影片
開飯介紹
品牌創立多年，以日本新鮮食材製作刺身、壽司等料理，另外亦有熱食、佐酒小菜可供選擇。而懷舊風裝潢，讓人仿如置身當地小店。
營業時間
今日營業
12:00 - 15:00
17:30 - 22:30
星期一至日
12:00 - 15:00
17:30 - 22:30
公眾假期
12:00 - 15:00
17:30 - 22:30
公眾假期前夕
12:00 - 15:00
17:30 - 22:30
以上資料只供參考, 請與餐廳確認詳情
有關獎賞計劃
相關文章
好似好耐冇食過日本嘢，突然口痕搵間日本嘢食先，又想食刺身又想食面，行行吓見到呢間就入咗去食😎特上錦繡刺身，八款，各兩件，牡丹蝦，吞拿魚腩，帶子及其他$398牡丹蝦好大隻好爽好鮮甜！海膽都好新鮮一啲都唔腥，好甜好正！八爪魚爽口鮮甜，吞拿魚好厚好大塊，新鮮，帶子超大粒，好甜好爽口，油甘魚爽口好味，佢教吞拿魚腩最後食，一咬油脂支滿喺口，好肥美無得彈😍juicy🤩牛油果軟殼蟹蛋卷$78四件壽司卷襪都幾大嚿，軟殼蟹好香又卜卜脆，加埋青瓜、蟹籽、新鮮牛油果、加埋少少沙律醬，好開胃！🦐😋豚肉蘆筍卷$32豚肉剛剛燒起，好熱辣辣，又香，豚肉肥瘦相間，好香油脂味，有鹽在表面，但唔會太鹹，加埋蘆筍喺裏面，一咬好爽，一肉一菜，配合得Perfect🥰黑豚腩串$38燒黑豚肥瘦相間，一樣好甘香！加上佢哋自己調配的醃料，非常好食！ 🍢😍免治雞肉$18呢個雞肉串味道原汁原味，雞肉咬落去仲會脆脆地，好似食緊雞軟骨碎，加埋燒汁甜甜地幾好味😋炸蝦天婦羅$98蝦肉新鮮好彈牙唔會鞋口果種，炸梅子面好特別，第二度未見過，好似食緊炸麵咁，炸冬菇冇特別醃料，原汁原味香菇味🍤😚日本叉燒烏冬$65烏冬好Q彈，有海苔，粟米，流心蛋，最重要係叉燒好厚肉，大大塊，湯底清甜好味🥰
繼續閱讀
有時經過尖沙咀都想食呢間搵吓資料 原來大埔都有分店呢間裝修比較復古、溫馨牆上磚砌設計同埋懸掛日式裝飾好營造到日式懷舊風嘅感覺簡單樸素 散發一種自在放鬆氛圍好啱同屋企人或朋友嚟聚聚- - - - - - - - - - - - - - - - - - - - - - - - 1. 秋刀魚刺身見到魚皮呈現閃閃銀色 都幾𥄫睛原條連頭同骨咁上 證明新鮮即劏配咗芥末、醬油 食到佢嘅鮮味肉質鮮嫩 仲帶有少少油脂香淨咗魚頭連骨會拎返入廚房即炸酥脆可口 好啱用嚟送酒食2. 三文魚親子反卷呢碟擺盤好靚 好似藝術品咁精緻入面卷住黃芝士、青瓜絲、橙三文魚視覺望落色彩鮮明 令人好有食慾面頭仲會加多層三文魚 雙重享受仲有三文魚籽點綴 口感豐富同埋都幾鍾意佢嘅芝士濃而不膩3. 西非生蠔生蠔好大粒同飽滿 賣相充滿誘惑平時習慣加啲檸檬汁同紅辣椒汁天然海鮮甜味帶啲酸辣提味兒加Openrice訂座 仲有半價優惠可以趁住咁抵優惠食多幾隻4. 串燒(鹽燒白鱔、黑豚腩串、燒鮮冬菇、免治雞肉)揀咗我哋鍾意食嘅串燒每串都燒到啱啱好微焦火候控制掌握得都幾好鹽燒白鱔外焦內彈黑豚腩串油脂適中燒鮮冬菇保留原汁原味免治雞肉串唔會烤乾水份5. 炸蝦天婦羅炸到金黃酥脆 炸衣都算輕盈入面嘅蝦身都幾長 肉質鮮嫩食落口感就係外脆內嫩配咗蘿蔔蓉沾汁好清新可口6. 櫻花蝦蟹籽炒飯炒飯賣相色彩繽紛 米飯粒粒分明加咗櫻花蝦同蟹籽 令到米飯唔會單調啖啖都有海鮮風味 同埋份量十足7. 日本番茄沙律原個日本番茄放喺中間番茄好甜 加啲蔬菜成個口感都好清新爽脆餐前餐後食佢感覺輕盈舒適
