影片
港鐵鑽石山站 A1 出口, 步行約3分鐘
繼續閱讀
營業時間
星期一至日
06:30 - 21:30
以上資料只供參考, 請與餐廳確認詳情
今日喺蟠龍苑做嘢，太懶唔想行過對面荷里活廣場搵早餐食，所以就喺依間茶餐廳搞掂😚茶餐廳客群都係街坊，朝早人唔多，點坐都得～～店員叔叔有笑容，落單有耐性，欣賞👍🏻👍🏻不過茶餐廳始終比較舊，啲櫃/牆身/枱面都有啲漬，介意嘅朋友要注意～✴️雪菜肉絲米粉✴️米粉較粗身，唔係我鍾意食個種🙈雪菜鹹度合適，份量都足夠，肉絲就得幾條，可有可無～～✴️煎雙蛋配厚多士✴️兩隻蛋黃仲係流心狀態，唔係一早煎定，非常好👍🏻
繼續閱讀
【黃大仙區】【新光燒味茶餐廳】啱啱喺外地返香港，第一餐飯往往都係選擇茶餐廳。始終都係香港嘅根本，選擇多之餘又喺控制範圍之內。價錢大多都係經濟實惠，而且豐儉由人，中意食乜就叫乜，多數都整到畀你。今次返港，就去咗呢間喺鑽石山嘅茶記。雖然係下午茶時段，但係我都習慣性咁搵常餐嚟叫。叫咗個 $52 嘅「醬爆雞球麵」配「火腿奄列」同「厚多士」，加 $3 飲「凍奶茶」。常餐有醬爆雞球嘅地方唔多，唔算話好好食，有辣味嘅雞柳咁啫，勝在常餐少見到。個奄列都有蛋汁，屬用心之作，厚多士都 okay，杯凍奶茶就比較平庸，普通茶記水準。食完，咁我啱啱返香港，梗係食多少少嘢。叫多份「歡樂下午茶」，揀咗 $30 嘅「西多士」，加 $3 飲杯「凍華田」，都唔理肥唔肥喇。味道上，西多士嘅牛油夠細舊，溶晒啱啱好，唔使撇走佢，糖漿都可以，麵包有夾花生醬，都係正常水準嘅西多士嚟，冇伏。飲多杯凍飲咁就 $88 埋單，都唔過份嘅價錢，要留意叫新光酒樓廚房嘅嘢食會等耐啲，隔離枱就係咁。。。（地址：鑽石山龍蟠苑商場103號舖）#1amfoodie #foodie #hkfoodie #thatfoodiething #hkfood #food #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #茶餐廳 #新光燒味茶餐廳 #常餐 #醬爆雞球麵 #火腿奄列 #厚多士 #凍奶茶 #歡樂下午茶 #西多士 #凍華田 #1am1126 #1ambackup
繼續閱讀
1月23日諗住係住處楼下嘅巴士總站，嘅大快活食個早餐，就搭巴士入黄石碼頭，但早上O7：3O左右到此店門前，見此店舖內仍然烏燈黑火， 尚未開門營業 ，有見及此又要就返搭車時間，肥華和靚媽只好退而求其次，到呢閒平時絕少幫襯的樓下新光燒臘茶餐廳，食早餐 新正頭餐廳收過年價就預咗， 但此餐廳嘅出品食物依然故我都係偏差嗰隻 ，加上此餐廳員工用高八度嘅聲線嚟傾計 ，亦影響到人客進食嘅心情，為免耳仔受罪肥華和靚媽只好用最快速度食完個早餐，就埋單走人👎😵👎😵
繼續閱讀
是日放假懶得出去，午飯落樓下新光食叫個燒味飯食，落左柯打，好快斬好送過黎，望一望，今次竟然免費比肶，正呀油雞鴨肶飯，油雞夠味，可惜唔夠熱，疆容咸到死。鴨肶有小小肥，但咁樣先無咁乾麻老實講間野，成日都迫住幫襯，因成個屋苑得佢一間茶記 懶人之選，味道唔好期望太大就無問題
繼續閱讀
食物差，材料劣，服務差，簡直是不可多得的差差差差差食肆，想同服務員講，佢哋當睇你唔到，叫咗三次都唔行埋嚟，至幣連佢哋嘅大佬都係咁，簡直不知所謂都俾多佢，半粒星都唔值
繼續閱讀