324
24
18
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒，香噴噴的串燒以及即叫即製的鐵板燒,客人來到，可以盡情品嘗「兩燒」美食，雖然店劃分了爐端燒和鐵板燒的座位，但客人無論坐於哪邊，亦可以隨意點選「兩燒」食物。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
食評 (406)
今年生日不在香港✈️好姊妹提早同我慶祝生日🥳🎂知我喜歡食日本菜🏮所以book咗天文台圍分店【 秋田鐵板燒刺身專門店】全幢三層都是同一間餐廳，我地哩晚被餐廳安排上三樓，有多間VIP房間私穩度非常之高，空間感十足，另一邊有大梳化，真是非常適合私人派對活動🎉我地點咗二人前套餐 $950位食鐵板燒點少得叫支清酒飲🍶食物包括有🔸️季節沙律新鮮爽脆沙律菜非常醍胃🔸️魚籽鵝肝蒸蛋入口即化的蒸蛋搭配魚籽鵝肝頂級食材，蛋味好濃，吃起來有不同的層次感😋🔸️鮮活龍蝦半隻非常新鮮🦞烹調過程仲係識郁架🔥仲有精彩火焰環節🤩龍蝦肉質好彈牙鮮甜🔸️原隻鮮活南非鮑魚師傅先將昆布蓋住加酒焗一焗鮑魚，烹調特別，肉厚帶嚼勁，鮮味濃郁，每隻都啖啖肉，可配上旁邊三種調味😋忌廉海苔汁，有昆布，海澡，再加檸檬汁更加鮮味十足👍🔸️香煎北海道帆立貝厚肉肥美帆立貝加了柚子胡椒更加清新 ,可加片紫菜包住，吃落有不同嘅風味😋🔸️牛肉薄燒點3成熟就剛剛好，肉質嫩又不感油膩感👍旁邊有鹽昆布、岩鹽及wasabi可配不同調味，其實原味已經好好食😋🔸️龍蝦清湯 將剛才新鮮龍蝦腳及殼熬製的，用上特製纸包住龍蝦清湯 放在鐵板上，外型特別，飲落好鮮甜👍🔸️炒野菜🔸️秋田炒飯 去到最後炒野菜及炒飯都已經飽到一個點，所以都要打包唔好浪費🤭🔸️精選甜品 師傅整咗個銅鑼燒，裡面用新鮮紅豆，又大粒又腍，熱辣辣好好食最後朋友同餐廳安排咗個好surprise比我🥰除了送咗芝士餅比我吹臘蠋🎂仲有個佈置好有生日氣氛地方比我地打卡📸鐵板上除了寫上祝福語外🎉仲晝上好可愛卡通公仔🤩影完相仲即時print相比我地留念或者釘上餐廳相片牆上的💕哩度每位店員真係好親切，又好服務，師傅又好好傾，成餐飯食得好開心😂下次有慶祝活動一定book番哩度🥳
繼續閱讀
秋田旗下原來有數間餐廳，分別有得食omakase、鐵板燒、浜燒，數間餐廳系同一座大廈，今次同朋友就試吓鐵板燒。二人前套餐包括多款海鮮🦞更可享用鹿兒島霜降和牛🐮⭐️魚籽鵝肝蒸蛋表面黑魚籽突顯高級🖤蒸蛋裡更有鵝肝碎🦢吾腥之餘同蒸蛋又夾到💛⭐️鮮活龍蝦半隻鮮活龍蝦太生猛🦞師傅比我地睇戈陣仲識郁㗎～跟住黎個火焰燒烤🔥龍蝦肉拆出黎後爽甜，配以牛油🧈香氣十足。⭐️原隻鮮活南非鮑魚原隻南非鮑魚真吾系講笑，同樣黎戈陣系仲識郁，味道十分新鮮。⭐️蟶子王鐵板燒都食到蟶子王，幾有驚喜！有不少蒜蓉作調味🧄使得蟶子更香，萵筍亦美味清新💚⭐️香煎頂級鵝肝又一道鵝肝菜式，連同牛油多士一齊食用。旁邊有菠蘿🍍同黑醋，菠蘿有解膩作用，鵝肝油脂濃厚，沾上黑醋酸甜味道又系另一層次。⭐️香煎北海道帆立貝帆立貝好大粒，煎香後口感顯得更爽口彈牙，可連同紫菜一齊食用，口感更豐富。