34
11
4
港鐵荃灣站 A1 出口, 步行約3分鐘
繼續閱讀
營業時間
星期一至四
11:30 - 22:30
星期五至日
11:30 - 22:45
以上資料只供參考, 請與餐廳確認詳情
招牌菜
上星期一來到荃灣搵食，先發現地鐵站附近開咗間Hungry Korean。店鋪位置雖有點隱蔽，但都唔難搵。之前已試過幾間唔同分店，但尼間係第一間我遇到有做二人餐嘅分店。一入坐，老闆就推薦二人餐，大概記得價錢係138？睇埋張點餐紙，好似又幾多嘢食，所以即刻決定咗。兩碗魚片湯，我以為真係有啲韓國魚片。結果來到只係湯🤦🏻♀️失望到連相都唔記得咗影。前菜薯仔沙律＆泡菜。見到老闆娘係雪槽拎出來，所以都唔會期望有幾“新鮮”。擺咗一陣先，去一去啲“雪”先食，其實沙律味道都唔差。泡菜都正常，反正唔會係自家制。小食泡菜餃，實際係有三粒🤣食咗先記得影相。熱辣辣炸出來，好味又熱氣豆腐湯，夠曬辣。唔知係自己食得重味？但我覺得辣味掩蓋咗其他味。不過男友就覺得豆腐湯好過佢個碟泡菜豆腐。尼點我都十分認同🙈唔知咩原因，等咗好耐（追單先來），最後先上嘅泡菜豬肉豆腐。人哋後來嘅其他枱，都就來食曬走人🤦🏻♀️。最後上，味道都比較失望。泡菜豬肉本應係送飯嘅佳餚，韓國泡菜應該係有辣有酸，但尼道餸甜味蓋過一切。結果我哋食咗幾啖就放棄咗。😔百幾蚊可以食到有湯、前菜、主菜再加飲品嘅二人餐，其實係幾抵。不過咁多間Hungry, 始終尖沙咀個間最好食。另外尼一間俾我嘅感覺更似家庭式經營。唔知係咪好似7-11咁franchise型式🤔
繼續閱讀
舊年晌沙田連城廣場嘅Hungry Korean食過一餐晏，當時因為趕住去聽啲旅遊講座，只喺匆匆試過個吞拿魚韓國壽司及牛肉石鍋飯，味道中規中矩，老婆就話佢覺得晌尖沙咀店好食啲。今晚要過嚟荃灣開組長會，一支公嚟到路德圍嘅Hungry Korean食晚飯，睇吓唔同分店喺唔喺又唔同啲。餐廳環境唔大，逼逼哋大概坐到30、40人，裝修簡約，走年輕人路線，唔喺店名都未必知佢喺賣韓國嘢。跟好多流行嘅韓式餐廳咁，以五顏六色嘅「電油桶」做櫈，打開就可以放袋、放背囊。而餐枱仲有少少機關，就喺好似茶記咁加個抽櫃晌下面，放好晒所有餐具及餐牌。晌門口入嚟之前，已見到佢哋有啲好抵食嘅2人餐（$138）、4人餐（$288），份量十足，所以，見好多客都費事諗，點套餐搞掂。晌餐枱上，更貼有一個「特選2人餐」（$158），比原價平多35%，無詳細研究，應該喺啲網上優惠，但睇張相就十分之豐富嘞！然而，小弟一支公就梗喺睇住個散嗌餐牌，而依間同沙田嗰間有啲唔同，我記得嗰間似快餐店形式，晌櫃枱排隊買嘢食再等店員送上嚟，但依度就似一般餐廳由店員上嚟落單，再將食物送上，卻全無加一服務費。而且，選擇不少，以韓式菜式嚟講，定價都唔算貴。最後瞄向到餐牌中有一欄「廚師精選」（$70-$80），有啲韓式鐵板類，都好似好耐無試，所以，揀咗其中一款：韓式鐵板牛小排，並送特選飲品及跟白飯一碗。餐牌標示話就話要等10-15分鐘，但都好快上到菜。不過，店員話內容已改，無再送特選飲品，而喺改為前菜小食一客，咁就盡快改改餐牌，避免不必要誤會。就算散點，一客前菜都只喺$6，絕對食得過，而且，亦可以以+$15要齊3款前菜。泡菜、薯仔、魚餅唔喺講笑，佢哋啲泡菜都真喺幾辣吓，超刺激，咬落仲帶點爽脆口感；而薯仔喺未搓到爛透嘅薯蓉，所以，食起嚟仲有啲薯粒，最鍾意喺佢加入青瓜絲，好爽口；魚餅睇嚟似腐皮，味道鹹鹹甜甜，口感就煙煙韌韌。韓式鐵板牛小排 $80送到嚟仲感受到塊鐵板滾熱熨，而牛小排就喺平常我哋講開嘅牛仔骨，份量唔少，都有成6、7件之多，好有肉香，當然唔及西冷、肉眼般軟腍，但質素算唔錯；個特製醬汁亦好滋味，白飯軟熟有米香，加埋啲醬汁確喺幾好食。而鐵板之上仲有幾件韓式年糕，極有咬口！蜜桃冰茶 +$12雖然無嘢飲送，但亦可以用優惠價配一杯蜜桃冰茶，飲落冰涼清爽，幽幽茉莉茶香，又似帶點蜜桃香味，且蜜桃果肉也不少，更夠晒大杯。熱辣辣嘅鐵板牛小排，邊食邊飲住冰涼清爽嘅蜜桃冰茶，真喺好爽架。路德圍依邊超多食肆，競爭唔細，不過，見店內有唔少後生仔幫襯，韓式快餐店仍好得佢哋受落。只要食物保持水準，荃灣區人口又夠密集，猶如新船咁重新啟航，應可以大有作為！
