68
13
20
開飯介紹
環境舒適的正宗日本料理，並設貴賓宴客區，提供多款午巿套餐及日式料理，如蒸飯、拉麵、壽司、和牛等。
繼續閱讀
營業時間
今日營業
11:30 - 15:00
17:30 - 22:00
星期一至日
11:30 - 15:00
17:30 - 22:00
以上資料只供參考, 請與餐廳確認詳情
有關獎賞計劃
食家推介
四季‧悅 日本餐廳 - 九龍灣📍九龍灣宏泰道23號Manhattan Place 1樓101-103號舖朋友公司附近有間抵食日式放題，原來就係金鐘都有一間既四季悅。不過今日狀態麻麻，上到去都係叫左套餐食，留返下次再黎食放題。啲套餐睇落都幾有質素，而且包左前菜、海鮮三文魚籽茶碗蒸、大蜆麵豉湯、甜品、飲品。前菜有三款：冰鎮梅醬蕃茄、麻醬豆腐、漬物和牛。三樣都清清地，開胃一流，由其是梅醬蕃茄，好fresh. 海鮮三文魚籽茶碗蒸茶碗蒸係熱辣辣咁上枱，蛋係滑到隔時係口到漏走，入面仲有一舊雞肉、蟹柳、冬菇同大大粒既三文魚籽，好豐富。大蜆麵豉湯呢個麵豉湯粒蜆係我見過嘅麵豉湯入面最大粒既，真係超級肥美厚肉，仲要無砂，有驚喜。岩鹽板A4薩摩和牛厚燒120克配御飯 - $358一大舊岩鹽板上面放左燒過既和牛，粉紅色既鹽板好岩打卡用。和牛有燒過既蕉香味，牛既油脂唔算太多，唔會食到一口油，有少少鹽既調味，如果想多啲變化，可以點埋佢既燒汁，係蒜香甜甜地既，兩個口味送飯都一流。時令手握壽司9貫 - $328擺盤都好靚仔，9件壽司都係左靚料既，有大蝦、吞拿魚、吞拿魚腩、海膽、同其餘幾款魚類。飯既份量唔大，所以可以好好享受個刺身，有啲魚佢會界左花，入口既口感會更豐富。海膽係有兩層，好滿足。飲品/甜品係加左冰既梅酒，酸酸甜甜，唔太高濃度既酒精，夏天飲好爽。甜品係明治既白桃烏龍冰條，係無死既組合，為呢餐做左個好好既結尾。
繼續閱讀
喺九龍灣有一間日式料理餐廳除咗主菜單佢哋都仲有放題食不過上次就去試咗單點佢哋嘅料理首先，鹽版牛配飯，真係一絕！😍牛肉嫩滑多汁，仲有啲鹽香，同埋飯嘅口感真係非常好食！❤️🙆🏻♀️如果你係牛肉控，一定要試下呢個！而焗三重芝士黑豚石鍋飯都出色～啲黑豚肉已經夠鮮美，再加埋三款唔同嘅芝士😍😍焗熱落去，啲芝士嘅香味同黑豚肉嘅食落去非常邪惡😆焗芝士年糕都係咁吸引啦😄年糕一焗，啲芝士就會流曬出嚟，又軟又滑🫶🏻我哋仲試咗啲小食🙆🏻♀️月見免治雞肉棒同煎廣島蠔！雞肉棒外脆內軟，真係滋味☺️至於煎廣島蠔，啲蠔新鮮肥美，煎至金黃，仲有啲醬汁落去😍😍🫶🏻總括嚟講，呢間位於九龍灣嘅日式料理餐廳，真係值得一試！下次都想試吓佢哋嘅放題😆👍🏻
繼續閱讀
