3
1
0
港鐵北角站 B1 出口, 步行約2分鐘
繼續閱讀
營業時間
星期一至日
07:00 - 20:00
以上資料只供參考, 請與餐廳確認詳情
食家推介
食友當中，M君就最經常送啲曲奇呀、蝴蝶酥呀之類嘅餅食俾小弟，而且，大多數都喺啲小店，以往有唔少「好友狂嚐曲」嘅食評都喺由於呢位老友嘅送贈而寫成。今回嘅蝴蝶酥，又喺佢嘅餽贈，晌度先多謝佢嘅厚意。真喺多得呢位老友，讓小弟先認識得到多小店，位於北角嘅「烘焙工坊」，上網睇睇食評，間鋪睇落唔似家街坊格局嘅餅店仔。而所收到嘅喺一包4片，3款口味嘅蝴蝶酥，包裝簡單。日本抹茶外型都做到蝴蝶心型，不過，表面睇嚟就有啲粗糙，尤其糝沙糖一環就幾迤吓，沙糖灑得唔平均。咬一口，抹茶味算還可以，微微幽香，帶少少甘苦味，但牛油香就普普通通，幸而酥脆度都唔差。法國朱古力比起抹茶口味，法國朱古力口味嘅朱古力味嚟得較為香濃突出，但深啡色嘅外觀，就顯得啲沙糖糝得更「求其」。台灣竹炭其實，竹炭本身無乜味道，做食物都喺以健康行先，故小弟個人就唔太建議搵竹炭嚟做蝴蝶酥，即喺健康定唔健康呢？但逆思維咁諗，件蝴蝶酥咪變相無咁邪惡囉。但講到味道，就真喺無咩特別。比較之下，M君之前所送「理想餅店」嘅綠茶蝴蝶酥，真喺超班，而「烘焙工坊」嘅蝴蝶酥就遜色好多喇。
繼續閱讀
在10月中星期六當晚，我首度走到鯉魚門，跟好幾位好姊妹食友一起食海鮮！好姊妹食友 A 很客氣！送上購自北角英皇道 <烘焙工坊> 的蝴蝶酥！多謝她的心意！蝴蝶酥餅店出品的蝴蝶酥是新鮮貨色，通常不能放太久！這樣才好，至起碼少了一些添加劑及防腐劑...之類！一包14件，沒有獨立包裝，夠哂實際！況且，十多件，一件接一件，令人容易食上癮，作為下午茶份量剛好！恰巧！10月中的星期日打風，與家人一起分享！金黃色的蝴蝶酥，散發曲奇餅的牛油香及香甜氣味！相當誘人！ 千層鬆脆可口，甜度恰到好處！水準之作！
繼續閱讀
呢間北角麵包店新開！門面光鮮，入內有點懷舊嘅感覺，紙皮石地板，木架玻璃櫃，地方唔大，麵包款式似西式日式，麵包都已經用膠袋獨立包好！揀好去櫃臺比錢，剛剛我前面有個客人問中秋月餅嘅問題，用嘅時間比較耐，店員都用眼神向我表示歉意！核桃包（$15）喜歡四葉草形狀特別，我又一向喜歡核桃，啡色外皮幾煙韌有咬口，入面麵包鬆軟，夾雜核桃碎，不過我略嫌核桃太碎，無乜口感！味道幾好！店員有禮斯文！麵包幾好味，價錢唔算貴
繼續閱讀
阿頭知道小弟鍾意食奶黃月餅，每年都會張其中一盒嘉麟樓塞俾我拎返屋企同家人分享。但係龍肉食得多都會無味，加上近年水準下跌，所以每年自己都會另外買多盒奶黃月餅孝敬父母。一向無要求嘅老媽子忽然指定要試今年人氣大熱 - 鼎爺，唯有搵住係北角嘅同事救救住係新界嘅我。三日後收到兩大盒鼎爺月餅，精美禮盒包裝，一盒八個，每個都有獨立包裝。實在忍唔住，即晚已經開出黎試何謂古法奶黃月餅。打開包裝拎上手外皮柔軟唔痴手，最重要無空中解體，安全降落。月餅外層烘焙兩字清晰可見，睇落油潤軟熟，而非鬆脆曲奇式外層，亦無廣告相上嘅燶皮乾惑。切開睇睇，外皮薄身，餡料尚算飽滿，但左右有少少離殼。奶黃餡有色澤有油份，但食落口感幼滑無肥膩感，奶黃味香。鼎爺出品果然有一定水準，二百二十八蚊一盒價錢合理，希望有日可以一嘗老人家嘅另一古法。
繼續閱讀