影片
港鐵荃灣站 A1 出口, 步行約5分鐘
繼續閱讀
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
相關文章
店舖貨品種類繁多而且價格親民，由港式麵包、手工曲奇、人氣敲敲生日蛋糕、甜品、零食甚至賀年食品(例如手工蛋卷、笑口棗、牛耳、角仔等）都一應俱全，一站式搞掂晒早餐下午茶零食同特別日子，夠曬方便。-🌕開心果麻糬QQ球 $18激推！麻糬QQ球質地真係冇得頂，煙煙韌韌好𡁻口，而且size較一般連鎖店大，唔會唔夠喉！面層塗上一層開心果醬之外仲沾有滿滿開心果碎，非常足料。🌕肉鬆怪獸波 $15另一大推！表層沾滿紫菜肉鬆，內層有拉絲芝士，麵包鬆化有咬口，配料鹹中帶甜唔會膩，沙律醬唔會太多，食落又唔乾﹐口味大眾化，連屋企老人家都話好食。🌗麻糬曲奇🍪 $58曲奇共有八種口味，分別為伯爵茶、焙茶、泰式奶茶、抹茶、開心果、特濃朱古力粒粒、朱古力榛子脆脆及芝士味,每盒有四件曲奇, 口味隨機。今次我試嘅係伯爵茶、開心果、朱古力榛子脆脆、芝士味，當中較為推介伯爵茶味，一打開就聞到撲鼻而來嘅伯爵茶味，食落口味清爽，唔會太濃太甜。麻糬曲奇最緊要嘅就麻糬！呢個麻糬夠曬軟糯，搣開嘅時候有拉絲效果，買完放左一日依然Keep 到！🌗朱古力麻糬布丁蛋糕 $48朱古力蛋糕味道稍甜，適合多人分享；布丁偏流質，切開時會流到蛋糕表面，令蛋糕更加濕潤，味道唔會太甜，如果想食較為挺身嘅布丁質感，可以考慮先放雪櫃待其凝固（未知是否成功，因為蛋糕瞬間清空）；麻糬份量較少，主要集中放中間部份，口感上同蛋糕唔太夾，不過麻糬沾滿布丁醬黎食係幾唔錯。🌖手工蛋卷 $55蛋卷每層較厚﹐質感偏向蛋撻嘅牛油皮，充滿牛油香同蛋香，味道簡單純粹。🌖焦糖爆谷🍿 $28內有蝴蝶型同蘑菇型爆谷，以蘑菇型為多，每粒爆谷都沾有焦糖，而且全部都充份爆開，唔見有未爆開硬磞磞嘅粟米粒~如果可以推出海鹽焦糖味，令味道嘅層次更豐富，相信會更加令人欲罷不能，一口接一口停唔到落黎。
繼續閱讀
行完「南豐中心 」，就順便穿埋過去行埋「荃錦中心」 ，途經呢間包餅店「Fresh Fresh Bakery」，見企滿人，就睇吓咩料，原來除主打好些麻糬波波之外，仲有好多聖誕產品，睇落唔貴，今晚又約咗屋企人食飯，咁就啱晒啦。先晌鋪面嘅凍櫃望望，擺放咗好多蛋糕、凍餅，賣相漂亮，更不乏慶祝聖誕嘅款式，非常吸引。而側邊就喺寫到明「做到抽筋」嘅手工曲奇，同樣又喺款式多，口味特別，有大盒裝，亦有小盒聖誕裝，啱晒當小禮物送俾人。其實晌外面都見到裡面人頭湧湧，都好難先等到人少啲影番幾張環境相，一次過影晒有咩產品俾大家參考吓。主打喺啲麻糬波波，口味眾多，佔擺放範圍最大，其次仲有好多個裝麵包、聖誕產品、戚風蛋糕、卷蛋、冬甩……等等，琳琅滿目。揀吓揀吓，結果揀咗兩大袋，樣樣都要啲，有曲奇，有冬甩，有麻糬波波，又有麵包，可謂滿載而歸！雜錦曲奇禮盒 $128呢一盒大大盒雜錦曲奇只賣$128，覺得抵，買嚟送俾老友當聖誕禮物真喺啱晒，或者開派對一齊共享亦喺好選擇。一共有9款口味，睇見都開心，包括腰果咖啡、抹茶杏仁、伯爵茶南瓜籽、朱古力杏仁、薑味杏仁、烏龍茶腰果、Oreo柯華田、手唧開心果、M&M朱古力豆，除味道各有特色之外，口感有啲喺鬆化嘅，有嘅喺脆口嘅，而且，甚富牛油香。聖誕派對焦糖爆谷 $28呢個唔使講，一定喺買嚟𠱁小朋友最好不過啦，小熊造型加埋冷帽，外型已經好搶鏡。