205
8
2
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
優惠
88折
【中西區】$100 通用現金劵 **無限兌換**
$88
$100
食家推介
穿過喧鬧嘅蘭桂坊，於雲咸街樓梯旁有間日式定食的餐廳，有別於樓下蘭桂坊的熱鬧，這裡較寧靜舒服，適合三兩知己進餐，小酌數杯 。RevTime分上下兩層，下層窗台旁有數個座位，一進門會見到醒目的「見字飲水」四個大字，牆上掛滿不同的企鵝相架及公仔，十分可愛 。步進樓上則會見到一大幅富士山嘅壁畫 。餐廳主打日式定食同輕食、甜品，另有豐富嘅茶飲、咖啡、可可等以至不同酒類，滿足不同人的需要。定食配有沙律、關東煮、溫泉蛋同麻醬烏冬。澳洲和牛漢堡定食，漢堡扒上配上大塊芝士同荷包蛋，牛味比想像中更濃郁突出，連蛋漿食十分Juicy。日式燒鰻魚定食，燒鰻魚肥美厚肉，配上惹味燒汁，很快就消滅整條燒鰻魚 。關東煮中有大根、油揚豆腐及芋絲，湯汁味濃但不死鹹，配料亦吸收了湯汁十分入味 。按店員建議，將溫泉蛋混進麻醬烏冬中，滑溜非常 。特盈玉子燒，即玉子燒再加上松露醬及芝士，口感實在，份量亦不惹少 。RevTime有自家Signature的雞尾油，部分配有一首詩，可見店主的心思 。👦🏻 叫咗一杯Yuzu Blossom，用上雪凍嘅酒杯盛裝，入口先是甜甜的蜜糖同柚子味，繼而滲出Vodka的後勁，頗為清爽 。而 👧🏽 就點了一杯特飲「花落」，櫻花加荔枝，淺嘗下荔枝味突出，不會太甜，較適合女仔口味 。甜品當然不能少，培茶巴斯克蛋糕，培茶味重，但略為硬身，芝士味亦不太出，size亦較迷你 。有別於平日嘅寧靜，店主表示週末會較多人以酒會友，較平日熱鬧，會有不同的體驗呢 。
繼續閱讀
朋友💁🏻♀️好鍾意瓹窿瓹罅搵嘢食😂，呢日同佢💁🏻♀️喺荷李活道一路行去雲咸街，佢💁🏻♀️望到呢間，走去門口再望吓，話不如試吓，咁我梗係同朋友💁🏻♀️一齊發揮探索精神啦🤣我見到餐廳中文名字，即刻諗起 Christopher Nolan 嗰套電影🎬 Tenet 👍🤩$168「澳洲和牛漢堡定食 Australia Wagyu Hamburger Steak」同埋都係 $168「香煎三文魚定食 Salmon Steak Set」「澳洲和牛漢堡」相當有牛味，仲幾juicy，漢堡扒上邊有一片溶溶哋嘅芝士🧀，仲有一隻太陽蛋🍳，真係幾好味喎🤣「香煎三文魚」煎得幾香口，三文魚肉質都算滑🤣「定食」包「沙律🥗」，簡簡單單🤣仲有一小碗類似 oden，有一嚿白蘿蔔、一件aburaage あぶらあげ、仲有芋絲，全部都幾好味🤣又有一小碗烏冬，店員妹妹話將太陽蛋同芝麻醬加落去撈埋嚟食，咁樣食法都幾得意🤣
繼續閱讀
如果時光可以逆流，你最想回到人生中既邊段時光？我最想回到細細個無憂無慮，日日不知好歹咁夢想住自己快啲長大既時候。個時只要可以睇住日劇，飲住媽媽沖既棉花糖朱古力，簡簡單單就可以開心－整日🤣早排行過中環個邊，無意中見到－間樓高兩層，裝修風格以白、木、綠三種色調為主既日系文青cafe; 坐喺一樓窗邊位置飲杯嘢談吓心，真係好有細個個時好中意睇個套日劇《夏雪》既感覺🌅加上佢個名同飲品亦都好有意思，所以我地決定入去試吓😌我地食左：👉🏻✨香煎三文魚定食✨ $168香煎三文魚有我成隻手掌咁大🤣夠哂大塊，魚皮脆脆，魚肉鮮嫩，油脂仲好豐富；上面仲放左好多我最愛既木魚碎😍油潤既三文魚配上木魚碎獨有既鮮香，即時變到油而不膩👍🏻鮮上加鮮👍🏻✨頂級牛肉漢堡定食✨ $158牛肉漢堡睇落好厚身，上面仲放左個煎得好靚既太陽蛋，－切落去個下d蛋汁同肉汁－齊爆哂出嚟，真係望到都流晒口水🤤咬落去唔會好死實，食落牛肉味仲好濃，啖啖肉真係好滿足😌Ps. 