5
5
0
港鐵荃灣站 A3 出口, 步行約13分鐘
繼續閱讀
營業時間
星期一至六
07:00 - 21:00
星期日
全日休息
以上資料只供參考, 請與餐廳確認詳情
荃灣呢間‘甜心美食’聽個名仲以為係食甜品🍮點知原來係一間茶餐廳，跟🤴🏻食過幾次，特別深印象係居然有3餸飯食，茶餐廳比較少有，更特別係只要$40！送豆漿、汽水都係加～～$2～～🤣，比着其他餐廳最少加$5！超市都買唔到！但今次試下佢嘅生滾湯飯，自選3款肉類+1款菜都係$43+紅豆冰$3😁！洗唔洗平成咁呀😂揀完配料等左5-10分鐘侍應送上湯飯，讚👍🏻嘅係菜量十分之多一d都唔孤寒，湯汁完全帶出菜嘅鮮甜味，肉就各有2-3片！食得出冇加味精似食緊屋企飯，食飯都變得健康左💪🏻💪🏻
繼續閱讀
晚上時分，同家人隨便落街食個飯，經過香車街街市見到好多大排檔喺度打冷， 打冷對我地來講只得兩個人未必太適合，對面就係一間茶餐廳，當時大約晚上9點左右，餐廳入邊都充滿人，荃灣這地方，真是越夜越精彩，入到去望一望發現有好多不同嘅東西可以食，例如：小菜，燒味，兩送飯，粉麵及扒餐都有得食，估唔到小小店竟有咁多元化，我跟家人各叫一個餸，西檸雞，時菜炒牛肉，跟兩碗白飯及兩碗例湯，共$94，仲有一樣比較深刻嘅嘢就係，係我過往嘅經驗，茶餐廳夥計都無咩服務可言，但依間茶記竟然令我刮目相看，態度非常好，總結嚟講：夜晚無乜所謂是自己一個都可以嚟食
繼續閱讀
一個2餸飯$32, 3餸飯就$35, 包埋飲品。好抵食，今次叫左菜心，青瓜，咕嚕肉，百事。味道唔錯，感覺少味精，絕對值回票價。平日上堂貪佢夠快又夠近又平都會食呢間。加上我想食到多 d 種類既菜式，菜同肉同飯@@其他長肆好難滿足到，唔係貴就多味精。而且入面仲有好多唔同既菜式，米線冬烏都有。中式同日式既飯都有的，重點係抵食！員工做野好爽手好快，人唔算好多，好易搵到位，但收工時間就要搭檯。之前 lunch time 黎食，直頭搵唔到位，最後要外賣。真係抵食之選！
繼續閱讀
食咩好呀？呢句同「有野交未呀？」於返工時聽到既次數係相同的。如果價錢ok又款式多，真係唔介意日日lunch都食同一間。上次試左小菜，今次就試下生滾湯飯啦，連埋野飲(特別飲品要加錢)都係38蚊。Choose Life. Choose a job. Choose a career. Choose a family....每次面臨選擇腦中都會浮現迷幻列車既經典對白，而呢個生滾湯飯好唔好食，完全取決於如何選擇配搭。食過幾次之下，都有d攻略可以同大家分享：揀咩都好，加左西洋菜個湯一定會好甜！而今次既配搭係：西洋菜，魚皮餃，豆腐同雞，個湯真係無敵咁好味！大家不妨參考下呢個揀法
繼續閱讀
約左朋友附近打波, 都係食個早餐先過去. 街坊鋪甜心係首選, 朝早係好多返工人食, 可能夠平. 醒神都要飲杯奶茶提提神, 杯身較細, 所以份量唔算多, 而且用呢D杯無咁存熱, 奶茶都係用"啞"杯較好. 茶味都幾濃, 唔太奶.腿通有鮑魚絲, 通粉軟腍度適中, 火腿絲等都份量幾足, 湯底夠味唔咸唔淡.仲有火腿奄列, 不過奄列整定既, 因為凍既. 火腿唔多, 不過煎蛋都幾大隻.
繼續閱讀