10
5
3
港鐵灣仔站 A2 出口, 步行約7分鐘
繼續閱讀
營業時間
星期一至四
11:00 - 22:00
星期五至六
11:00 - 22:30
星期日
11:00 - 22:00
公眾假期
11:00 - 22:30
以上資料只供參考, 請與餐廳確認詳情
原本想要杯飽肚啲嘅芋頭飲品，不過又再次被甘蔗汁所吸引，最後就變成嗌甘蔗青茶。為咗可以有嘢食，就試吓加綠茶凍。職員好好，會問需唔需要少糖少冰，方便無記性嘅人唔使又要錯甜度同冰度。甘蔗本身就有甜味，所以轉少糖都好緊要。甘蔗解津，青茶解膩，兩者意想不到咁夾。綠茶凍唔同普通啫喱，帶有少韌度，即使吸嚟飲都方便，唔會全部碎晒喺杯底而食唔到。食落似係蜂蜜綠茶味，比想像中好食。
繼續閱讀
其實我本身份人就少飲水果茶嘅😂唔係唔鍾意🍎純粹窮起上嚟想飲野都會揀左奶茶先咁解🧋咁呢舊蛋糕就令我深深咁明白到😂有時水果茶唔一定係水果茶鋪嘅本體😂😂😂🐓🍳🎂冇錯佢個名就係叫雞蛋糕🎂🍳🐔簡單易明😂其實佢仲有個【古早味(adj.)】入口外殼脆，內涵軟，甜度適中，唔乾，唔鞋口，一口接一口，份量啱啱好，就係咁簡單🤓有時comfort food唔洗大菜又貴又咩咁，簡簡單單，就係咁簡單😂肥仔指數：🐒🐒🐒🐒/5🐒滿分#foodiehk #comfortfood #黃色經濟圈 #美食家 #肥仔覓食 #食物 #hongkong #水果茶 #hkig #Instagram #黃店 #食評 #香港 #香港人 #hker #hkfoodie #delicious #foodblogger #bubbletea #珍珠奶茶 #一芳 #一芳水果茶 #雞蛋糕 #bubbletealover #bubbleteatime #古早味 #生酮 #traditionalcake #台式飲品 #台灣
繼續閱讀
其實今次都唔係第一次飲，之前都飲過一次。話說兩次我同朋友都係星期六晚去到，兩次都係同一個男店員喺度做野，嗰位男店員係瘦瘦地戴眼鏡同好似係少少長髮，兩次佢既態度都十分之差，唔知係咪阻住佢玩電話啦, 佢同我地講野唔望住同對住我地，打側曬個人同我地成90度角喱啲都算，已經隔住塊膠板，間野又喺大馬路隔離，佢講野又要細聲語氣又差，西口西面，最後仲要冇覆單，就咁講三個字仲有冇就算，最尾我朋友要少甜都冇少到，杯野飲甜到傻。最後我想講既係，男店員，唔想做既quit一芳囉，喺屋企任你hea啦，想hea幾耐都得，三十零蚊杯野飲唔係話好貴，但係基本野都要俾到人囉，尊重人尊重自己啦。
繼續閱讀
有日覺得好攰，所以想食熱氣邪惡嘢，路過一芳決定買杯嘢飲減輕熱氣邪惡感，見到呢杯寒天冬瓜露，一拎上手咁多一點點白色嘅？店員解釋因為佢地用鮮檸檬露，個啲係檸檬碎。飲一啖，果然大快人心，暑氣全消（雖然中秋已過，但天氣仲係三十幾度真係好熱），一芳嘅寒天冬瓜露，檸檬同冬瓜嘅比例好好，寒天QQ，又有自身甜度好味！係我飲過最好飲嘅寒天冬瓜露，沒有之一！有日飲完飯，係屋企開完罐裝嘅冬瓜茶，飲咗兩啖，硬係覺得爭啲，所以都係忍唔住落咗街再買嚟飲😆飲一啖，啊～爽呀，就係呢種檸檬嘅清爽啦～
繼續閱讀
好耐無飲過一芳，經過就一於再試下。因為本人對「芋頭」同埋「奶綠」一直都好愛好，所以考慮左一陣就決定揀呢杯「芋頭鮮奶綠」。芋泥都算芋頭味香濃，芋頭亦有d一粒粒咁，幾有咬口，牛奶味亦算重，感覺唔係奶精開出黎，但綠茶味略嫌唔太夠，不過總括黎講杯野飲都算幾ok，但$40呢個價錢都幾貴，性價比不高，如果可以平d會好d。
繼續閱讀