185
22
11
港鐵尖沙咀/尖東站 P3 出口, 步行約4分鐘
繼續閱讀
電話號碼
34269960
開飯介紹
每天從日本空運新鮮海魚，以精美刺身、壽司及和食著稱的居酒屋「八海山」，除了食物講求品質外，亦因為店內環境以家庭料理店的佈局令人感覺十分親切和舒適，有如置身在自己家中一樣，所以此餐廳為日本人最喜愛的食府之一，8成以上更是日本客。
繼續閱讀
特色
適合大夥人
飲o野傾計
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關餐廳
有關獎賞計劃
招牌菜
食家推介
幾次經過八海山，都未有機會試，網上看到，話說由日本人經營，朋友放工約食飯，由於趕住上堂，近近哋，於是過來湊熱鬧⋯⋯未夠七點到來，未算多食客。一行三人，店員立即送上前菜漬物: 帶子群邊，竟然唔似一般要勁有𡁻頭，相信是處理過，筆者頗為歡喜。明太子蛋捲~味道比筆者想像中冇咁咸，略嫌蛋過熟。串燒~雞肝、雞軟骨、牛舌、大葱:大家都對以上很滿意，燒得剛剛好，筆者當晚最愛雞肝串燒。天婦羅魷魚絲~下酒小吃必點之選，魷魚絲帶點點甜味，會吃完一條又一條，筆者當晚很喜歡，係啤酒的好朋友。自家製忌廉薯餅$78~熱騰騰的忌廉可樂餅，creamy 正！壽司一款有六件，當晚點了鰻魚壽司及加州卷，中規中矩。湯烏冬~酒後完美的句號。由於趕住上堂，幸好當晚未算多食客，所以在短短的個半鐘飯局，也傾得很開心𣈱快。
繼續閱讀
以為Covid 後都吾執嘅餐廳都係有實力，咁就太天真，昨晚想食啤酒串燒咁啦⋯⋯就入咗呢間老字號（1）酒盜芝士一個前菜嘅小碟收$75 佢都幾識做生意(2)明太子蛋卷從未響日本餐廳度食過只有兩摺嘅蛋卷（3）什錦天婦羅之前2碟到咗之後嘅都冇乜期待果然個炸粉唔得（中式炸粉？）（4）串燒雞翼，牛舌牛舌系最好食因為落咗好多黑椒雞翼系瘦及冇乜調味啤酒X2杯$6xx 埋單你唔信就自己去試吓啦笨x做一次日本人至愛？他們喜歡食垃圾嗎？點解食評咁多good comment ????
繼續閱讀
樣樣都好味，日本家庭的味道。牛腸鍋係食過咁多間日本野最好食！雖然同係日本食既味道係有少少分別，但呢個感覺係好家庭既味，足料又好食～非常好的體驗。魚生好食好新鮮，洋蔥沙律好新奇。明太子蛋捲都好好食😋
繼續閱讀
前排同朋友去慶祝，當然要搵間高質餐廳黎食好西啦～朋友之前都食過話好高質，所以我都好期待😍原來八海山已經系老字號，平時亦都吸引吾少日本人黎食，咁一定信心保證啦👍🏻嗌左D 刺身、壽司🍣食物相當新鮮，海膽一啲苦澀味都冇，十分鮮甜😍刺身沙律，估吾到會有咁多刺身😍沙律汁酸酸味味，好開胃！帶子牛油燒，帆立貝系jumbo size 咁大粒😋 口感非常飽滿，好肥美！明太子露荀炒飯，呢個系朋友之前食過推薦的，果然炒到粒粒分明，十分乾身👍🏻佐酒小食，嗌左魷魚絲天婦羅&雞泡魚乾，OMG 個魷魚絲好食到我停吾到口🤣一口接一口，炸到好香口💯
繼續閱讀
新年食左咁多糕糕糕，同朋友食開年飯就專登揀左日本菜食。雖則係新年，但陸續都見有唔少人入座，座位舒適闊落，好有日式家庭料理店既feel~佢既燈光則比較暗，考你影相技巧呢XD坐低先叫左個2人份量既特上刺身盛再慢慢揀其他野~拼盤有海膽、帶子、赤身、三文魚、甜蝦、八爪魚同埋油甘魚，各款刺身都相當唔錯，新鮮肥美，海膽亦好新鮮完全無臭味，食完胃口大開即刻想試其他熟食！由於佢既menu實在係包羅萬有太多選擇，仲有個廚師推薦menu及店長推介時令刺身，2個人咩都想試哈哈，建議約多啲朋友一齊食就會大滿足。明太子玉子燒-玉子燒係薄身既，熱辣辣食最好味，又唔會太飽塞住個胃食唔到其他野。明太子味道相對較淡，唔會搶左玉子既蛋香，讚~串燒-分別叩左燒牛舌、燒豚肉同埋雞肉丸子。最值得一讚係燒豚肉，五花腩燒到外脆內軟，但又唔會覺得肥膩，令人想食完一舊一又舊呢~關東煮-最懷念既日本味道之一！佢既2人份量關東煮都好大份呢，味道清甜，食物又唔會煮到太淋無哂口感，3-4個人食也不為過哈哈~牛肉薯餅-本人係十分鍾意食牛肉薯餅既人，呢個100分！外面鬆脆又唔會話食落好吉口，裡面雖然係薯蓉但又不失口感，真係可以食好多好多~壽喜燒牛肉鍋-正當食到已經7,8分飽之際，發覺原來叫左個牛肉鍋XD 店員好好，見我地張枱無位擺專登遲啲先上個鍋。牛肉份量不少，而且配埋生雞蛋，呢個簡直係食壽喜燒既精髓！成個湯底唔會死咸死甜，味道適中，就算已經8分飽就可以食得落。成餐飯最後可以食個熱鍋真係perfect!
繼續閱讀