之選：雙黃金華火腿瑤柱裹蒸粽✨餡料：原粒上等瑤柱、花菇、金黃蛋黃、甘栗、蓮，金華火腿等優質食材🙆♀️食後感：香氣撲鼻，甘香濃厚，食材完美融合，精華渗透每顆香綿軟糯嘅糯米，口感超滿足
繼續閱讀
角落小夥伴音樂列車奶皇月餅禮盒（$168)🎁預購附送角落小夥伴環保袋一個賣相：🐧🐧🐧🐧🐧味道：🐧🐧🐧禮盒整個佈滿角落小夥伴設計裝飾，並可當音樂盒使用欣賞，十分美觀可愛。內裡有4個獨立包裝的角落小夥伴設計月餅，分別為白熊、企鵝、炸豬扒和恐龍造型，非常精緻獨特。味道方面，4個月餅口味各有不同，分別為士多啤梨乳酪奶皇月餅、蛋黃奶皇月餅、朱古力奶皇月餅和黑芝麻奶皇月餅。當中，各月餅味道突出濃郁，奶皇雖然不是流心，但奶香味醇。把月餅放到焗爐或微波爐內整熱，效果更為理想，外脆內軟，香味陣陣，十分不錯。🐧❤️結語：角落生物的粉絲絕對不能錯過❤️🐧
繼續閱讀
剛剛過了一個開心的聖誕節假期，眨下眼又話農曆新年，今年兩大假期的確很近，大家是否已忙於過年的物品呢?每年我也會為倆老選糕點和禮盒送給親朋戚友，而我慣性會先選擇去奇華餅家，因為年年都有岩心水的禮盒，今年也不例外。嘩! 原來今年奇華用了大人細路都喜歡的Sanrio Characters推出一系列的賀年糕點和禮盒，真係好岩我送俾身邊的朋友仔。****************************第一時間看中六款的Sanrio Characters 糖果禮盒 ($38/個)，每個都印上不同的Sanrio角色和賀年字句，六個合併起來仲好像一朵艷麗的大桃花，真係好美，睇落仲好熱鬧，當然要齊六個放在家中待朋友來拜年時享用。但……我忍不了口，吃少少先，哈!如意吉祥的Hello Kitty和大吉大利的 Little Twin Stars均放了六件南棗合桃糕 Black Date Candy with Walnut，每件獨立包裝，乾淨衞生，方便進食。有益補血的南棗合桃糕相當岩我食用，當然忍不住口。厚身的南棗糕混入脆口的合桃粒，煙煙韌韌，亦有咬口，味道甜了少少，但配上甘苦的合桃中和甜度，甜中帶點甘，好吃! 幸福滿滿的My Melody和身體健康的Cinnamoroll均放了六件老薑糖 Ginger Candy，同樣是獨立包裝。老薑糖是我最愛，粒粒大小相若，厚度中等，口感柔韌而不粘牙，薑味濃郁，沾上香甜的椰絲，中和薑的辛辣味，不致嗆喉，甜度亦剛剛好，不論口感和味道很吸引。還有龍馬精神的Pochacco和步步高陞的Ahirunopekkle均放了六件芝麻花生軟糖Chewy Peanut Candy with Sesame，當然也是獨立包裝。每粒大小中等，沾滿黑白芝麻，口感煙煙韌韌，味道甘香可口，真係令人停不了口。****************************Sanrio Characters系列除了有糖果禮盒外，還有賀年年糕，就是這款一盒兩個的迷你亞嫲糖年糕 Mini Chinese New Year Pudding ($128)，分別印有深受大眾歡迎的Hello Kitty 迷你亞嫲糖年糕和人氣高企的My Melody迷你椰汁糖年糕，兩個角色都趣緻可愛，當然愛不釋手，就預定它們在過年時一起共享。太開心啦! 原來買此禮盒仲附送限量版 Sanrio Characters環保袋，齊集各個角色，熱熱鬧鬧賀新年，咁靚的環保袋當然留返俾自己啦!****************************除了Sanrio Characters的賀年糕點和禮盒外，當然也有不同款式的傳統禮盒。