繼續閱讀
上網見到佢哋做緊優惠$388就可以食到呢個季節套餐😍原價要$988㗎！就咁睇完就已經覺得好抵😂又有我最鍾意食嘅海膽同埋生蠔🦪即刻拉埋朋友嚟試吓先😆🥗蟹籽沙律味道不過不失😙蟹籽份量都幾多❣️🍱漬物兩品🐟味醂魚干燒到好脆身，卜卜脆又幾煙靭😙點埋沙律醬食好夾！用嚟配酒飲都幾夾咖～*🦪時令生蠔勁！肥！美！😍唔係講笑，本身都冇諗過套餐跟嗰隻生蠔會咁高質🥹🥹海水味超濃又唔腥，仲要係凍冰冰咁上枱，咬落去超級鮮甜！🍣刺身盛合四品當日有嘅其中幾種刺身有油甘魚、赤蝦同帶子！拖羅厚切到呢～油甘魚魚油香爆燈，赤蝦爽甜，帶子仲要係原粒上，好新鮮㗎！ 🍸日本海膽魚籽杯呢個海膽杯上到嚟，隻眼發晒光咁！海膽超級鮮甜，份量又多😻仲有有好多嘅三文魚子喺面頭🫶🏻撈埋嚟食係最佳嘅配搭！🤩🍅和風糖度番茄個蕃茄酸酸甜甜咁😙食落都好開胃！不🍗唐揚炸雞配明太子醬外皮好脆身，入邊都有啲肉汁唔會太乾😋！明太子醬微辣帶鹹，少少已經好惹味～ 🍣櫻花蝦葱吞拿魚腩卷 吞拿魚腩蓉超香魚油味，加埋脆脆櫻花蝦同蔥花，一啖一件大滿足！ 😛🍜糖心蛋蜆肉味噌湯烏冬估唔到連烏冬都咁有驚喜！湯底鮮甜，蜆肉又多又飽滿，誠意十足，仲有埋糖心蛋流心效果perfect～ 🍮甜品當日嘅甜品係抹茶蕨餅配紅豆🫘抹茶蕨餅啱啱解凍比較硬，所以放耐少少先食會比較好😚食埋甜品就真係圓滿啦！🥳性價比:9/10好食程度😚: 9/10回頭指數💗:9/10
繼續閱讀
係鮨一日本料理食左個季節套餐，成個餐共有11款食物，都真係好豐富，而且每款食物都係一人一份，方便唔洗分黎分去📌二人套餐 $388/1🔸蟹籽沙律有青瓜絲、蟹柳同蟹籽🔸漬物兩款，特別鍾意牛蒡既口感🔸味淋魚干有烘過，帶有微微焦脆，點埋蛋黃沙律醬勁惹味🔸西非生蠔蠔身飽滿，口感creamy，味道爽甜🔸刺身盛合四品帶子、拖羅、池魚同螢光魷魚，刺身都算厚切食落有口感，螢光魷魚經炙燒，所以更加香口🔸日本海膽魚籽杯套餐最最最吸引就係呢個海膽杯！真係好邪惡好吸引～～杯入面好多料，鋪滿海膽同三文魚籽，面頭仲有隻甜蝦！相當之豐富，海膽入口順滑又濃郁，令人回味無窮啊🔸和風糖度番茄色澤紅潤，味道超甜🔸唐揚炸雞配明太子醬炸雞新鮮熱辣炸出來，外皮鹹酥香脆，沾上明太子醬更香口🔸櫻花蝦葱吞拿魚腩卷師傅即場製作，吞拿魚蓉搭配櫻花蝦形成雙重口感，既香脆又棉密，仲有紫菜包住，一啖放入口感覺好正🔸糖心蛋蜆肉味噌湯烏冬每人仲有一碗足料彈牙烏冬，真係好豐富！🔸最後甜品係紅豆蕨餅
繼續閱讀
食物水準良好，味道很好，食材新鮮，份量充足，不會太細份😋特別有個三文魚優惠係堂食先有🤩但外賣速度較慢，沒有緊張感，要多等大約15分鐘😶🌫️建議堂食😂
繼續閱讀