繼續閱讀
今日和朋友往荃灣Hungary Korean 食dinner, 我點了鐵板甜雞肉飯, 韓式炸雞、韓式紫菜卷、粟米薯餅和凍奶茶, 餐廳有前菜食, 前菜薯蓉打得香滑, 好惹味；泡菜辣味適中好爽口, 好開胃的前菜；鐵板甜雞肉飯, 雞肉鮮嫩, 雞肉夠熱而且煎得甘香, 而且醬汁甜度適中, 好開胃, 送飯一流；韓式炸雞配上柚子, 芥茉和蜜糖三款醬, 炸雞炸得金黃香脆, 十分惹味, 個人推介柚子和蜜糖, 柚子酸酸的配上炸雞食落口感豐富；蜜汁則清甜配上炸雞食落開胃, 個人覺得芥茱辣了一點, 如辣度減少一點口感更佳；韓式紫菜卷紫菜爽脆, 配菜份量十足, 好足料；粟米薯餅夠脆夠熱, 粟米味香濃, 配上茄汁食十分醒胃；最後凍奶茶奶味好滑, 茶味香濃。餐廳食物美味可口, 很有水準, 個人推介鐵板甜雞肉飯和韓式炸雞, 兩款十分好食和惹味, 好味的韓國菜,值得一試
繼續閱讀
這日和型仔攝影師私影，私影完緊係要醫返飽個肚，就用外賣APPS搵咗呢間試下，見佢價錢OK，又想食下韓國野總共ORDER了:雞肉石鍋飯$53魷魚韓式壽司 $41韓國牛肉(跟飯) $61雞肉石鍋飯$53外賣版本見唔到個石鍋，賣相係爭啲，好似流流地，不過不可以貌取食物，試過再決定聞落已覺幾香，食落果然好味道飯幾香軟，雞肉唔夠大粒，不過都幾有口感，同食得出鮮嫩韓國牛肉(跟飯) $61牛肉質素唔錯，都有牛味又軟腍可口。不過都有一舊係牛筋勁韌而咬不到魷魚韓式壽司 $41，超好味呀，魷魚可口，配合壽司飯層，內裡的少少辣，幾刺激附送的辣醬雖然好食但幾辣，型仔攝影師都苦口婆心勸我唔好再點呢呢餐幾好食，而且送貨都幾快，值得再食
繼續閱讀
多得我家哈韓 二女 通報才知道 荃灣路德圍 有韓國料理 食店 , 我們當然要前往品嚐 ~看過放在店舖前的餐牌 , 發覺價錢是非常之街坊價 ~全日免收加一 , 餐廳的面積不算很大 , 能擺放的座位不多 , 但坐下來也不感覺迫狹窄 , 中午時分是無時無刻爆滿 , 買外賣的客人也有不少 ~Menu ~超值套餐加 $ 15 可自選前菜加特選飲品 ~ 前菜三款 , 有泡菜 (左) : 其味鹹中帶辣 , 而且不論是鹹度或辣度也頗均勻 ; 薯蓉 (中) : 似是近乎西式的薯蓉 , 溫度是室溫中帶點涼 , 其味討好 ; 韓式魚餅 (右) : 味道是鹹鹹甜甜的 , 質感有點似腐皮 , 可口又醒胃 ; 我們邊吃前菜 , 邊等待點好的其他菜式 ~特飲 , 也有多款選擇 ....韓國壽司 Gim Bap ( 牛肉 ) $ 36 : 賣相美觀 , 即點即包 , 勁新鮮 , 一客共有十一件 , 飯是室温温度 , 沒有醋味 , 內裏包着 菜、 紅蘿蔔條、牛肉、 酸蘿蔔條 等等 , 一口一件剛剛好 , 包得扎實不易散 , 有水準 ~泡菜煎餅 Kimchi Jeon $ 70 : 泡菜餅煎得有夠香口 , 厚薄適中 , 既富蛋香又具泡菜味 , 其味道鹹鹹辣辣 , 很夠風味 ~辣豬肉 Spicy Pork ( 跟白飯一碗 ) $ 52 : 豬肉是切成肉片, 香口爽嫩 , 配菜有洋蔥條、椰菜片等等 , 以韓式醬汁為主要調味 , 醬汁香辣惹味又帶甜 , 佐飯一流 ~ 總括來說是 , 平、靚、正 , 而且店員的服務態度也很友善 ~ 本篇完 ~
繼續閱讀