215
22
3
營業時間
今日營業
12:00 - 22:00
星期一至日
12:00 - 22:00
*最後落單時間: 21:00
以上資料只供參考, 請與餐廳確認詳情
有關獎賞計劃
食家推介
相關文章
老婆生日飯，最頭痛喺搵啲啱去食嘅餐廳，其實佢對食嘅要求唔太高，唔需要好貴好奢華，但最緊要喺合佢心水、啱佢口味，由於佢喺偏素，所以範圍喺收窄咗少少，不過出面好多素食餐廳水準參差，搵吓搵吓，以前曾經講過話試「素年」，但隔咗數年都未幫襯過「素年」，今晚卒之嚟一試。 穩陣起見，都喺訂咗枱先。深水埗有兩間「素年」，福榮街嗰間經常爆滿，相反，喺汝州街呢間入座率唔高，成晚所見就算唔訂枱，直接嚟到都有枱。對於餐廳嘅環境，感覺幾好，因為裝修簡約，一室淺木色系，樓底夠高，空間感十足。我哋被安排坐晌入面嘅區域，相對較門口嘅會比較好啲，因為，啲凳有得挨，坐落比較舒服。不過，喺嫌枱與枱之間太近，基本上隔離枱講乜，唔想聽都聚到。 咁「素年」打正旗號主打素食，所以，基本上樣樣嘢都啱老婆。睇一睇其實選擇都幾多，揀選主食有指定飲品附送，如果兩款都唔啱飲，可以揀其他飲品，有$12折扣優惠。 日本三文魚照燒豆腐蕎麥麵定食 $158呢個定食貫徹日本菜嘅精緻，睇見成份定食都開心，裏面所包嘅食物好豐富，以12點位順時針講起，有醬燒茄子、蘿蔔漬、素三文魚、照燒豆腐、南瓜煮、西瓜及蕎麥麵配自家製昆布冷麵汁。 每樣嘢都好啱老婆口味，而個別食材又好有驚喜，好似茄子咁，喺冷盤嚟，茄子肉有入口即化嘅口感，三文魚真喺幾可亂真，實際應該喺蒟蒻所做，豆腐質感亦好特別，實淨得嚟又好嫩，而南瓜超粉甜，蕎麥麵嘅昆布冷麵汁好清爽。 沙爹串燒羊肉串豆卜天貝飯配手抓餅 $138小弟一向鐘意食羊，就算素羊都想試吓，我呢份菜式都都好大堆頭架，睇個菜式名你就知包咗啲乜嘢，就喺素羊肉、豆卜、天貝，都做成串燒形式。唔好睇啲飯好似唔多，搭埋啲手抓餅其實食到好飽。 啲素羊肉好唔錯喎，當然，騷味就無喇，不過，口感真喺幾似肉，最正就喺個沙嗲汁，做得好香濃，配羊肉、配飯、配手抓餅都喺一流；串豆卜叫做OK啦，雖然有豆香，但個人覺得比較乾身啲，而天貝都喺第一次食，究竟係乜？其實嚟自印尼嘅一種豆製發酵食品，咬落口感比較紮實，有點豆香，上網睇原來都喺好有營養價值嘅食品嚟。 奇異果羽衣甘藍蘋果燕麥奶 +$38、京都宇治玄米茶本來想試「香蕉合桃焙茶燕麥奶」，覺得好特別，不過就話賣晒，改改試一試「奇異果羽衣甘藍蘋果燕麥奶」。一身淺青綠，入口蘋果味佔重，微微酸香嘅奇異果味，可能羽衣甘藍落得唔太多，所以，無話一種好「草青味」嘅感覺，而質感唔會太杰身，奶味唔太重，相信燕麥奶佔比亦唔太多，整體嚟講幾清爽。老婆所揀嘅玄米茶亦好幽香，入口好舒服。 食物嘅款式確喺幾有亮點，配搭見心思，亦感受到食物用料有要求，整體服務唔錯，啲店員好有禮貌，上菜速度亦比預期快。不過，呢度只收現金同八達通，晌呢個唔多帶現金嘅年代，就有啲唔方便，話晒張八達通未必夠錢埋到張幾百蚊嘅單。
繼續閱讀
💛素年五周年生日快樂💛不論順逆境，一直堅持用心製作。唔單止提供高質素新派素健康素食，而且一直為社會出點綿力，提供一點心靈支持。✨泰式香辣炸蝦秘製冬陰功意大利粉以腐皮被包住外層，炸得脆卜卜中間再包住蔬菜餡料，咬落爽口，很喜歡！冬陰功帶微酸微辣，非常醒胃。意粉亦夠彈牙，配上車厘茄及茄子伴碟。✨排毒抗氧化特飲來Detox一下！奇異果+富士蘋果+羽衣甘藍+燕麥奶，超豐富維他命C，燕麥奶令整體更香滑，好味😋老公就好興奮地享受咗一個芫荽晚餐😂✨雙層芫荽不可能芝士漢堡超大份burger！以Impossible food製成嘅肉，好厚身，一樣香口，仲少咗份油膩感！配上芝士同芫荽，食得好滋味！可配搭薯條或沙律，我喜歡佢個又生薯條夠脆身！✨芫荽檸檬梳打食完西都唔夠喉，老公仲要飲埋芫荽梳打，佢表示好爽😂✨泰式春卷配自家製日本南高梅醬春卷餡料同剛才嘅炸蝦有少少相似，不過脆口春卷配上酸酸甜甜高梅醬，又係另一番風味。
繼續閱讀
估唔到食素都可以咁好味！素麥樂雞真係好好味試埋自家製嘅梅醬酸酸甜甜幾開胃素漢堡包勁多配料，而且都有好大塊素肉素肉味道做到7成似不過就容易夾到散晒食到好「呢hae」仲叫咗個夏威夷bowl～好fresh配料都好多總結：8/10
繼續閱讀
成日都飲飽食醉，係時候要食返清淡啲。但係食清啲都有要求㗎，呢間新派素食餐廳 ，時尚又有特色，啱哂我地。餐牌多選擇日式三文魚照燒豆腐 麻醬撈稻庭烏冬定食台式古早肉燥飯 鹽酥菇定食賣相精緻高貴，鍾意細細碟，又可以食到更多 唔同類型的食物黑糖本地薑黃燕麥奶/本地新薑可可杏仁奶淡淡薑味,身體零負擔三文魚片連個紋路都做到似模似樣，強。其實係蒟蒻，做到滑溜而又帶酸醋的口感及味道日本甜蕃薯仔 ，蒸凍豆腐， 煎茄子 正常發揮梅酒醃酸蘿蔔，幾醒胃，梅酒味濃郁鹽酥香菇，好酥脆 芭樂，新鮮切開 麻醬烏冬 熱辣辣 滿滿嘅麻醬汁串串豆腐，皮脆肉結實但又嫩滑
繼續閱讀
我已經好耐冇素年，難得今日有人話來接我收工，梗係即刻飛車去深水埗排隊啦！今次第一次嚟汝州街呢間分店，空間比較大，坐得更加舒服！今次叫咗幾樣嘢都超好食，最緊要就係所有嘢都用咗好合適嘅spices，令到素食嘅味道更加難以置信地美味🤤中東彼得包鷹嘴豆泥拼盤好清新墨西哥煙燻不可能辣肉醬飯碗超飽滿台式古早肉燥飯鹽酥菇定食好豐富排毒抗氧化特飲(奇異果，富士蘋果、羽衣甘藍&埋燕麥奶) 好smooth好好味Heroes-pilsner floral lemon and malt一流
繼續閱讀