⭐️秋田炒飯以餐廳名稱命名，果然系招牌菜。炒飯加入火腿粒、蔥花、雞蛋，重點系有大量櫻花蝦，充滿日式風味❣️開頭以為好細碗，點知最後同朋友都食吾曬😂🙊⭐️龍蝦清湯較早前食龍蝦個龍蝦頭師傅都冇浪費🦞用咗黎做清湯。麵豉湯味道般，清甜解膩。⭐️鹿兒島霜降和牛薄燒卷或厚燒鹿兒島霜降和牛夠曬高級❤️和牛薄燒卷中間夾咗蒜蓉同其他配料，所以就咁食都夠味，油脂豐富。厚燒就一粒粒🐮可搭配蒜片、岩鹽、岩鹽昆布食用，本身厚燒油脂又系好豐富，個人中意搭配岩鹽食用。⭐️精選甜品師傅系我地面前用蛋漿煎成pancake🥞當然吾系就咁食塊pancake，仲可以揀雪糕味道🍦抹茶或香芋，揀咗抹茶味，搭配pancake食成為晚餐圓滿句號💚
繼續閱讀
友人同我慶生，知我喜歡吃海鮮，特意帶我到尖沙咀天文台圍吃鐵板燒及刺身，說要給我生日驚喜。我們晚上八時來到這裡。這裡樓高三層，我們被安排在一樓的座位。踏入電梯已經十分有日式氣氛。一樓大約只有10個座位，私穩度高，環境寧靜座位舒適。 我們點了秋田二人前套餐，每位$1150，有好幾款貴價海鮮，性價比高。 食材超級新鮮生猛。 季節沙律前菜是生菜海藻沙律，配上芝麻醬，十分開胃。 魚籽鵝肝蒸蛋雞泡魚干輕輕煎了一下令其軟身，表面煎到金黃色，配上沙律醬更具風味。鵝肝蒸蛋蒸熟後，放上矜貴的魚籽，廚師放魚籽豪不手軟，份量十足。蒸蛋蛋味濃郁，加上鵝肝及魚籽的味道，非常有層次。 鮮活龍蝦半隻龍蝦十分新鮮生猛。廚師手法純熟，三兩下手勢已經將龍蝦拆殼起肉。龍蝦肉配蝦膏醬汁兜炒，非常惹味。烹調過程還有火焰表演，廚師會提示我們準備相機拍照，火焰比人還高，十分驚喜。 原隻鮮活南非鮑魚鮑魚上桌時仍是活的，處理得十分乾淨。廚師煎得剛剛好，鮑魚味道鮮甜，肉質彈牙，很容易就能咬開；配上秘製海藻忌廉汁更能突出鮑魚的鮮甜。伴碟的新鮮海藻也相當不，沒有草青味。 季節時令海鮮時令海鮮有蘇格蘭聖子王。聖子王鮮甜蘆筍爽嫩，加上牛油兜炒，香氣撲鼻。 香煎北海道帆立貝帆立貝是北海道12頭的，超級大隻，用少少牛油煎香，已經十分好吃。 香煎頂級鵝肝鵝肝有手掌般大，在鐵板上煎時「滋滋聲」，油脂十分豐富，加上一點魚籽鋪面盡顯矜貴。鵝肝入口即溶，吃了一口整個口腔都是鵝肝的香氣。也可以點些黑醋汁減少油膩感。 鹿兒島霜降和牛厚燒鹿兒島A4和牛的雪花分佈平均十分誘人。廚師煎至五成熟，伴碟有炸蒜片、咸海藻、鹽和wasabi。我們好奇wasabi不會搶了和牛的味道嗎？廚師解釋道wasabi是他們特製的，不會像市面的wasabi嗆鼻。和牛配wasabi也是出奇的配搭。 炒野菜吃到這裡已經飽到不行，來點野菜清清腸胃。 龍蝦清湯龍蝦清湯是用高湯和龍蝦殼熬煮而成，味道清甜暖胃。 秋田炒飯炒飲粒粒分明，材料豐富，味道不錯。 精選甜品甜品為即製豆沙銅鑼燒及雪糕，為這餐完美結束。 最後可以在特製的背景牆拍照留念。服務員會主動幫我們拍照，並可以將照片打印出來，貼在旁邊的照片牆或拿回家紀念均可。 整體用餐感覺相當好，不但環境舒適，食材新鮮美味，服務員也貼心周到，是一個適合慶生或慶祝紀念日的好地方。
繼續閱讀
