影片
電話號碼
56985713
附加資料
Patisserie Les Amis (法語「朋友」的意思)供應美味可口的法式糕點、曲奇、蛋糕、咖啡和茶，顧客在這裡可享受悠閒的時光。
營業時間
今日營業
10:00 - 18:00
星期一至日
10:00 - 18:00
以上資料只供參考, 請與餐廳確認詳情
早前復活節遊數碼港商場，起初，想幫襯 Recharge Cafe，問客戶服務員喺邊度？她回答當日無開！發現有部份餐廳竟然無開！ 於是，在商場內外兜個圈，無意中才發現有間甜品店 <法式餅店 Patisserie Les Amis>！還供應輕食、甜品及飲品！正貼合我要返酒店做 Gym，Gym 後，我會在酒店買外賣返酒店房食！店子裝潢優雅，空間感充裕，可選擇室內還是室外用餐；如果選擇室外，店員會給予外賣餐具。如果好天，還可以欣賞黃昏景色！Latte $40水溫頗熱，讓咖啡甘香發揮得淋漓盡致！口感香滑順喉，味道醇厚的！Mini cakes $50/ 3pcsRaspberry 蛋白餅 口感輕盈，餅碎四散，還夾雜士多啤梨果占，粒粒士多啤梨果籽！口味清新不甜膩！Hazel Tart栗子蓉軟滑，味道甜美的，撻身香脆，略嫌厚身！Opera表面有薄薄的朱古力，鬆軟的海綿蛋糕、塗上一層薄薄的忌廉提升口感層次，朱古力海綿蛋糕不算好甜！
繼續閱讀
數碼港入面嗰幾間餐廳都差唔多試過晒，佢個位置喺停車場扶手電梯上去，一入商場，地產舖隔離，次次經過以為佢係間Cafe，飲吓嘢，食吓甜品咁，原來佢有意粉叫，諗住求其一試嘅心態，冇諗過啲嘢咁好食，首先叫咗一個沙律，個沙律冇乜特別，跟住一個肉醬意粉，跟住一個虎蝦辣意粉，嗰兩個意粉係出奇地好味，我老公係一個肉醬意粉迷，佢竟然話呢個意粉係佢食過最好食，話以後會特登入嚟食佢個肉醬意粉，我個虎蝦辣意粉都好味，個虎蝦係爽嘅，意粉亦都入味軟硬適中，由於太好味，最後食埋個甜品，但係選擇唔多，唔知係咪因為賣晒？最後叫左一個藍莓mini cake同cheesecake，我估蛋糕會唔會係佢哋比較出名嘅？希望下次嚟可以多啲款式揀，想試佢嘅朱古力波
繼續閱讀
食到一半，都係忍唔住要寫個食評記低佢，因為個意粉真係好好味😋😋在一個悠閒週末，我終於搵到一間可以Hea嘅地方，同時又食到一D有水準食物，價錢又真係唔貴。望住個開陽寧靜的環境，食到有heart嘅食物,真係好滿足👍🏽👍🏽😎
繼續閱讀
個人真係好鍾意食芝士蛋糕，特別係硬身嗰隻。日式🧀蛋糕都好食，但係切起身太輕，相比之下再邪惡啲😎，再濃味啲嘅紐約芝士蛋糕更可以滿足我對芝士嘅熱愛😙佢嘅芝士味好濃，唔會好似有啲店鋪咁落咗好多粉嘅感覺。士多啤梨嘅伴碟都好靚，咁好嘅天氣☀️，望住個海🌊，同frd傾下計＆食個下午茶就最適合不過喇❤Patisserie Les Amis🍽薄扶林數碼港道100號數碼港商場3樓320舖#nataliefooddblog
繼續閱讀
原本都沒有打算為這家餐廳寫食評，但是實在太差，所以真心想反映一下，希望餐廳能夠改善。話說今日在數碼港食午飯，本身已經沒有太多選擇，見到這間Cafe樣子不錯，就不如入去吃個午飯。點了這個蕃茄虎蝦闊條麵，價錢都不算便宜，都要$90 ，而且沒有附送餐湯餐飲。在收銀處下單了後，等了一會，店員把意粉送到。吃了數啖麵條，小妹發覺這碟意粉所謂虎蝦，賣相和普通海蝦冇分別，體型細小，飲茶燒賣上面隻蝦都可能大過佢，而且整碟意粉只得三隻蝦，蕃茄意粉的味道淡而無味，小妹在家煮的意粉好味過這裡的十萬倍，而且還敢收這個價錢，實在深感不值！希望數碼港能夠引入多些餐廳同客人選擇！
繼續閱讀