32
34
7
港鐵銅鑼灣站 D4 出口, 步行約3分鐘
繼續閱讀
開飯介紹
來自日本的專門店，店如其名主打一款夾雪糕餡的日式蜜瓜麵包。蜜瓜麵包每日在分店即焗保持香脆口感。不時會有期間限定口味推出。
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
相關文章
一年前食過 當時未有習慣寫食評 但一值對呢間野念念不忘 全因佢係我人生入面食過最差既甜品 沒有之一!搞到我就算去到日本都唔敢試佢師傅個間 ，就係怕會比呢間伏講返雪糕蜜瓜包 幾十蚊 我覺得連普通既雪糕三文治都比唔上 雪糕既 藥水味 化學味 特濃 而個隻藥水雪糕既味道 難食到我到一年之後都仍然歷歷在目 如果十分滿分係中伏既話 有十二分 完全唔明點解會有人推薦好彩 大眾既眼睛係雪亮 一年幾後既今日 呢間食店終於係香港撤退我都會謹記呢個味蕾的教訓
繼續閱讀
係日本食過夾雪糕蜜瓜包覺得超好味，香港一開就即刻黎試。我揀左綠茶雪糕，一拎上手比個樣嚇親，店員將個包切到睇唔出係蜜瓜包，散開哂。食落個包身仲熱嘅，脆口，好香牛油味，係好食嘅，size大過個拳頭，食完覺得飽肚。敗筆係個綠茶雪糕，似係普通雪糕，無咩綠茶味，超甜，我諗食vanilla會好d。幾十蚊食個蜜瓜包，期望雪糕都應該用靚少少，點知唔係都幾失望。後來再返去食第二次叫朱古力味，個包就切得靚過之前好多啦，不過雪糕依然唔好食。
繼續閱讀
平時睇卡通片，除咗荳沙餅之外，蜜瓜包都好經常出現，喺日本食過無餡嘅就似菠蘿包咁，即製係幾好味～呢間來自日本嘅過江龍來港有一段時間都未有機會試，某日喺hkxxmall 見有優惠劵，即購入試試。店鋪位置較偏僻，門面好簡單，青綠色易認，主打雪糕蜜瓜包。原來而家有promotion like ig或facebook 就有九折款式都唔少呀！因為當light dinner, 所以叫咗個芝士火腿沙律蜜瓜包，另買團購劵會送蜜瓜曲奇🍪等候期間望吓d 包，似乎唔係平時食開鬆軟果種塊芝士火腿用火鎗噴過，所以會有焦香味，但因為熱力有限，唔會溶晒，至於味道方面，除咗麵包上面嘅脆脆蜜瓜皮外，同普通芝腿包加生菜無分別。以正價$53嚟講有d 貴....至於送嘅果塊蜜瓜曲奇更令人失望，唔鬆脆硬硬地似有甜味餅乾多d,賣相亦不討好。可能期望太高，價錢亦唔平，又或者咸包唔係Signature呱，覺得係名過其實...
繼續閱讀
早前見到有團購，只要$30就可以食到原價$40+既雪糕包，見未食過就買黎試下啦個包係日本既メロンパン(蜜瓜包)，同菠蘿包有d似，上面個皮超鬆脆，好似曲奇咁，又好香牛油味~暖暖地咁夾住個凍既雪糕，好好味~~個人覺得蜜瓜味雪糕好味d，咖啡雪糕既咖啡味唔夠濃食落無乜味，而且佢下午3點幾就無蜜糖脆脆雪糕賣…本來黎係想試依個🙁有d可惜…原價應該唔會食啦，都幾貴……個包就真係好好味，雪糕如果再改進下就好啦！
繼續閱讀
不久前，同事IG中表示極好食又有好多like。對個包樣好有印象!在CWB 行行下，咁岩見到同張相一樣的包。應該就係佢。靠近一睇，＄38一個雪糕包。嗯！考慮了一下，試好唔試好。就whatsapp 同事，係咪真係咁好食！在慫恿下，最後都買了。她說：未食過，一定要試！！好！＄40找返$2 的一個包會是怎樣的呢！無諗過一比完錢後，唔使一分鐘，個包就送到我面前。拎上手，個包係暖的，夾住雪糕。已經加分。第一口，係一個甜甜的像好好味又多層糖在面的飛碟包，包住蜜瓜味雪糕。有人說是不一樣的波蘿包，但它層糖皮比波蘿包好味多了。個組合係真心好食。原身不太好甜，但它的甜，甜得來很清新。原來蜜瓜的副產品食物 ，可以係好食架！下次心血來潮又有錢的時候會再來！
繼續閱讀