偷偷試番粒，真喺幾得喎，一來卜卜脆好脆口，二來充滿焦糖香。聖誕曲奇 $28 細細盒聖誕老人外形，又喺啱晒送俾小朋友，而呢個喺一盒有5塊色彩繽紛嘅曲奇，各有不同造型，聖誕樹呀，雪花呀，雪人呀……等等，非常可愛，脆口少甜，其實，味道都變得其次。聖誕迷你蛋糕仔冬甩 $50 / 5個大包圍人人都有份收禮物，迷你冬甩仔就喺絕佳之選，一來每個獨立包裝，更易分開送俾人，二來個包裝完全喺聖誕樣，更具氣氛，原來$12/個，$50/5個，當日促銷仲有買5送1。每個冬甩仔嘅味道同賣相都唔同架，又加咗好多裝飾上面，口感亦唔錯喎，微微濕潤唔會太乾，又帶點煙韌口感。開心果麻糬QQ $18除咗當聖誕禮物，亦揀啲自己食，開心果口味嘅嘢，喺老婆嘅至愛，買番去當下午茶。烘焗番，包身更加軟熟，而面頭嘅開心果仁更香口，味道突出，開心果仁底下嘅麻糬果然QQ。拉絲芝士波波 $25另外，因為見到佢哋主打麻糬波波，亦試咗好幾款，不過，揀嘅時候無為意，呢個芝士無麻嘅，不過翻熱番，裡面嘅芝士溶透一樣好拉絲，仲混有粒粒芝士粒，芝士味極之香濃，好食。南瓜麻糬波波 $25 呢個南瓜波波就有麻糬喇，而且，好足料，南瓜蓉又多又清甜，麻糬亦多，煙煙韌韌，加上包身好軟綿綿，烘番熱真喺超好食。抹茶紅豆麻糬波波 $25抹茶、紅豆喺另一組唔好錯過嘅組合，包身加入抹茶，咬落確喺有淡淡抹茶香，而裡面有超多紅豆蓉，清甜軟滑，跟煙韌QQ嘅麻糬都好夾喎。裸麥合桃提子歐軟包 $21 揀呢個就專登作為第二日嘅早餐，包心睇落唔算話有好多提子及合桃，然而，咬落好有煙韌口感，包心密度高，所以，唔似港式或日式包咁，行鬆軟路線，一陣風咁就食完，沖泡杯咖啡，食佢幾片，當一頓早餐啦。 今次一口氣試咗店家多款產品，除咗大個裝蛋糕之外，都算喺試得全面，整體而言，包餅都做得出色。
繼續閱讀
話說因為屋企有幾日都唔會煮飯食🥹所以就買咗一大堆麵包翻去充飢幾日😂😂係荃灣行街見到Fresh Fresh麵包舖😮心諗點解咁熟口面先記得原來好耐之前佢係喺南豐中心入面 喺南豐中心舖嘅時候我都已經好鍾意佢哋嘅蛋糕同麵包😋 之後見到冇咗間舖都喺度諗緊點解會無咗㗎🥹俾我發現咗原來佢唔係冇咗係搬咗去荃錦中心😮見到勁開心即刻掃咗勁多麵包翻屋企充飢😂所以呢幾日比麵包包圍着咗😂😂之前妹妹食過佢嘅麻糬波波話好好食即刻試吓 介紹幾個我食過覺得好食嘅俾大家🤣📌開心果麻糬QQ球妹妹冇介紹錯真係好好食喎🤤因為我本身都好鍾意食啲煙煙韌韌嘅嘢🤤呢個麻糬QQ球真係勁鐘意🥹佢size仲要係大大粒👍🏻麻糬球上面除咗有一層開心果醬之外仲滿滿嘅開心果碎，食落去真係勁滿足又唔會太甜🤤🧀🧀🧀🧀+0.5📌 肉鬆怪獸波呢款都好好味呀！個怪獸波面頭滿滿嘅紫菜肉鬆，入面仲有芝士餡🥹🥹 本身驚咁多肉鬆會食太乾，但因為佢面頭有啲沙律醬所以食落啱啱🤤 就算佢俾咗好多配料 但食落唔會太膩太鹹，個個食完都話好食🤤🧀🧀🧀🧀+0.5📌 隕石髒髒包朱古力控嘅我見到面頭鋪滿晒朱古力醬和朱古力波波碎，已經決定要買食佢😂雖然食到隻手污糟晒😂 但係鍾意食朱古力嘅真係要試吓🤤🧀🧀🧀🧀+0.5📌開心果同榛子糯米糍佢嘅糯米糍都好好食🤤 榛子糯米糍入面有勁多榛子粒，食落味道好似金莎咁，開心果糯米糍入邊好多開心果碎，而且糯米皮唔會厚，食落口真係啖啖都係餡，同埋唔會太甜👍🏻🧀🧀🧀🧀📍 荃錦中心2樓186-187號舖#食乜cheese #香港美食 #香港旅遊 #荃灣美食 #美食 #飲品 #甜品 #麵包 #hkfoodies #香港好去處 #港女 #打卡 #港女日常 #照騙 #荃灣必食 #餐廳 #荃灣好去處 #荃灣美食地圖
