1
2
0
以上資料只供參考, 請與餐廳確認詳情
午市叫咗外賣照燒雞扒飯幾好食外賣都仲有少少脆味道好食份量又夠沙律同麵豉湯都係正常發揮冇乜特別特飲黑糖奶茶好好飲味道好夾落咗好多黑糖又唔會太多冰但真係估唔到個泡菜豚肉飯先係伏豬肉好薄同冇味都算數好多餐廳都係咁但重點係個啲泡菜真係好難食好難食得個辣又唔夠鹹仲落咗好多由於豚肉完全冇味又冇炒/煎香過成碗飯都係得一種茫然嘅辣味啲汁又滲晒落底連白飯都食唔到啲豚肉又薄到食完好似冇食過咁唔怪得咁多個都係讚牛肉飯好食下次都係要食返牛
繼續閱讀
〖 天一篇 -- 牛風 -- @beef_trend 〗💛 高質日式牛肉飯 🍚🐮 日式牛肉飯 -- $48🥗 沙律 (免費跟餐)🍵 冷綠茶 (免費跟餐)🤟🏻 相信各位天北人都會留意到bello舊舖開返了,變咗做牛風🐮 天一又多個choice了yay🤣 👻 話說自從無食吉X家後,雖然我又無話好鍾意食牛肉飯,不過都真係幾耐無食過日式牛肉飯了,所以就揀咗了~🤤 牛肉飯真係超足料,肥牛真係勁多,撈哂成碗飯仲有幾塊淨!🤤 個汁就唔係好濃味,純粹就令到啲飯無咁乾,好啱我口味,咁樣先啖啖都係牛肉味啊,而唔係好似吉X家咁樣汁撈飯囉。🥗 跟餐有沙律,正常和風醬配沙律菜。飲品方面,唔想加錢就可以揀面豉湯同埋冷熱綠茶,我仲問咗一下店員綠茶甜唔甜,係唔甜嘅,同埋佢個餐牌寫跟餐有沙律之類嗰個位都幾misleading下,店員姐姐都好nice咁解釋比我聽🙆🏻♀️🙆🏻♀️ 總括尼講真係好好食,不過成間店嘅選擇唔多,下次試下啲小食先~ 💰 人均消費: $50-80🥡 皇遞: 🙅🏻♀️ 未有~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •📈 評分💗 幸福感: 8.5/10🤑 抵食程度: 8/10👩🏻💼 員工服務: 9/10🪑 餐廳環境: 8.5/10⏳ 等候時間: 等位都唔算等好耐,lunch time都係等10-20分鐘,野食好快,幾分鐘就有了✏️ 整體評分: 8.5/10~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •📌 地址: 📍天水圍天秀路8號天一商城2樓2008號舖~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • 💛每次消費都係一次選擇,當你選了沒表態的店,就是放棄了一次懲罰黃店的機會。請盡能力幫襯黃店。~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • 👉🏻 為圍城人而設的黃色foodie page💛
繼續閱讀
💛 #牛風 💛 #天水圍 份量都幾多,仲有得揀特盛 雞扒煎得好靚,有焦香又唔會太乾身 好貼心,切好晒一舊舊 牛肉飯都有好多塊肥牛 加左芝麻洋蔥,食落更香口 叫左多汁,但略嫌醬汁味道較淡 飯係比較軟淋既珍珠米
繼續閱讀
依間新開餐廳,所以試下:價錢上:其實飯同埋牛排係足料,但湯同沙律就唔係好夠,只有1/3至半杯左右。食物質素上:1. 牛排:食落比較‘’鞋‘’外,大至上都較冧身。2. 飯:有牛肉汁撈埋一齊,味道配合得唔錯,唔係太鹹,但可能外賣既關係,啲飯唔係即時食,以至飯較冧身。3. 湯:有少少醎咗啲啲,但有驚喜,因為食到最尾,見到一粒原隻蜆肉。4. 沙律:只係生菜加咗啲芝麻醬,但芝麻醬同埋生菜既比例唔係好夾,沙律擀交多,同時撈得唔係咁好,所以面就較淡味,食到差唔多到㡳時較醎。服務上:第一次幫親,服務既員工都唔錯... 我問職員等幾耐,都願意答。另外,等外期間,我去咗買其他野後,再返去取外賣時,職員都主動對我講‘’等多一陣,依家整緊‘’。
繼續閱讀