好友生日，去咗好評甚多嘅秋田鐵板燒慶祝。一早聽聞過呢間餐廳嘅大名，唔講都唔知已經開業三十多年！鐵板燒有幾個Menu，我哋揀咗秋田二人前鐵板燒套餐，好豐富！一坐低，店員就送上沙律。之後師傅就展示今晚的主角了！ 師傅仲請我哋食雞泡魚乾，雞泡魚乾用味醂醃過，味道甜甜地好入味！ 魚籽鵝肝蒸蛋 蒸蛋滑捋捋，唔會過熟，師傅再喺面頭放上矜貴嘅黑魚子點綴，入面仲有脂香豐腴嘅鵝肝粒，食落好香！ 鮮活龍蝦半隻 龍蝦好生猛，燒嘅時候紮紮跳，好新鮮！加埋龍蝦膏一齊炒，味道更加鮮香！呢道菜仲有一個噴火環節，視覺效果十足！彈牙嘅龍蝦肉下亦細心地配搭香脆嘅鐵板多士，令到口感更有變化。 蟶子皇蘇格蘭蟶子皇肥美厚肉，鮮甜多汁，加入明太子、蒜心、靈芝菇一齊炒香，增添鹹香。南非鮑魚睇住鮑魚活生生燒死，好殘忍，但鮑魚肉質確係好彈牙鮮味，而且好厚肉，啖啖肉！ 鹿兒島霜降和牛厚燒 鹿兒島霜降和牛油脂分佈平均，燒至三成熟，牛味突出之餘，肉汁亦鎖緊在內，好juicy。 配搭粗粒wasabi、鹽昆布及岩鹽都各有特色。 秋田炒飯 秋田炒飯嘅材料豐富，有蘿蔔、櫻花蝦、煙肉及蔥花，係鐵板上炒特別有鑊氣。 炒野菜有椰菜、菇類及蘿蔔絲 龍蝦清湯 師傅將之前留下嘅龍蝦頭去熬清湯，味道好鮮。 精選甜品 豆沙餅用鐵板燒烹調，口感彈性鬆軟，夾住軟綿嘅十勝紅豆，配搭冰涼嘅雪糕，係唔錯嘅飯後甜品。呢次同朋友慶祝生日，店員服務好好！會喺鐵板上寫字之餘，仲主動幫我哋影相，之後甚至print埋出嚟送俾我哋，令朋友都覺得好驚喜！
繼續閱讀
時間過得好快，眨吓眼就一齊咗11年了，雖然已經結咗婚，但儀式感仍然都係好重要呢！呢晚我哋就去咗秋田鐵板燒慶祝，餐廳位於天文臺道，私隱度好高。鐵板燒有幾個Menu，我哋揀咗秋田二人前鐵板燒套餐，價錢分別係$950/$1150，視乎選擇嘅係牛肉薄燒定係厚燒。我哋就各點了一款share :季節沙律先送上清新開胃的沙律，打開味蕾。接着就開始精彩嘅鐵板燒料理啦！師傅免費請我哋食雞泡魚乾，雞泡魚乾預先用味醂醃過，甜甜地，送酒一流！魚籽鵝肝蒸蛋蒸蛋生熟度控制得恰到好處，入口嫩滑，面頭有慷慨嘅魚子作點綴，配上脂香嘅鵝肝，味道好有層次！鮮活龍蝦半隻龍蝦非常新鮮，上鐵板時仲係活生生，師傅仲要撈埋龍蝦膏去炒香，難怪入口咁鮮甜彈牙！底下亦都有鐵板煎嘅多士，口感香脆。原隻活南非鮑魚師傅用昆布包住鮑魚，再放上大把嘅海鹽，淋上酒後再焗一焗。鮑魚口感軟腍，本身海水味重，同時又散發淡淡昆布香氣，不論食原味定係配搭昆布忌廉湯都各有特色。香煎頂級鵝肝鵝肝好厚身，煎至外層香脆，內裏口感軟綿，配搭黑醋同菠蘿都有解膩的效果。鹿兒島霜降和牛薄燒鹿兒島霜降和牛雪花漂亮，分布平均，包住香蔥再連同香脆嘅蒜片一齊食，牛味更加突出。秋田炒飯食鐵板燒點少得炒飯？佢鍾意欣賞師傅炒飯嘅表演，鐵板燒炒嘅炒飯特別有鑊氣，粒粒分明秋田炒飯嘅材料亦都好豐富，有蘿蔔、櫻花蝦、煙肉及蔥花，色彩繽紛。炒野菜主要係炒椰菜，加上少少菇類及蘿蔔絲。龍蝦清湯用上剩下嘅龍蝦頭去熬湯，味道清甜。精選甜品是日甜品有豆沙餅配雪糕，豆沙餅同樣係鐵板燒即席烹飪，餡料嘅十勝紅豆軟綿香甜，味道唔錯。今次嚟到秋田鐵板燒慶祝周年紀念，餐廳仲特地為我哋喺鐵板上準備打卡位，而且細心地即時幫我哋打印相片，服務非常好！
繼續閱讀
您可能會有興趣的...