3
0
1
電話號碼
60312956
營業時間
今日營業
11:00 - 20:00
星期一至日
11:00 - 20:00
以上資料只供參考, 請與餐廳確認詳情
今日早收工，約左個朋友仔去取件再食野，係長康一期都唔知有咩好食既情況下，因為朋友仔要去報紙檔取件所以行左入去呢個長康市集入面，無意之中發現左呢間比較隱蔽的小鋪，見有幾個人排緊隊買外賣，就同朋友仔試試佢，我叫了個$48咖哩吉列豬扒蛋蓋飯試吓、加$2要埋支豆漿，又唔錯，幾好味喎！而我個朋友仔就order左個清雞湯雞扒米線，見佢食得都津津有味，就夾左佢一件雞扒試吓，層皮煎得真係好脆，雞肉就好滑，一試難忘。見佢個價錢都好平，有啲飯餐都係$30，下次要試下先。
繼續閱讀
我同屋企人常常去主廚小食買嘢食，令人最有驚喜既係：豬手飯口水雞飯，*咖喱吉列豬扒蛋蓋飯*（大大塊吉列豬扒即叫即炸，唔會炸定，好有水準，不過就要等5分鐘倒，）小食方面，他們炸雞翼一定要試，皮脆肉滑，12蚊3隻，抵食到唔信。令外仲有泰式鳯爪，初頭以為會係好辣，但完來一點都不辣，酸酸甜甜的，是做飯前小食最佳之選。本人覺得肥仔老細佢好有禮貌，多飯多汁都有求必應，很親民，價錢很貼地,真係一間值得推介的隱世小食店。
繼續閱讀
趁住假期一家同小朋友一齊去青衣朋友屋企同朋友仔女一齊玩。玩到攰又懶煮跟住同啲細路落咗去下面睇有咩食。行到去街市呢度見到有呢間嘢見啲嘢食都幾多樣化又ＯＫ所以就叫幾樣嘢食先。叫咗個滑蛋叉燒飯、椒鹽雞、口水雞、泰式鳳爪同白汁雞皇飯。 試哂咁多樣美食最啱我口味就係口水雞同椒鹽雞。個蛋叉燒阿女非常喜愛。非常抵食價錢親民。阿女同幾個朋友仔都食得好開心。嗌咗五樣嘢食。兩大三小朋友全部掃哂。我同老闆講個口水雞味就幾好但唔夠辣，老闆話呢區啲人唔太食得辣所以至整微辣，好貼心。老闆仲比咗張咭我哋吸咗幾個印。吸夠４個送魚蛋吸夠８個印仲可以當２０蚊用。真係好抵食。食果陣都見有幾個人排隊。除咗係地方細啲環境無咁濶落外都無乜挑剔。不過我都知係環境所限。食品有水準有機會大家都要試吓無介紹錯！
繼續閱讀
遇上疫情，唯有打包返屋企食下野，叫左個雞扒清湯米線，加左$2跟杯豆漿，嘩，有意外驚喜，一打開個包裝估唔到香氣撲鼻，雞皮脆香，夠嫩同多汁，湯同一般既差唔多，不過三十幾蚊有埋野飲，仲要呢個水準，得呀~
繼續閱讀
之前同男朋友食過兩次堂食 即煮兩個餸加白飯 真心好油麻地囉.. 小食口水雞ok嘅男朋友鍾意食辣 但永久black list 價錢80大洋 幾平 但難食 最神奇竟然一次喺隔離買拉麵食聽到呢間嘢有個客人同老細反應 ，佢煮啲嘢又鹹又難食 問佢可唔可以改善下 點知畀個老細鬧返轉頭話佢唔識欣賞 吹脹。 竟然講出我心聲又串又難食 有時想同男朋友喺隔離舒服食碗拉麵都冇辦法 因為我本身有鼻敏感 佢哋成日搞到個市集好多油煙 拉麵個靚仔老細都話頂佢哋唔順 以後落去都要拿拿聲叫完外賣即刻走 男朋友話佢哋之前因為冇生意學隔離拉麵扮黃店
繼續閱讀