影片
附加資料
可電召外賣
以上資料只供參考, 請與餐廳確認詳情
下午茶38吉列豬排薯條+熱奶茶。以今時今日物價，價錢唔貴。食物就hea 左D。上台舊豬排薄薄的，油到閃令令，白晒晒咁，算啦38蚊，明既。薯條咪就係薯條囖，都係好油，明既，炸野當然係要用油，都明既。食左一半形住吞左好多油所以收手，攤凍一陣D脆漿好似夏天用過的吸油紙咁樣，明既，炸野當然係要用油。試下撥開佢食淨肉，白白雪雪咁，唔，係無味既，不過無宿無臭，算有良心，不過唔想吞落去。算啦，知到生意難做，租金貴，成本高，明既，唔應該咁多要求。食完喉嚨好似俾膠水封住咁，約40分鐘不適感覺逐漸消失。補充，奶茶正常。
繼續閱讀
去尖沙咀佐敦嗰頭有啲事做。做完嘢熱熱哋，見有啲攰又有少少肚餓，於是就走入咗呢間嘢食個下午茶餐。沙爹牛肉麵下午茶餐加熱鴛鴦，三十八蚊。呢個價錢唔平又唔貴。不過個麵一上枱就知道伏！見到個樣都心知不妙！湯得個鹹字，咩味道都唔知道！沙爹牛肉係無味嘅！沙爹牛肉係無味嘅，唔好講話要求高少少嘅花生味呀辣味嗰啲，連正正常常嘅沙爹牛肉應有嘅味道都無！麵呢又生骨！浸咗好耐都唔係好得！真係超級救命！我到底食咗咩呀，超勁伏！以後都唔想再幫襯！
繼續閱讀
白加士街近宝灵街这段有好几家茶餐厅，这家的人气是较遜色的。这天晚饭时段路过，看到店前的几个套餐，感觉不是太贵。反正以前没有吃过，可以进去尝尝味道。其他汤面餐和小炒都有提供，选择也不少，是很典型的港式茶餐厅。肚子不是太饿，干脆点一下星洲炒米套餐。米粉用了不少咖喱粉，与火腿丝和叉烧丝一起炒，味道不是太差。而且米粉也不会炒得太碎，保持着点口感。整个餐连饮料是48元，价钱算是合理。以食物质素而言，就没有很大的惊喜。
繼續閱讀
疫情嚴重個段時間,有日係差唔多六點行過見到未收工就叫咗一個肉絲炒麪, 麵差唔多冇煑開過咁制同埋個汁好似槳糊咁, 麪都冇煑開, 個汁杰撻撻咁就估到唔會好得去邊,食咗一啖凍冰冰油淋淋即刻掉咗佢費事浪費左自己D配額, 永遠都唔會再幫襯, 幾十年街坊都係咁話.
繼續閱讀
求其搵個地方食晚餐，就坐低左去試一試。諗唔倒食咩都係叫番常餐。常餐叉燒意粉，意粉湯底偏咸，意粉好林，叉燒好咸同埋得幾舊，唔係好夠食。加埋牛油多，同埋火腿奄列。個牛油多塊包咬落個口感好林，但唔係鬆軟果隻，唔好食。火腿奄列有啲油，都係麻麻地。最試真啲一間茶餐廳，梗係試佢個奶茶啦! 不過有啲失望，茶底都唔香，淡淡地無咩味。唯一一樣值得讚既係，侍應啊叔同收銀姐姐態度都幾好，不過以野食質素同埋餐廳乾淨程度黎講，都唔推薦。
繼續閱讀