56
10
4
開飯介紹
餐廳名稱「都佐」與日文DouZo同音，意指以禮待人的精神，用心款待客人。餐廳以日式咖喱為主打，並加入黑朱古力、新鮮蕃茄蓉等創新配搭。另有供應手沖及日式虹吸咖啡。
繼續閱讀
以上資料只供參考, 請與餐廳確認詳情
招牌菜
食家推介
相關文章
之前bookmarked 咗已經想去好耐，今日去開荃灣，咁就終於試到都佐。餐廳地點唔係太容易搵，西鐵站落車都要行一段路。我哋兩個人叫咗牛舌，紫菜冷烏冬，龍蝦沙律包，仲有一件蛋糕。首先牛舌比較薄切，冇乜口感，牛味亦欠奉，一般。紫菜烏冬就幾好，份量好足，紫菜好脆，加埋細細條蛋絲一齊食，好夾。而且個冷烏冬汁都調校得唔錯，好食的。龍蝦沙律包望落去都好吸睛，加埋兩片大芝士，口感都好豐富。不過仿龍蝦肉略為比較有雪味，咁多沙律醬都遮蓋唔到。整體來講可以一試，正常嘅Cafe Standard，再回訪就未必。
繼續閱讀
我經常都會比一啲日本家庭式嘅料理店吸引到，都佐就係其中之一❤️餐廳裝修別緻，帶有一股復古嘅歐陸感覺，頗有特色。食物方面選擇唔算好多，都係一啲日式料理為主。✨鰻魚茶漬飯（$98）呢款茶漬飯幾比到驚喜我😋鰻魚嘅份量唔算話好多，但勝在夠肥美。令人驚喜嘅反而係茶漬飯——有別於平時食到嘅一啲只有咸味嘅高湯，餐廳真係用茶去泡飯，清香嘅茶味同鰻魚飯嘅味道出奇地相襯，幾有驚喜。✨鹿兒島和牛漢堡咖哩（$158）和牛漢堡咖哩味道都唔差，但相對就冇太大驚喜。咖哩煮得非常香濃，送飯一流；但漢堡就冇相像中果種外焦內嫩嘅感覺。✨花先生（$45）特別推介大家試佢地嘅咖啡，有創意之餘味道都好唔錯。呢款花先生就加左花生醬、牛奶同Espresso, 花生醬嘅味道同咖啡又幾夾，平時唔鍾意咖啡苦澀味嘅朋友都岩試。✨Dirty爺爺（$45）呢款Dirty爺爺以椰奶取代左牛奶，飲落味道幾有驚喜😋
繼續閱讀
放假有事會去荃灣所以預早睇下附近有咩食訂定位，免得要等位都佐睇食評幾吸引好少見嘅日式cafe但地理位置係十分唔方便係一堆修車鋪嘅中間行過都未必見到佢存在網上預訂後我地準時到達後才發現無開門亦無通知我地到過左預訂時間後才收到信息通知Restaurant close🙄🙄🙄🙄🙄🙄🙄我唔知係OpenRice 定餐廳出現問題但完全係浪費時間😵💫😵💫反映左個問題都無人跟進照接預訂但餐廳依然唔開😂
繼續閱讀
奸妃 ☕️麥貴妃 ☕️All day breakfast 🥐Simple day breakfast 🥪吧枱cafe乾花天花🌸🌼法式牆磚少女喱士窗🪞欣賞呢度設計裝修廁紙後門推開門，有驚喜田園鄉村feel
繼續閱讀
最近都幾沉迷去搵d文青復古既cafe去試。黎到荃灣當然要用下openrice搵下，結果搵到尼間⋯ 不過我同朋友搵左都一陣先搵到間舖係邊，原來俾一堆車房夾住，門面睇好似一個世外桃源既感覺。講真地理位置係有d隔涉。 ⦁鹿兒島和牛漢堡咖哩飯 $158聽店員講果咖喱係加左黑朱古力去調配，食落去會香滑好多，所以就揀左黎試。大家如果唔想配飯都可以配烏冬，都應該幾夾。講番果漢堡扒入面牛肉味好重，果咖喱係帶有日式咖喱既甜味，質地都幾濃稠，撈飯一流。 ⦁冷稻庭烏冬拌柚子醋 $58嗌左尼個烏冬都幾開胃，份量都幾大。佢地用扁身既稻庭烏冬，都幾有咬口，唔算好淋身。如果同我一樣鍾意爽口d，可以落單果陣提一提店員。 ⦁冰搖咖啡 $40就係凍既espresso升級版，飲得出咖啡豆既酸味，岩晒消水腫既朋友飲。 ⦁燕麥抹茶拿鐵 $50抹茶味超濃，冇乜苦澀味，又唔太甜。飲完都唔會覺得膩。 整體來說，環境闊落舒適，食物質素性價比都幾高，而店員亦非常友善，加上唔洗點等位，完全適合同朋友傾計、打卡。
繼續閱讀