每款定食入面都會包含沙律、溫泉蛋、讚岐烏冬、關東煮🍢、胡麻醬，－定唔會食唔飽其中關東煮湯底濃郁，入面d芋絲、白蘿蔔同腐皮，全部煮到好夠火侯入哂味，真係暖胃到不得了👏飲品叫左：👉🏻✨回到現在的魔法✨ $58呢杯特飲系－杯含有秘魯人參、肉桂、丁香 、海鹽🧂既特制熱朱古力🍫；味道香濃但又唔會甜到漏，質地棉密幼滑，好有質感👍🏻上面仲放左－舊好大粒既棉花糖，個樣真好啱打卡🤣－入口，童年回憶即時番哂梨，對我梨講，佢應該叫做回到過去的魔法會更加貼切🤣✨焦陽✨ $68呢杯特飲系用熱情果同焦糖燉蛋調配出梨；焦糖燉蛋我就食得多，飲都係第一次🤣呢杯野飲落焦糖味會比較出，甜度適中，味道特別得梨又幾好飲👍🏻呢間Cafe啲飲品名全部都好有創意同風格，引起左我強烈嘅好奇心🤓搞到我全部都想試吓，今次我試左個2款都係好好飲的👍🏻下次等我叫多幾個朋友，試埋我今次未試到個d先😝🌅時光逆流Revtime📍中環雲咸街41號文靜大廈低層港鐵中環站D2出口,步行約5分鐘;蘭桂坊石牆上方
繼續閱讀
🫶🏻今日行過蘭桂坊，見到有條天橋可以行上雲咸街，係文靜大廈旁邊樓梯一落就有間好chill嘅咖啡店—時光逆流。餐廳分咗兩層，地下有兩個吧枱位，上面都有多個位置。樓上位置雖然少，但都可以容納多個客人。牆紙貼得好靚，亦掛上幾張漫畫相片。最特別係佢個時鐘係停止嘅。♦️日式大阪燒即點即製，分量十足成個碟咁大，上面有啲木魚片。大阪燒內夾有煙肉同超多菜菜，鹹鹹地好味😋好健康。🍴日式餃子定食—沙律🥗、日式餃子配酸菜、蛋、關東煮🍢、烏冬拌胡麻醬定食嘅擺盤非常精緻，亦都有多款食物，啱晒心大心細嘅我。日式餃子煎至脆皮，肉質嫩滑好好食。特別為係唔點醬油配酸菜食，口感特別。☕️［招牌咖啡］天使咖啡（士多啤梨味）咖啡幾靚，中間一團厚身既白色泡外圈係啡色，見到已經好放鬆。士多啤梨甜甜哋，飲落幾好味，很適合女士。🍵［招牌飲品］🍸忘憂的治愈術（薰衣草/薑黃）個名超霸氣，但係我一睇到呢幾款特別飲品就一定會係揀呢一款。最近都有啲煩惱，希望飲完呢一杯可以解憂啦！🥲有幾粒薰衣草粒係飲品表面令整杯飲品有香味，亦加咗薑黃粉令飲品提升味道。特別係有一粒非常大嘅棉花糖係面配上醬，未飲已經覺得好治癒❤️🩹🍰經典蘋果撻—即焗好好味，個人認為比外面餐廳做得更好！
繼續閱讀
今日喺中環行過，見到呢間餐廳入邊裝修好有日本感覺，仲有一條樓梯上上層，忍唔住上去望一望。大約五點半左右行入去食一個early dinner。（最鐘意食early dinner, 可以包一陣場😙)⭐️ 澳洲和牛芝士定食牛味非常濃郁，煎得幾香口，上面仲鋪左隻流心蛋，下面一塊芝士，一定夾嘅配搭✨ 食完有滿足感。溫泉蛋胡麻醬撈烏冬，烏冬幾煙韌，配上溫泉蛋，質感好滑。⭐️玉子燒玉子燒配上濃郁嘅芝士加郁郁下嘅木魚，好惹味。⭐️焙茶巴斯克芝士蛋糕芝士蛋糕焙茶味非常突出，好香濃，同埋佢嘅賣相好靚呀🤣好鐘意。⭐️魔法可可魔法可可，玫瑰🌹味，濃郁嘅朱古力味配上軟滑嘅棉花糖，美觀又好飲！呢個場，想下次約埋一班朋友一齊黎🤭好舒適好啱傾計。
繼續閱讀