今日喺九龍灣MegaBox同朋友行完街，想食日本嘢，同時又已經食厭咗MegaBox嘅餐廳，朋友就介紹我喺MegaBox對面一間叫四季悅嘅日本餐廳，入面環境唔錯，食物亦都幾好😋🥩岩鹽板A4薩摩和牛厚燒120克 $358 A4級嘅和牛，入口即溶，油脂分布均勻，放喺岩鹽板上面再點上少少岩鹽，令到和牛嘅味道更明顯，配埋御飯食可以減低油膩感，鍾意食和牛嘅朋友一定要叫🐠銀鱈魚西京燒配御飯 $268 新鮮熱辣辣燒起嘅銀鱈魚，皮脆肉嫩，而且燒得非常惹味，銀鱈魚新鮮好味，仲好厚肉，係性價比極高嘅一個set，隨餐仲會奉上前菜同埋茶碗蒸，前菜有冰頭漬、豆腐同埋番茄，非常清新，令人食得非常滿足🐟燒白鰻魚(2串)$76 明太子雞翼(2隻)$56 餐廳仲有啲即叫即燒嘅串燒可以叫，咁今次就叫咗燒白鰻魚同埋明太子雞翼，全部都係新鮮燒起，雖然可能要等五至十分鐘，但絕對係值得等待，因為材料新鮮，調味一流，令人食得非常享受📍九龍灣宏泰道23號Manhattan Place 1樓101-103號舖 - 四季‧悅
繼續閱讀
四季‧悅 日本餐廳 (Manhattan Place ) (九龍灣)九龍灣宏泰道23號Manhattan Place 1樓101-103號舖。雖然係觀塘番工，但係都比較少係九龍灣食野。四季悅相信係金鐘番工嘅朋友都會聽過，因為都開左好多年，估唔到九龍灣原來都有wor。九龍灣分店環境再好d，整體空間好大。劍魚腩刺身（$36）、三文魚腩刺身（$32）刺身新鮮肥美，用上鮮磨wasabi。岩鹽板A4薩摩和牛厚燒120g ($358)和牛燒香之後放上岩鹽板，每舊食之前都輕輕係岩鹽上沾一沾，我覺得唔洗再用醬汁成件事已經好足夠，A4和牛油脂好香，簡單配上白飯就已經好好。龍蝦天婦羅配御飯（$308）成條龍蝦尾起肉再做天婦羅，呢件事勁奢華～ 龍蝦肉口感彈牙，即炸外層炸漿唔會太厚。#gpigkowloonbay
繼續閱讀
四季‧悅日本餐廳喺九龍灣嘅Manhattan Place，位置係Megabox對面，距離地鐵站遠少少，遠離塵囂，係商廈去入面。我地揀咗啲串燒，有（1）明太子雞翼，價錢$56。呢道菜係兩隻炸雞翼，上面包住咗好香濃嘅明太子醬汁，味道好鮮美。雞翼炸到酥脆，再加上明太子嘅鹹香味，真係一個好好味嘅開胃菜，仲有（2）日本冬菇同（3）燒雞軟骨，每串價錢分別係$26同$36。呢兩串燒都烤得啱啱好，冬菇口感鮮嫩，燒雞軟骨就香脆可口。前菜嘅意式風乾火腿沙律係一個清爽嘅開胃菜，火腿嘅鹹香同沙律嘅新鮮蔬菜好搭。另外湯以有大大隻蜆，味道唔會好鹹。仲有紫蘇蝦，酸酸甜甜，胡麻豆腐同枝豆。另外蒸蛋亦啱啱好，唔會好水。主菜我地揀咗特級牛肉壽喜燒配御飯，價錢$268。呢道壽喜燒本身係煮好上，無明火效果，但自己倒生蛋，保持口感。特級牛肉煮得好軟滑多汁，加埋酥脆嘅外皮同甜甜嘅醬汁，每一口都好有口感。御飯份量都好足夠，搭配呢道菜真係完美。流沙海老配御飯，價錢$328，用鹹蛋黃裹蝦肉係幾新穎嘅做法，大隻蝦肉質鮮嫩，用鹹蛋黃配搭嘅口感特別，令人驚艷。配上御飯，呢道菜絕對係一個好味嘅享受。另外，我揀咗Kirin同宇治茶梅酒，價錢分別係$48同$28（90毫升）。Kirin清爽，好適合配串燒。宇治茶梅酒就係一種特別嘅酒，混合咗宇治茶同梅子嘅風味，好獨特同好好味。
繼續閱讀