43
16
9
港鐵石門站 C 出口
繼續閱讀
電話號碼
26620138
營業時間
星期一至日
07:00 - 22:00
以上資料只供參考, 請與餐廳確認詳情
食家推介
3號風球，諗住買定啲外賣，等今晚有嘢食。都明知會打風，所以打定電話問吓丸記有冇開。阿姐好似趕住收線咁，講唔夠兩句就cut咗線。但既然有開就照去。其實都知佢舖頭掉咗位置，但係估唔到佢原來係同沙田友合併左！個門面完全唔清晰，兜咗一大個圈，問商場個保安，佢又好似戇居居咁。於是我再打去問吓阿姐，佢先講清楚原來喺沙田友「隔離」！去到沙田友，根本就係兩間舖頭合併，用同一個門口，同一個收銀！講啲唔講啲，等我冒着雨行咗成個圈，先買到清湯腩。想去食嘅街坊，要注意返。
繼續閱讀
好差 以後唔會再去 諗緊想試嘅 都可以唔洗試 主要有2點第一：叫沙薑雞飯 淨係得隻雞翼 同雞翼尖 斬頭斬尾 砌一碟想食飯嘅嚟 就啱，齋食飯！完全無肉落肚 錢就比足連凍飲5x$60另外朋友就叫牛腩河，牛腩一共4舊 但有2舊肥到食唔到，又係求其切比你，唔會飛吓啲邊。個湯就成層肥油，有三高真係唔建議嚟！第二樣嘢：冷氣幾乎係零，坐門口可以帶定條毛巾 。仲要可以坐坐吓 壞冷氣 成班人焗係入面 出面就 三十幾度🤣但係都有樣嘢好 就係唔洗排隊 根本直入 可能住附近啲人都知唔掂☹️行多2步入去食大快活好啲
繼續閱讀
清湯牛腩牛筋河 全日附送飲品$58牛腩有肥有瘦 佢sell肉爽 所以唔算好腍牛筋大件又夠漿口好味 係骨膠原啊..出色過牛腩 幼身河粉超滑身 湯底清 唔會好咸或者好油 蘿蔔夠甜夠淋 但可惜有渣 估唔到無意中搵到間好食嘅牛筋腩河～😋總括 係幾唔錯 會再去👍🏼
繼續閱讀
今次用餐分別叫左海南雞飯同清湯牛腩河，海南雞雞肉嫩滑，飯味香，中規中矩。清湯牛腩好好食，平時我好少會飲湯底，但呢個湯底我會飲埋，蘿蔔都甜，但得一舊🥺牛腩無特別要求肥瘦(見餐牌有寫可以要求)，但送到嘅牛腩肥瘦適中，值得一試！
繼續閱讀
澳門丸記清湯腩王「澳門丸記清湯腩王」由阮弼壕先生於2006年創立，將家傳歷代秘方融合自己多年廚藝經驗與心得店名中的「澳門」源自餐廳創辦人阮弼壕先生的祖母年輕時在澳門十月初五街推著一個木頭車沿街叫賣牛腩麵，煮得一手清湯腩的好手藝傳到阮先生手上並延續下去牛腩河粉係香港經常都會食到，但呢碗牛腩河真係數一數二第一次食到蘿蔔清甜牛腩肉質嫩滑湯底唔會太咸，河粉係幼身河粉下次經過都會再幫襯因為唔係間間都做到呢個質素 $48一碗高質 Cp值沙田石門安詳街3號京瑞廣場一期地下牛腩河粉 $48餐跟熱飲 熱檸檬水
繼續閱讀