繼續閱讀
呢間係烘焙店 - FRESH FRESH簡品堂，FRESH FRESH嘅麻糬波波同蛋糕就最出名😍而且價錢仲好親民添，所以每次經過都會見到舖頭裏面人來人往，舖頭裏面有好多唔同類型嘅麻糬、曲奇、蛋捲同蛋糕等等⋯最後我自己都喺裏面買咗好多唔同嘅產品拎返屋企慢慢品嚐🤩✨新推出朱古力麻糬QQ球呢個朱古力麻糬QQ球係新推出嫁！麻糬口感彈牙且帶點煙韌，食到一半見到QQ球入面帶有空氣感，不過配埋Oreo一齊食都幾match😜✨新推出帝王口味蛋卷呢個係新推出嘅帝王蛋卷，有宇治抹茶同香濃咖啡嘅味道選擇，作為抹茶控，當然要揀返宇治抹茶口味啦！蛋卷食落好鬆脆，食完仲食有陣抹茶嘅茶香，蛋香味同抹茶味唔會互相蓋過😉🍪曲奇餅禮盒一打開個盒見到咁色彩繽紛，令到胃口大增呀！仲有多樣性嘅口味，如士多啤梨心心、朱古力、斑斕、手唧開心果、手唧牛油、手唧咖啡、Oreo曲奇、開心果南瓜籽同朱古力粒粒！曲奇食落口感鬆脆，每一塊曲奇都賣相精緻且味道好食😋✨隕石髒髒包呢個髒髒包好似一粒隕石咁，麵包表面面部滿咗濃郁嘅朱古力脆脆同碎粒，食落口感豐富！✨超軟熟糯米糍糯米糍揀咗榛子脆脆同開心果口味，啲糯米糍超級軟熟，用刀叉切開一半之後，而且糯米糍皮薄餡多，食完2粒都唔會覺得好漏😜✨港式絲襪奶茶呢個奶茶樽仔好的骰，洗乾淨仲可以循環再用添，夠哂環保♻️奶茶口感香濃順滑，帶有微微嘅甜味，飲完之後心情特別好😆✨海苔味爆谷呢個爆谷係用熊仔樽裝住，感覺好趣緻！每一粒爆谷都沾有海苔粉，而且每粒爆谷都爆到有唔同嘅形狀，例如蝴蝶形或者蘑菇形！佢味道層次都幾豐富，唔覺唔覺就食晒成樽😝✨朱古力麻糬包一袋裏面會有五粒麻糬包，每粒麻糬包都好大舊添呀！個包中間有啲朱古力醬同麻糬，朱古力又唔會好甜，比我發現原來叮熱食仲好味😋✨朱古力慕絲西餅濃郁嘅朱古力配埋慕絲整出嚟嘅蛋糕特別好食！每一啖都都可唔可以食到滑溜嘅慕絲同酥脆嘅餅乾，口感層次變得豐富，而且面頭仲有一舊brownie、星形朱古力餅乾、粉色兔仔餅乾同Oreo百力滋做點綴，令蛋糕望落去賣相好靚😌✨開心果芝士西餅本身都鍾意食開心果味道嘅甜品，食落口巳經有好濃郁嘅芝士散發出嚟，仲有開心果嘅果香味添，而且芝士蛋糕食落口感好順滑，又唔會好甜，一個字「正」呀😎
繼續閱讀
在荃灣荃錦中心行行下，令人驚喜地發現一家Fresh Fresh Bakery麵包店。這家店不但麵包蛋糕品種繁多、美味可口，而且價格實惠，所以真是好多人排長龍購買！進入麵包蛋糕店的時候，立刻被甜美的香氣包圍著。店內陳列著各種誘人的糕點和甜點，讓人難以抗拒。曲奇餅禮盒曲奇餅口感酥脆，口味多樣，色彩繽紛，包括巧克力、草莓味、紫薯味、咖啡味和奶油味，每一塊都經過精心製作，是送禮或享受茶點的絕佳選擇！隕石髒髒包表面灑滿了濃郁的朱古力醬和朱古力波波，讓人看起來食指大動！糯米糍有各種各樣的口味:開心果，紅豆，芒果和榛子脆脆肉鬆怪獸波鋪滿紫菜肉鬆，中間是濃郁拉絲芝士➕QQ彈的麻薯波波。另外仲有含豐富營養的紫薯麻薯波波！新推出帝王蛋卷有宇治抹茶蛋卷和香濃咖啡蛋卷，非常酥脆！港式絲滑奶茶香濃順滑，口感細膩，帶有微微甜味，喝了心情真是好！麼也口味的西餅都有，而且每一塊都是芝士奶油多層夾心組合，最上面都有好cute 動物餅幹和新鮮水果，再加上順滑細膩的奶油真是讓人垂涎欲滴！
繼續閱讀
您可能會有興趣的...