為兩老選了一款精選迎春禮盒 Assorted Snack Gift Box ($115) 給家庭醫生，紅色的禮盒，盒面印上兩條金黃的錦鯉魚，真好意頭。內有一包牛油蝴蝶酥 Butter Palmiers和一包咖啡蝴蝶酥 Coffee Palmiers，每包三件；各四件獨立包裝的杏仁片朱古力曲奇 Chocolate Cookies with Sliced Almond、腰果牛油曲奇 Butter Cookies with Cashew和小紅莓牛油曲奇 Butter Cookies with Cranberry，還有一大包椰絲蛋白曲奇 Desiccated Coconut Egg Albumen Cookies；仲有一包牛油蛋卷 Butter Eggrolls，足足七款小吃，放得滿滿的，一睇就覺得好豐富，用來送禮就最適合不過，大方得體。另外，還有更豐富的豪華聚寶錦盒和活潑可愛的賀年熊貓曲奇禮盒，相信倆老都喜歡。****************************仲有...仲有... 原來買滿$50就可+$38換購一個Sanrio Characters天然竹纖維托盤，桃花形的設計，紅通通，好應節，仲印齊各個Sanrio角色，真係齊齊熱鬧賀新年，一於過年時用來放各款奇華小吃。------------------------------不是說笑呀! 真係話咁快就過年，我還要準備多些賀年糕點，待一會就再去奇華餅家看看，大家都要把握時間。
繼續閱讀
中學同學結婚之喜，去飲當日收到呢份回禮小禮物🎁，賣相係紅卜卜嘅小圓紙盒，上面貼上新人的名字，設計唔娘，入面放咗個中式結婚唐餅，欣賞有密封包裝，放咗兩日打開食，酥皮蓮蓉：粉紅心♥️形狀，印上雙喜紅未，咬開酥皮較乾，唔夠鬆化，入面嘅蓮蓉滑溜甜膩，蛋黃氾油，不過我無食，整體一般喜餅做回禮幾貼題，好怕收啲無用嘅擺設（仲要印上新人嘅結婚相嗰啲，掉咗又於心不忍）食品回禮最好，收咗食完大家一齊甜蜜滋味！恭喜好友結婚一生幸福
繼續閱讀
唔知咩時候，奶皇月餅比傳統嘅蓮蓉月餅更成為主打咁，家下啲餅店、酒店、酒家、食肆推出嘅月餅大多數喺奶皇月餅。個人覺得，奶皇所做出嚟嘅變化比較多，可塑性強，當然利錢亦非常之高。中秋將至，總會收到少少月餅，友人送嚟一盒正就是奶皇月餅，出自「奇華餅家」。禮盒外觀以橙白雙色配襯，並以簡約金線勾畫出跳躍嘅小兔，予人感覺清雅不俗氣。而呢盒名為「鴛鴦奶皇」禮盒，內有4個迷你松子蜂蜜奶皇月及4個迷你蛋黃奶皇月。打開包裝，先有一張店家嘅推薦食法介紹，以微波爐翻熱又得，用小焗爐烘熱都得，睇公仔一睇就明。翻熱後，可令奶皇餡烘得更綿滑芳香。講到包裝，每個獨立包裝夠晒衛生，每個月餅面都有「奇華」或「蜜」字樣式屬喺咩口味，唔使擔心搞錯。迷你松子蜂蜜奶皇月兩款月餅都烘得金黃，字紋清晰，先試試個松子蜂蜜奶皇月，奶皇嘅色澤偏淺，但帶有陣陣蜂蜜清甜味，奶皇搭蜂蜜確喺幾醇香嘅配搭；此外，混入粒粒松子仁，多咗份口感之餘，更喺健康有益。一次過食完兩個，都仲回味緊呢份天然滋味！迷你蛋黃奶皇月印象中，兩三年前都食過「奇華」嘅蛋黃奶皇月，今回再食，仍覺得水準依然。切開一睇，皮薄而入口鬆化，餅底更有少少鬆脆感，餅心嘅奶皇餡色澤橙紅，烘熱後散發陣陣蛋香，食落口感軟綿幼滑，卻又有少少起沙嘅感覺，非常之好食。做人嘅嘢未必事事隨心所願，但揀食咩月餅咯喎，點都可以從心所欲啦！
繼續閱讀