171
15
3
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
相關文章
天氣涷除了食火鍋，相信羊腩煲都應該係另一個必食菜式。今次去了一間非常HK嘅餐廳，單看那街頭塗鴉風格的裝潢，絕對能夠感受到這就是香港人的餐廳。餐廳以快餐店模式，先在收銀處點餐然後再入座，餐單選擇中西式均有，多到令人三心兩意唔知點揀好，大部分食物材料亦有註明外國進口。最終我同友人選了港式一人鍋：古法雙冬羊腩煲及花膠雲吞雞煲。如果你是腐乳控，相信一定會極鍾意他們的羊腩煲，首先真係超大煲，一個人絕對食唔晒，羊腩份量唔算少，起碼有5大嚿以上，有皮有肉有肥膏，炆得夠焾，每一啖肉入口都好軟嫩。配料仲有冬菇、冬筍、枝竹及生菜，而湯底是稍微濃稠的腐乳汁，所以羊腩幾乎不用再另外蘸點腐乳醬都已經好夠味，撈汁送飯好正。提一下，佢地仲有急凍羊腩煲賣，買返屋企拆開成煲加熱即可。至於花膠雪吞雞煲，的的確確有真才實料的養顏花膠，煮得偏向軟腍，雲吞皮薄，內裡餡料多是蝦肉，食落彈牙爽口，雞件肉質結實，湯頭清甜無味精，都唔錯㗎！下次試下佢地嘅西餐先。羊腩煲$158花膠雲吞雞煲 $98蠔油菜心苗 $28檸檬伯爵茶(自家製涷飲 跟餐 $8)*店內有急凍包可即時買走
繼續閱讀
今晚同埋同事們去旺角買聖誕裝飾品佈置公司，買完就一齊去食晚飯，同事介紹始創中心地庫有間平靚正嘅餐廳，大家不妨去試吓，餐廳叫友利坊 x 友利冰室 x 勿當奴，地方整潔又夠大。先去收銀處落單兼付款，拎住個牌行入餐廳，店員會招呼客人入座，之後店員亦會為客人送餐。餐廳設有自助區，餐具、調味品、 冷熱水都有供應。花膠雲吞雞煲非常足料，用咗上等筒形花膠，具美顏、滋陰作用。雲吞用咗原隻蝦做餡，皮滑蝦爽口。雞件嫩滑，湯底鮮甜。鮮茄厚切豬扒焗飯，將白飯加蛋炒勻，放上焗碟上，豬扒放飯面，番茄醬番茄洋蔥放豬扒面。再加芝士放面，然後放入焗爐焗至金黃色，濃郁的番茄醬汁配酥香的豬扒外，還配上金黃的蛋炒飯，啖啖都惹味非常！美國谷字叉燒炒蛋飯：用美國出產的梅頭製作叉燒，肉質柔軟而細嫩軟滑，味道較濃郁，肉質具有咬口之感，且脂肪不會太肥膩，配搭兩隻荷包蛋，更添美味！泰式無骨豬手飯：豬手有豐富嘅骨膠原，將豬手炆至肉質軟稔，配上酸辣醬汁來吃可中和油膩感，令味道更豐富。凍檸茶：茶味夠香夠濃，帶有檸檬清香。
繼續閱讀
今次工作關係去左太子食飯，始創中心又近地鐵站，咁就諗住係度搵下食，呢間叫勿當奴個名咁搞笑就不如食呢間啦佢門面d畫畫得幾靚，佢地運作模式係先排隊叫野食，點完餐攞住個牌入餐廳搵位就會有店員攞野食比客，又幾特別佢地既食材大部分都係外國入口，好似米同蛋都係日本貨，意大利粉就意大利貨，相信質素會有保證我地一個叫左招牌即燒爆谷燒鵝飯（$68），佢個燒鵝真係有d爆谷味甜甜地咁，幾特別，而且皮脆肉嫩整得唔錯另一個就叫左日式咖喱軟殼蟹日本蛋包飯（$72），呢個蛋包飯整得好靚，隻包係螺旋形包住個飯，d蛋都好滑加埋日式咖喱撈飯一流，仲有原隻軟殼蟹，炸得香脆，夠熱唔太油，好正我地仲有叫小食，椒鹽燒賣6粒（$12），佢係一個炸燒賣，比較少食炸燒賣，咁樣炸又幾好食喎焗香辣雞翼（$16），個雞翼整得好味，入面有肉汁都係好食既仲有就係炸薯條（$19），叫得勿當奴一定要食薯條啦，佢既薯條係新鮮炸，夠曬熱已經夠好味佢地既飲品仲有自己整既伯爵茶，我地一個揀蘋果，一個揀檸檬，兩支都係好味既呢間餐廳都唔錯，有中有西有日式野食，一次過滿足曬唔同人既需求，而且野食質素都幾好
繼續閱讀
來到旺角，有時會想吃港式茶記，原來始創中心地庫有一間茶記，中西菜式皆有，滿足想同時吃中西菜的朋友。一人威靈頓紐西蘭草飼牛柳配秘製蜜椒汁 $128價錢驚喜，沒想過以這個價錢可以品嚐威靈頓牛，而且份量不少。酥皮香脆，牛肉質素好，烹調時間恰到好處，保持牛肉水份，口感鬆軟。酥皮與牛肉之間的蘑菇醬很美味，秘製蜜椒汁味道甜香，配菜薯蓉牛油味香濃，性價比高。花膠雲吞雞煲 $88港式一人鍋其中一個選擇，份量大，含花膠、雲吞、雞件及一碗白飯。花膠煙韌養顏，雲吞餡料充足，雞件是每日新鮮的三黃雞，雞肉結實有雞香味，湯頭濃厚，和白飯一起吃，變成美味的雞湯湯飯。上湯金蒜白菜仔 $38白菜仔以上湯烹調，加上金蒜，健康而惹味。洛神花茶 $18 / 檸檬伯爵茶 $18洛神花茶酸酸少甜，開胃消滯。檸檬伯爵茶茶香檸檬味足夠，解渴可口。這裡先買票後入座，座位多且寬敞，牆上圖案有特色，食客可舒適地用餐。離開時發現這裡的食材大部份由外國入口，因此牛肉等質素不錯，另外他們還有急凍包發售，還可線上購買，在家可以隨時吃到，十分方便。
繼續閱讀
今晚阿仔學校晚會，之後同埋最Friend 嘅同學仔一齊去食晚飯，例牌去太子呢間自從中咗二次原之後，咳已經踏入三星期，繼續飲熱嘢，叫完飯餐以前會叫凍檸茶，今晚叫熱奶茶一試一上枱，茶色少少濃，一啖入口⋯⋯以為嚟咗杯茶色廿四味⋯⋯攪匀比多次機會⋯茶味好淡同𠲵口（可能係晚市尾近8點）⋯加埋糖之後⋯唔甜⋯無乜茶味一句講晒⋯⋯唔好飲飲到最尾，好似佢咁嘅樣
繼續閱讀