影片
開飯介紹
地處沙田科學園的臨海地段，以獨特的歐陸佳餚呈獻給喜愛美食的人。到朗廚坊除了享用美食，更欣賞藍天碧海的美景，為進餐平添悠閒和寫意。
繼續閱讀
附加資料
無肉餐單詳情: 每天供應少量素食菜式
營業時間
星期一至日
11:00 - 22:00
以上資料只供參考, 請與餐廳確認詳情
食家推介
招牌菜
Rons kitchen 同時叫 I-cuisine(愛海軒）一啲都唔好食食物質數基本上就同超市買嘅冷藏食品加熱一樣完全無心思技巧可言肉醬意粉 衰過大家樂Pizza 硬過石頭西多士 無味炸到膠袋咁總之 去的話自求多福基本上科學園佢唔算貴一分錢一分貨 唔好食環境係好 踏開單車嘅係海旁幾方便不過一定唔值得係開車搵佢食服務尚可以啦 坐出便基本上叫天不應埋單就好快食物經已唔好食仲要等勁耐半個鐘問服務員被回答等下啦 勁串 中晒伏 失敗
繼續閱讀
今日又尼科學園hea下，揀左衣間係海邊既餐廳食lunch,平日午餐時段都幾多人，不過唔洗等位。午餐選擇幾多，又有牛扒，豬扒，fish and chips,又有burger意粉湯麵，岩晒同朋友尼大家揀自己想食既野我叫左北歐烤脆豬肉，其實係燒腩仔，好似食緊放大版燒肉咁，好得意，不過就怕肥豬肉既就咁好揀啦配菜有薯菜，意粉同飯揀，我揀左薯菜，中意佢真係比薯仔，唔係薯條，不過薯仔同菜份量唔多，想食飯d建議叫就飯或意粉，個肉配左白汁，唔驚太乾
繼續閱讀
科學園沿海有多間餐廳，但我每次經過也發現這餐廳是較多食客的。餐廳室內部分有冷氣，炎熱天氣時人較多，而室外部分算是賣點之一，食客可面對著無敵大海用餐而不需額外收費，感覺如置身外國般享受生活，單車客也可直接把單車泊左坐位旁。食物方面相當有水準，牛肋條羅宋湯烏冬，湯底非常足料，番茄味道濃，牛肋條也有數條，烏冬彈牙，整碗麵食有95分，值得推介一下。而我也留意到附近的食客，通常也點了炸雞髀薯條，賣相也不錯的，雞髀偏大只配粗薯條，我也想試試，但怕太熱氣，還是留給年輕人吧！
繼續閱讀
趁着假日去科學園享受下陽光同新鮮嘅空氣, 由於前一晚臨時決定, 見呢間餐廳可以OpenRice訂座就一於試下。龍蝦汁燴海鮮意粉($85): 整頓午餐最高水準嘅主菜, 絕對可以話香港平民餐廳嚟講數一數二有水準嘅意粉。首先, 海鮮份量絕對唔孤寒, 有齊青口、蝦、墨魚仔、蜆肉、帶子粒! 另外, 意粉烹調時間控制得好好, 做到al dente效果之餘, 掛汁能力亦好高。漢堡包薯條($85): 雖然賣相唔係特別吸引, 即炸薯條熱辣辣, 最啱小朋友, 漢堡扒亦juicy。朋友叫嘅其他主菜質素都好高, 絕對會再嚟科學園回味一下。
繼續閱讀
睇到個標題就知呢間餐廳係位於海邊🌊，坐喺露天位就可以吐露港景色，有啲海風吹住，好寫意咁。🌬室內嘅環境亦都好舒服，絕對唔會好逼，餐廳裝修簡潔，有落地玻璃，就算喺室內都可以睇到出面嘅景色。喺日頭仲有啲陽光曬入嚟☀️，好舒服！😚餐廳環境就100分喇，食物嘅質素絕對唔差。由於每次都係食lunch...每次可以點嘅食物有限，所以我特意食多幾次，試多啲唔同嘅菜色再打呢篇食評。🌟（評分：5⭐️為最高）龍蝦汁燴海鮮意粉（評分：⭐️⭐️⭐️）意粉嚟講，呢個就真係冇乜特別嘅。海鮮亦唔會有冰鮮味，青口亦冇沙。份量適中，唔會太少。炭燒肉眼扒配意粉(黑椒汁)（評分：⭐️⭐️⭐️⭐️）肉眼扒係成個lunch menu最貴嘅一款，承惠$138咁當然要試試啦。同普通扒房一樣，肉眼扒可以揀幾多成熟。我今次就揀左5成熟，肉眼肉質唔錯，不過有啲筋位就比較韌，切唔開又咬唔爛。意粉不過不失，正常烚意粉。黑椒汁唔會太辣。👍🏽炭燒肉眼扒配薯條(黑椒汁)（評分：⭐️⭐️⭐️⭐️）肉眼扒同上面嘅描述一樣，想講講佢個炸薯條。可能因為太多人叫薯條嘅關係，所以啲薯條食落都似係啱啱炸起，亦都無翻炸過。丹麥馳名烤雞半隻配忌廉焗薯（雜菌汁）（評分：⭐️⭐️⭐️⭐️）呢個烤雞嘅賣相絕對要讚一讚！見到都覺得都流晒口水🤤非常吸引👍🏽可能有雞髀位，所以食落唔會”乾爭爭”，有啲部位仲好滑添。所以真係食得又睇得。仲要價錢比起牛扒同羊扒平好多。🤑總括而言，呢間餐廳嘅環境同埋食物質素都非常好。唯一缺點可能係有時午飯時間會比較多人，因為附近都係寫字樓，會有好多人食飯。不過總括嚟講，各方面都好好，所以我都好推薦呢餐廳👍🏽
繼續閱讀