49
14
6
港鐵銅鑼灣站 F1 出口, 步行約2分鐘; 銅鑼灣F1出口
繼續閱讀
電話號碼
61669592
營業時間
今日營業
11:30 - 16:00
18:00 - 23:00
星期一至日
11:30 - 16:00
18:00 - 23:00
公眾假期
11:30 - 16:00
18:00 - 23:00
公眾假期前夕
11:30 - 16:00
18:00 - 23:00
以上資料只供參考, 請與餐廳確認詳情
招牌菜
食家推介
相關文章
喺呢度食晏就食得多喇，今日一行三人嚟食吓晚餐先。我哋6:00嚟到，時間尚早，所以可以揀個靚位坐。餐廳光猛企理，係適合同朋友傾偈嘅地方。金沙炸魚皮（$68）：新鮮熱辣咁上枱。本身諗住鹹蛋黃醬比較漏，唔會食得晒，點知唔覺唔覺原來好快就食完。魚皮薄，脆。鹹蛋黃醬惹味。蝦多士（$135有3件）：多士炸得好脆，食落short short聲。多士夾埋隻鮮蝦一齊食，口感豐富（軟，彈，脆）蜜餞金蠔（$180有3件）：個人覺得金蠔用蜜餞嚟整係最夾。金蠔蠔味濃郁。配上甜甜地嘅蜜餞，令味道層次提升。生煎鹹魚肉餅（$118有6件）拼荷葉包（$28有4個）：呢個必食！鹹魚味重，聞到都流口水。肉餅彈牙多肉汁，表面煎到脆脆地。配埋軟熟嘅荷葉包一齊食，平衡返鹹魚嘅鹹味。椒鹽黃花魚仔（$188有6條）：呢個好抵食。每條黃花魚仔都好新鮮嫩滑。魚仔炸得香脆，所以就算佢有啲骨仔其實都脆到可以咬碎到，唔怕哽到碎骨仔。冰梅骨（$118）：味道酸酸甜甜，幾開胃。骨嘅質量好，口感彈牙。炸芝麻流沙湯圓：芝麻餡好流心呀！正！不過大家食嘅時候要小心啲，哈哈.南瓜芋頭糖水：糖水煲嘅時間夠，材料入口即溶。味道清甜。呢度啲侍應服務態度好好，好有人情味。所以間唔中就會嚟幫襯吓。
繼續閱讀
朋友臨時相約吃晚飯，我們便選擇了雄館，幸好當日傍晚預約也可預留一張枱。到訪之前，先參考了其他食評，大致都是認為食物水準不錯，但服務態度有待改善。我哋到達之後，侍應們嘅態度出奇地友善，知道我們有小朋友特意開一壺水，同埋準備小朋友餐具，頓時感到很窩心。我們點子冰鎮鮑魚，燒BB鴿，黃金魚皮，冰梅骨，黃金蟹肉炒飯，小炒皇和一口反沙芋。冰鎮鮑魚真是鎮店之寶，微微嘅酒香，沾上芥辣豉油將鮑魚鮮味大爆發。BB鴿燒得香脆，用上荔枝柴火煙薰，每一口都很滋味。黃金蟹肉炒飯用料上乘，炒飯粒粒分明，每啖都有咸蛋黃的香味。小炒皇和冰梅骨不過不失。最後上菜的反沙芋加入葱頭，甜中帶有葱香，飽肚但不膩，十分好吃。
繼續閱讀
侍應態度真係要改善，食物好味侍應態度差都唔會再有下一次乳鴿👍，雞👍，荷葉飯可以，蠔仔粥正常味道，芥蘭完全唔掂，蠔仔雞蛋仔👎可以不試，唔記得名醬骨都👌整得好冧鹹蛋炸魚皮，呢一個就係侍應態度關鍵之一一來到上枱已經見到咁碎即時話咁碎，當時係有個侍應幫我哋cut 蠔仔雞蛋仔，不過侍應扮聽唔到，我再講先話問下，之後侍應回來答今批係咁枱枱都係咁，我即時話「吓我頭先見到隔離唔係咁喎」，我即刻話要退，等一下陣另外一個侍應過嚟講係咪唔要，即答係唔要，個侍應大大聲話「我哋自己食咗佢」，講真句我理你點處理，你哋連－聲唔好意思都冇，咁嘅服務態度真係要改善一下，訂位時亦都強調佢哋係私房菜有好多特色嘅食物問我要唔要定我勉為其難你話係私房菜先至訂呢一個蠔仔雞蛋仔餅，基本上佢啲特色菜唔係十分之好特色囉同埋價錢真係比較貴嘅
繼續閱讀
整體來講，野食係好有水準。但態度好差。侍應好串。首先，我都未坐定，佢已經係咁催落單，話有啲款係有限供應。我話我要等齊朋友，我另一個朋友到咗，佢又過嚟話如果要落單就快啲落，驚冇貨，我話要等埋朋友過嚟先。我哋一共有七個人。只係嚟咗兩個就吹落單。碟炸魚皮，得底個幾舊叫大小小，其他都同薯片一樣大小。咁我哋就同佢反映，個侍應冇理我哋，我哋再講多兩次，佢先至冇辦法理吓我哋，我哋要求取消，跟住就換咗一另一個侍應，過嚟好串話係咪唔要唔要？我地搭係，跟住佢話：唔要我留返俾自己食。態度勁差。其實我唔需要佢哋好殷勤嘅招待，我選擇留喺香港消費，代表我對你哋要求唔高，你木口木面係冇問題我預咗。但燶口燶面，講嘢寸嘴，扮聽唔到，就好難接受。雖然嘢係好食，但我以後都唔會再幫襯。生炸bb鴿，外皮脆得來肉汁好好保留，肉好嫩。黑醋骨肉好淋，醋汁調得剛好，醋味不會太重太搶。荔枝香煙燻雞外皮煙燻得好香，當然肉煮得剛好，不會嚡口。蠔仔雞蛋仔沒有驚喜，啫啫芥蘭煲完全冇鑊氣，冇咸香味，似就咁肉碎炒菜多啲。魚皮太碎沒有試，但就食咗一肚氣。還有荷葉飯，蠔仔粥都係唔錯。
繼續閱讀
雄館特式小廚是一家提供中國菜的餐廳，這裡的海鮮菜式尤其令人印象深刻，尤其是冰鎮鮑魚和椒鹽瀨尿蝦，讓人大開味蕾。餐廳的環境非常優雅，裝潢典雅，氣氛也非常舒適和放鬆。菜單上的選擇也非常豐富，除了中國菜的經典菜式外，還有各種海鮮菜式可以選擇，例如冰鎮鮑魚和椒鹽瀨尿蝦。我們點了一份招牌的炸乳鴿、蒸龍躉、以及冰鎮鮑魚和椒鹽瀨尿蝦。炸乳鴿外皮酥脆，肉質鮮美，口感豐富；蒸龍躉則是口感嫩滑，鮮味十足；冰鎮鮑魚鮮甜多汁，是一道非常開胃的菜式；而椒鹽瀨尿蝦則是炸得恰到好處，口感酥脆，味道十分美味。此外，他們的服務也非常好，服務員非常熱情友好，總是能夠及時地回答客人的問題，並且提供專業的建議和推薦。總體而言，雄館特式小廚是一家非常值得推薦的中國菜餐廳，他們的海鮮菜式尤其令人印象深刻，尤其是冰鎮鮑魚和椒鹽瀨尿蝦。如果你想要品嚐到道地的中國菜和新鮮美味的海鮮，不妨來這裡一試。
繼續閱讀