197
60
10
港鐵荃灣西站 A1 出口, 港鐵荃灣西站 D 出口
繼續閱讀
開飯介紹
裝潢走文青路線，以森林為題，並營造綠野仙蹤的感覺。主打招牌旋風蛋包飯，另有一系列西日風味的料理，以及色彩繽紛的飲品。
繼續閱讀
營業時間
*下午茶時段不設訂座
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
相關文章
經過幾次見到點心放題，睇落唔錯，但原來中伏，點左第一輪就漏單，最特別特色的 龍蝦汁腸粉、香蒜肉粉腸、蛋黃醬燒賣、榴槤包……都要點第2至3次先來，而且都要30mins後，食完就岩岩好夠鐘走人。點心放題有分$98有16款食物 或 會員價 $148有36款食物，75分鐘任點任食。自助區有各款冷盤同甜品，尖椒皮蛋同冷豆腐都好味，木耳用麻醬好怪，用黑醋會好d。甜品的桂花糕和椰汁糕，味道幾好。掃code下單 或會員app下單，第一輪食物好快到，但無腸粉同燒賣，蝦餃也只出原味，即$98的食物就快出，但$148食物可能只出一轉，非常失望。講反食物，蝦餃好味，雖然皮唔薄，但餡料多，蝦肉爽口。鮮竹卷 同炸春卷味道差唔多，但前者濕潤吸汁，味道濃。後者脆口，只係炸得好燶同油左d。香煎芋絲餅就煎得很好，似芋頭糕嘅味。黑松露灌湯餃，有濃濃松露味，不過湯汁好水，好淡，最衰係個皮痴住個錫紙兜，食唔到。第二輪再叫左的食物，都係上左$98款式比較多，燒賣好奇怪。排骨係切唔斷的豬肉，因為一夾係成碟肉起。不過鳳爪係超好味，微辣又入味，正。馬拉糕都好味，熱辣辣鬆軟濕潤。避風塘羅白糕炒到散哂咁，羅白糕仲好味精好難食。黃金流沙包好凍，個底超級硬，好似放左好耐，個餡亦怪怪地，唔似咸蛋味。所以炸野都炸到超燶，係咸水角最靚仔，炸得金黃色，但原來唔熟，雖然食唔到，但咬左一口個時，個味都正，係唔熟又要吐返出黎。炸鮮奶就好味，但都係太燶。最後個龍蝦汁鮮蝦粉腸終於來啦，個汁好味好香，腸粉雖厚皮，但好滑，個餡都有蝦肉，好味。至於個香蒜白汁油鮮肉腸，由頭到尾都見唔到。麻辣醬蝦餃超辣，但味道幾好。迷你鰻魚黑咖啡飯，賣相同味道都好。榴槤芝士包都終於上枱，外形可愛吸引，榴槤味唔會好重 ，有芝士拉絲，味道好，個包亦夠熱夠鬆軟。可惜只上菜一次。煎韭菜餃好香脆唔油，餡多又大隻，咸度剛好。原來個燒賣係咁嘅樣，即第一輪怪怪地燒賣係未加調味或口味野。 是拉差蛋黃醬燒賣，個醬好味都夾燒賣，感覺反而無咁膩，有櫻花蝦仔味道好更多。叉燒飯夠正宗，好味。紅棗糕最好味，除左蒸得夠熱，味道甜度都岩岩好，食完暖暖地，又唔膩。總捨黎講，煎野做得好，但炸野勁燶勁油，貴價食物出得慢或唔出，平價食物出得快，部份食物都好味，服務好，勤快有禮貌。建議揀$98會好一點。 $148完全唔值。
繼續閱讀
今晚(2024年1月19日）晚上七時經開點心廊，本來想試吓佢哋嘅點心放題，當時見到店𥚃只有一張枱（2位）客人食緊嘢，我哋跟門口嘅職員話「2位唔該」，職員問我哋有冇訂枱，我哋話冇，跟住職員小姐就以好冷漠嘅態度話「冇訂枱就冇位」，跟住我問如果依家想訂得唔得？佢話唔得，如果要訂就要經OpenRice，就算直接打電話去餐廳訂枱都唔接受。當時已經係晚上七點，全間餐廳只有一枱客，我哋心諗唔通咁橋全部客人訂咗枱都未嚟？後來我哋去咗另一間餐廳食飯，食完飯我哋再經過點心廊（差唔多八點幾），見到餐廳𥚃面完全冇客人，而職員開始執嘢好似想關門咁！我上OpenRice睇過營業時間到2200！真係唔知點解我今晚有咁嘅奇遇，啲客人咁快七點後到但八點前已經走哂⋯⋯😓
繼續閱讀
食左大部份點心，都搵唔倒邊樣野叫好食，炸饅頭/腐皮卷/雲吞都好油，炸雲吞D皮用雲吞皮做，但我食開出面果d都係用春卷皮做，所以冇左種雲吞皮嘅味（我個人唔多鐘意呢種味），呢道仲要冇醬點；糯米雞味道都可以，但好淋，冇料；蝦餃蝦腸隻蝦都幾細吓；食左十幾種點心，基本上大部份味道都一般；我地食晚餐時都好多野賣晒，招牌嘅半湯餃都冇,改左野飲放題，但d野飲唔多吸引囉；以呢個價錢，連埋加一要$167一位，覺得中左伏囉，亦可以有更好嘅選擇，唯一優點係坐得舒服，服務幾好。
繼續閱讀
之前經過一次沒有吃到點心放題，今次再到荃灣就去SENSU試試看。餐廳裝潢整潔，落地玻璃光線充足，令客人坐得舒服。店員會問你試哪一個套餐，有$58，$98或$148，咁啱沒有$58，就試試$98元16款點心的套餐。店員先端上荔枝烏龍茶，用上荔枝烏龍茶，感覺不錯，口味清新。餐廳中間有一個自助吧，有一些沙律，甜品，青瓜前菜等。問心，可能因為已過午飯時間，餘下的前菜不多，質素就一般般，算是開胃前菜還可以。客人可選擇用餐牌或電話掃描qr code落單。怕一個人食唔曬，先叫了五個點心。迷你叉燒飯。叉燒比較乾身和瘦，可以改善炸鮮奶。除了皮炸得比較黑之外，算脆和好吃蟲草花蒸燒賣。六角蒸籠比較特別，燒賣質量還好櫻花蝦腸粉。雖然腸粉內沒有櫻花蝦，是碎碎的舖上面，口感和賣相都有驚喜。炸雲吞，稍為硬蒸排骨。就不算太特別整體來說，以快餐形式提供點心放題，性價比還算不錯，三五自己喝喝茶，點幾款點心，都可消磨一個下午。店員話暫時點心放題到1月19日，之後公司未有通知。
繼續閱讀
首先是 $148 元放題沒有 36 款點心選擇，有點失望。其次是上點心有點慢，首 30 分鐘只上了 3 碟。明白晚飯時間人多點單會忙，但限時 75 分鐘過了半小時只吃了 3 碟，還有 45 分鐘可以吃多 4 碟 ？放題任食？？ 萬一點心遲些送到呢？ 吃不完每 100g 收費 $20。於是等，點心慢慢的上來。過了 45 分鐘沒吃飽，最後半小時不管了，什麼鳳爪排骨都點，總不能吃放題沒吃飽回家再煮麵食。竟然，最後點的立即送上來，第一個點的蝦餃王反而還未見影。75 分鐘準時叫埋單，還有 3 個點心未上。付了錢後，那蝦餃王就送來了，哈！這個體驗，唉！
繼續閱讀