影片
港鐵奧運站 C1 出口, 步行約7分鐘
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
今次嚟到大角咀大全街嘅丼一食晚飯8點左右餐廳入面都無咩人🧐可能附近太多好野食啦🤣餐牌選擇都好多 主打都係燒肉丼都有其他日式小食可以加點～見到有啲食評都推介燒牛肉 呢個飯就一次滿足三個願望🤣分別係元祖 香辣 同埋芝士每款都有三塊 九宮格咁排住🤣牛肉都係薄片 都煮得幾腍 醬汁都不錯嘅 香辣：有啲甜甜地咁唔太辣 都幾開胃芝士：牛肉上面鋪左芝士咁燒 芝士味唔太出牛肉係肥牛片 肉質偏韌咖哩就唔似一般日式咖喱咁偏甜呢款就偏辣嘅 有啲咖喱粉嗆喉嘅感覺🤣中意食咖哩汁撈飯嘅朋友有福了！除咗本身碟上已經比咗滿滿嘅咖哩都可以同店員講加汁🤩的確白飯底係有啲dry🙈————————————————————————總結價錢真係平嘅 而味道都係呢個價錢期望中嘅🤣而份量都係好滿足嘅～燒牛肉都不過不失 但記憶點唔算大同埋係偏港式嘅日式丼飯 特別係咖喱不過當然睇口味啦 我自己中意甜咖喱多啲🙈
繼續閱讀
通常去大角嘴都是光顧台灣料理多，無奈台灣料理的隊伍永遠都很長，想想附近也有不少其他小店，便走出自己的舒適圈出去闖闖，這次就找到了丼一。七點來到，大概只有三，四台客人，可能跟店鋪位置有點關係，始終在街尾，一般客人未行到已經被其他餐廳吸進去了。餐廳看來主打還是牛肉飯，有元祖燒牛肉，還有辣汁和芝士，看到後口水直流，無奈最近少吃牛肉，最後點了生薑豚肉飯（49），一個雞軟骨小吃（39），脆雞翼加芝士（14+3）和一杯凍檸水走甜（8）先說豚肉飯，與其說是豚肉，其實就是豬腩片，肥瘦不一，有幾片90% 都是肥膏。有幾片卻只有20%，作爲中年人，肥膏已經不能多吃，一頓飯下來咬了不少肥膏⋯ 所幸味道搭救，旁邊的沙律菜不過不失，而且加了柚子醋，胃口大開，飯汁也很足夠，份量大，整體來說不過不失。第一道來的其實是雞軟骨，39元來說其實份量有少許不足，不過新鮮炸起，熱辣辣，皮脆骨嫩，不會太乾，滿分。最後是雞翼，製作時間較長，飯都吃完了，雞翼才登場。炸物加芝士一向都是受歡迎的combo，這次也沒令我失望，mozzarella cheese非常香，鹹度充足，雞翼也是皮脆肉嫩汁多，可能是被連鎖米線商店寵壞了，覺得14元兩隻非常划算最後113元下樓，下次應該會回頭試試牛肉。不喜豬牛的朋友，店鋪還有鰻魚，咖喱，甚至湯鍋供大家選擇，不妨來看看。
繼續閱讀
大角咀呢邊有好多嘢食，尤其係大全街，今次我特登帶埋朋友黎食依間小店「丼一」佢地有個招牌三色燒牛肉飯分別有香辣原味芝士既牛肉片，燒得岩岩好，一啲都唔乾身，咬落去仲有牛肉汁錶出嚟而且三大片牛肉鋪起飯上面，感覺10分邪惡🤣但係食落好滿足🤤🤤至於個fd因為要戒牛，試左個生薑豚肉飯，雖然唔係招牌之一，但係估唔到都有驚喜，啲豚肉肥瘦比例剛好，撈飯食一流唔知唔覺，兩大碗飯已經俾我地食哂，依間價錢又貼地 平民價，又冇收+1服務費，日後一定再幫襯！！
繼續閱讀
新開嘅餐廳當然要試一試啦💛 呢度環境好乾淨企理， 枱同枱之間有足夠距離 ，坐得幾舒服 ，而且店員招呼親切熱情， first impression好好 。食物係大路日式餐廳嘅, 海鮮拉麵不過不失, 湯底淡但正在材料豐富 ，減肥或健身食就啱曬，而且價錢平，咖哩漢堡扒飯比較有驚喜 ，漢堡扒入面有溶咗嘅芝士， 漢堡扒本身外皮香脆， 牛肉味充足， 雖然未算得上多汁 ，但唔會乾， 咖哩汁溫和，以價錢嚟講合格有餘。 同時可以優惠價換購小食 醬油雜菜， 就係落咗豉油嘅烚菜 ，唔算係日本菜但係家常感覺， 可以食到多啲少油菜係好事呀。 仲嗌咗燒雞腎 12蚊兩寸，雞腎好細粒但脆卜卜熱辣辣，唔錯喎！
繼續閱讀
同朋友於大全街想食個快lunch，朋友要求高又想好食又要坐得舒適，剛好見到「丼一」，該店上手記得係西餐廳，見坐位寬敞又主打日式丼飯，決定入去試一試。😋我叫左個「三色牛肉丼飯」、「鹽燒雞腎」同「凍菊蜜」，先講個丼飯，這個似乎是該店主打，有3款吾同口味嘅牛肉，每款牛肉味道各有特色，而且味道不錯，個飯嘅份量以$5x蚊黎講夠食有餘，而個鹽燒雞腎味道不過不失，$13/2串，超值啦！菊蜜好飲，臨走我仲encore左杯外賣比老媽子😁！朋友就叫左「咖喱炸豬扒丼飯」同「凍葡萄梳打」，個飯出奇地有驚喜喎👍🏼！賣相好、夠大碟、豬扒鬆軟juicy、咖喱汁亦食得出吾係普通貨色，朋友食到一粒飯都無剩😆！整體來說，以食物價錢、味道、質素、服務態度、出餐速度、用餐環境、坐位舒適度黎講，算是超出預期，性價比高，始終街坊價錢，總不能要求過高吓吓媲美高級食府，以食快lunch黎講，啱晒我里d想食得好又要坐得好嘅大小姐🤗。
繼續閱讀