開飯介紹
La Vache! 旨意向巴黎的傳統扒房致敬，主打牛扒配薯條。以清新有機合桃沙律一醒味蕾，再品嚐美國 USDA Prime 級肉眼牛扒及金黃香脆薯條，配上 La Vache! 秘製醬汁，滋味滿載。
繼續閱讀
營業時間
今日營業
12:00 - 15:00
18:00 - 00:00
星期一至四
12:00 - 15:00
18:00 - 23:00
星期五至六
12:00 - 15:00
18:00 - 00:00
星期日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
今次去左傳統法國牛扒餐廳好岩情侶去 🤪特別讚一讚沙律菜好新鮮好甜牛扒 無筋 幾軟熟 簡汁磨菇 點牛扒都好味🤤🔴因下面有火台 要盡快食 唔係就熟晒架啦建議可以要生d 再放上去煮煮佢🤪. 有朋友生日可以去依到慶祝 會有成班staff同你唱生日歌 有免費cake 送🥳🥳 十分矚目3人食1038$3百幾一位 體驗價十分好餐廳只有一個menu 牛扒餐 配薯條
繼續閱讀
話說睇番啲相，突然發現之前個閨密，喺我生日嘅時候帶我食西餐，我仲未post🤣，所以而家再分享番。佢話帶我去尖沙咀食牛扒，我哋訂咗位，去到門口登記嘅時候，發現間餐廳已經滿座，我哋book咗夜晚8:30都咁多人。餐廳用暗紅色主題的燈光，配上歡愉嘅音樂，感覺有情調，但檯與檯較密集，有啲逼，加上大家傾偈，所以要浪漫🌹咁嘆嘅，呢道應該唔係首選🤣。餐廳內嘅侍應全部都係外藉人士，所以點餐要講英文，不過，唔識英文唔緊要，只係需要識幾多成熟，就可以，Blue Rare（一成熟）、Rare（三成熟）、Medium Rare（四成熟）、Medium（五成熟）、Medium Well（七成熟）、Well-done（全熟），因為餐廳只有一款牛扒，美國 USDA Prime 級肉眼牛扒，配上 La Vache! 秘製醬汁，再無其他菜式選擇😂。$398/位 有美國 USDA Prime 級肉眼牛扒及任食香脆薯條、核桃沙律🥗同法包。核桃沙律我本身唔係太感興趣，但食落又幾好食，因為沙律菜配搭嘅黑醋好香醇，好開胃。餐包配嘅牛油好香好好食，接住就上切好嘅牛扒喇！就算兩個人叫，佢都係幫你擺晒同一隻碟度。我哋叫咗Medium Rare，唔使擔心好生，因為有個火爐熱住，真係生米都煮成熟飯🤣。牛扒牛味唔太濃，份量較少，因為食完都覺得好似冇食過嘢咁（可能我大食☺️），幅相係2人份量。薯條係幼細嘅嗰款，熱辣辣好香脆，薯條係任食嘅，侍應定時就會拎一碟薯條出嚟，你需要可以同侍應講，佢就會幫你refill。我見隔離檯嘅情侶，每人加添咗3次，究竟係好鍾意食薯條定唔名飽🤣？我哋喺OpenRice訂座，所以送咗件蛋糕，個friend訂座時，remark咗我生日，所以會有店員開大個喇叭行埋嚟唱生日歌（勁尷尬），另外會係件cake嘅碟上寫字。最可惜係，原本我係生日，但佢寫錯咗做周年紀念，連名都錯（應該係同人掉換左），我到食緊嘅時候先發現錯😂。成晚有好多人生日，所以我哋一餐飯裏面，唔知聽咗幾多次生日歌😂。送嘅嗰件蛋糕係Lemon tart, 味道非常甜又非常酸，我同閨蜜都互望，問點樣可以做到嘅？甜酸咁分明🤣，最後真係食唔到。整體嚟講，如果你鍾意食薯條嘅，又可以食到好多嘅，可以話都抵嘅，但係如果你想安安靜靜食餐西餐，又想揀啲唔同款式，可能呢間就未必係適合嘅選擇。店鋪資料 🏢: La Vache!地址:尖沙咀赫德道12號地舖
繼續閱讀
$398 per head 未計加一 連甜品都冇 待應態度差 無服務可言 比呢個價錢 兩個人食都近一千 四個人都過千五 絕對可以去一啲扒房級別的餐廳 而不是連服務都沒有的快餐般的La Vachehuge disappointment on the staff attitude and it is definitely not worth the price as the services are poor and the steak quality is not worth for this price as well. Much more higher quality choice for such value of amount.
繼續閱讀
一向都係foodie力推嘅扒房，想試好耐，襯住白色情人節，同老公黎試試佢。餐廳氣氛好好，播住法文歌，幽暗及紅色為主調嘅燈光，配合埋女侍應條黑色連身裙（個人覺得好靚🤤），成件事好有feel好舒服。成場人大家都係食牛扒set，首先會上前菜 —— 合桃沙律。鑒於本人唔係太喜歡沙律醬，一開始都擔心會係好重沙律醬嘅沙律，點知佢唔係用美奶滋，反而似少少黑醋嘅味道，所以食落都唔會好膩口，仲要比佢開咗個胃。之後就會上主菜牛扒，我地叫medium rare，出到黎唔會過熟，口感一流。份量都好多，足夠兩個人食。牛扒唔係勁重牛味嘅品種，但都足夠滿足味蕾。當然La Vache 最出名係佢嘅任食薯條，size係比M記嘅再幼少少，條條都好脆口，除咗灑鹽仲有啲胡椒香料味，個人係食咗1.5盆🤰🏽。（最重點係大家唔使驚要叫佢refill咁尷尬（I人），因為侍應好主動拎埋盤薯條嚟問咗我幾次要唔要refill🤣）我地仲每人嗌咗一杯野飲，老公個杯叫Mousse de Pomme，姐係檸檬味野飲，酸得來甜甜地，啱晒食油膩嘢。我個杯叫B75，其實就係雜莓梳打，雜莓就一向好伏，但依杯又唔怕似藥水味，所以可以一試。最後仲嗌埋甜品Lemon Tart，唔會太甜，檸檬味偏酸，但溝埋上面啲cream就啱啱好，係個餅底唔夠厚同牛油味，搞到成件事爭咁啲。總括然而，單售一樣菜式證明餐廳對自己都好有信心。雖然性價比唔算極高，但都係一間值得encore 嘅扒房。🙌🏻🙌🏻
繼續閱讀
整體d野食都好食，塊扒嘅肉質係出色嘅，dessert出乎意料好食，black forest cake唔係好甜，但成餐飯似食緊快餐茶餐廳，超快上哂所有野，食咗冇幾耐就問加唔加薯條，之後都仲未食完個扒就推甜品車黎問要唔要，我地先食咗半個鐘多dd，一見你停手就走黎問係咪食完，成餐飯最少問咗4次，後尾叫翻個dessert先total食咗1個鐘連埋單，仲食緊個cake冇叫埋單，個manager已經拎張單黎，其實餐飯都千幾蚊，但我嘅feel係食咗個Mcdonald嘅lunch，要快啲食完趕翻工，一黎到帶位話食90分鐘，我suppose都係慢慢食傾下計就走，但餐飯完全唔chill唔relax，其實又唔係full house點解要咁趕？所以整體個dining experience都麻麻地，就算野食好食都好扣分。
繼續閱讀