32
11
4
港鐵東涌站 A 出口, 步行約12分鐘
繼續閱讀
電話號碼
26989007
營業時間
星期一至日
10:30 - 22:30
以上資料只供參考, 請與餐廳確認詳情
食家推介
相關文章
第二次來，今次來食lunch。平日下午一點半到，餐廳都坐左一半人。Lunch set好抵食，2個人叫左一個辣海鮮麵set（$70）同一個韓式壽司set（$47），每個set包2個前菜。另外加半份韓式炸雞（$70）。辣海鮮麵唔係真係太辣，香甜既海鮮湯味，但都係越食越辣但又停唔到口 韓式壽司正常，都有成10舊，其實好飽。炸雞最正，脆仆仆！附上韓式甜辣醬同淹蘿蔔 服務好好，特別係老闆，每個客埋單都會親自送客 每次去東薈城行街必食！
繼續閱讀
係東涌做嘢幾年都唔知有呢間韓國餐廳，呢間位置估你唔到，你東涌纜車站附近，平時係唔會經過。餐廳環境好好，好大，坐得好舒服。呢間係正宗韓國菜，我地叫左辣海鮮湯，炸雞，紫菜飯卷，韓式炸豬排。食物味道好好，炸雞一定要食👍🏻👍🏻我覺得辣海鮮湯都唔錯，好正宗，下次一定再食，到時會再試吓其他menu其他菜式，價錢方面唔算貴，我係食lunch,有lunch set。老闆係韓國人，好nice,職員服務我覺得好好，整體來講我好滿意。
繼續閱讀
今次來到東涌行山，行山前路過公園，無意間發現公園入面竟然掩藏一間餐廳仔，隠世特別正值下午茶時間，我地兩個人嗌左年糕炒麵，牛肉石鍋拌飯外加小份無骨炸雞件。套餐均有送湯和小菜，價格實惠。個人最愛炸雞，小份有四件，無骨酥脆，其中炸雞沾醬非常出色，最尾多餘既醬我地都用黎撈飯食～年糕拉麵用料最豐富，有年糕高麗菜辛拉麵和魚糕。石鍋拌飯中規中矩。四碟小菜有蘑菇，蓮藕，菠菜，泡菜，味道都很好。有機會下次再來試下燒肉
繼續閱讀
今日去美談韓國點左個牛肋骨蘿蔔湯飯，餐裡有一個湯，一碗飯和兩個前菜。湯的裡面牛肋骨和蘿蔔，裡面有粉絲和蔥，在食到一半噶時候發現一隻黑色的物體，仔細一望原來係烏蠅，當叫服務員過來噶時候，距問我係咪剛剛飛落去，我望了望環境，我話你哩度無烏蠅，點會剛跌落去，因為我自己一個帶住女女，態度都無強硬，服務員話問老闆點處理，當距將碗湯端走，我先反應過來沒有影相，我望見老闆態度係覺得係顧客問題，很不耐煩，然後服務員過來話換過一碗比我，我問距，我小朋友都飲左，會唔會有事，隨後老闆過來還是同我講，烏蠅應該係我進食時候飛入去，因為溫度高⋯最後換了新的給我，沒有道歉，本人覺得食野要比錢很正常，最後比錢離開。真金白銀飲左碗烏蠅湯，最不能接受係，店裡處理這個一點歉意都無，無同客人道歉，還有責怪客人噶意思。
繼續閱讀
本身住係東涌都唔太留意到依間韓國餐廳（因為要走到纜車站旁邊ge公園入面）偶然食過一次佢ge下午茶咁就入左韓食ge其中一間名單尤其係中午去D陽光直射入間餐廳個feel幾好，第一次無影過相今次見個menu 轉左新隨便更新下。首先韓國伯伯（個feel好似魷x遊戲個01咁）係入面但好似都識聽廣東話～其他啊姨都幾友善入到去都有唔少人，上次叫左羊肉湯麵（唔鐘意騷ge友朋仔最好唔好試），今次叫左係海鮮湯麵有兩款隨機前菜，個伯伯重好貼心咁俾個碗仔我放青口殼，碗湯麵係幾足料ge湯底同麵都俾都我韓國ge味道再望埋個環境有種好舒適ge感覺。可能太過舒適令到我聯想到夜晚係到食飯一定會有人飲醉酒然後打架ge感覺，隨便講埋間餐廳燒烤ge環境都幾match。總括黎講間餐廳吸引我ge有三點：韓國伯伯、湯麵口感同係湯底
繼續閱讀