307
7
5
港鐵銅鑼灣站 B 出口, 步行約3分鐘
繼續閱讀
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關餐廳
食家推介
相關文章
鑼灣嘅一瀧🖤黑白配⚪️之前已經食過都念念不忘，因為佢哋用嘅食材好新鮮，環境寬敞坐得舒服之餘，價錢仲好公道，所以鍾意食日本嘢嘅，我哋真係唔可以錯過再過嚟試吓其他定食😝今次🖤黑白配⚪️揀咗佢哋嘅lunch set，大大份得嚟好抵食！松葉蟹肉魚子丼 $198Lunch set 仲要包埋麵豉湯🥣 茶碗蒸同埋沙律，佢個丼飯超大份🍚蟹肉好足料！自選豐宴定食 $248另外揀咗個自選定食，佢抵食嘅地方就係你可以揀一個壽喜燒+一個卷物，食到你飽住個肚😂我哋就揀咗壽喜燒牛肉鍋同埋吞拿魚腩蟹肉卷，另外仲加咗$48去配一個A4和牛烏冬，如果咁嘅價錢咁樣嘅環境食到呢一個質素，絕對覺得滿意，推介朋友仔們可以過嚟試吓佢哋嘅lunch set ❤️
繼續閱讀
近期其中一間覺得好食既日料🥰🥰好彩趕喺佢裝修之前食左😍成餐飯都好有儀式感！擺盤好好！但因為已經係8月頭食，有d菜式已經唔太記得個名了🙈-第1個小卷好好食，冇記錯係吞拿魚蓉+蟹肉，好足料，一啖咬落去超滿足啊😋-海膽前菜超級鮮甜，食到點哂頭，但就略貴少少，好細份但都百幾蚊，不過咁好食都值得尼個價～-廚師發辦9件壽司🍣每一件都好出色！我覺得係必點🥰3百幾蚊左右有9件～唔貴，但好高質👍🏻-小池魚刺身，鮮甜美味，係我好中意既一道刺身❤️❤️❤️-不得不提佢既浜燒海鮮，每一件海鮮都極鮮甜，推薦一定要試大帆立貝😋真係好正！-和味壽喜燒，尼個價黎講性價比算高，因為佢和牛好多，而且都好食！好香😘可惜當時已經食飽，所以冇食好多😂
繼續閱讀
想喺香港想搵間日式餐廳要好食又有質數的確好難，一係就好貴，但貴又未必一定好食，自己唔係港島人都唔常喺港島區搵食，但聽人講銅鑼灣食日本嘢會比較好，咁啱又放假就book咗呢間，早少少開餐。一入到去安排咗個榻榻米位置我哋坐，環境相當好，位置夠闊落，又唔嘈喔 ，另外仲有啲打卡位添，就係覺得啲冷氣凍咗少少咁🥶。因為一至四浜燒盛有優惠，我哋叫咗一set $648，有海鮮燒(自己選擇嘅)，跟一個飯＋刺身＋沙律＋雪糕。跟住我哋再叫多碟壽司同啲小食，如果唔大食，兩個人叫一個set加少少野都夠飯喔🤭～海鮮類都好新鮮又好大隻😱😱，我哋淨係燒嘢都玩咗個幾鐘。set跟埋嗰個飯上面嘅魚唔太清楚係咩魚，但又意外地好食。個芝麻雪糕好濃芝麻味，好好食🤤！ 另外散叫嘅小食一般都有水準！不過有個小插曲就係當時有位女侍應幫我哋落單，態度已一般般，後來仲俾我哋發現落錯單，因為我哋燒完晒啲海鮮，但刺身同飯都仲未到，好奇怪...我哋就問一問另一個侍應，佢就幫我哋跟返。不過好彩其他員工都好好，有問必答仲要好詳細，我哋燒緊嘅時候又會主動走過嚟幫我哋，同教我哋點燒先最好，仲要好細心，所以之後都感覺良好🥰。以呢間餐廳嘅裝潢加上食物質素，大部份員工嘅待客態度，人均消費$500-$600， 絕對唔貴喔～
繼續閱讀
從來沒有見到這樣差的 服務員，我的外國朋友不能喝茶，想要一杯熱水！某個中年女人 直接搶過她杯子！說 我知啊！還翻了一個大大白眼！我們投訴 其他同事也無動於衷！！ 甚至根本不理會我們的意見！ 我們問他們manager在邊個地方，也沒有人理會我們！所有工作人員都像不像返工的樣子！希望這家餐館的老闆好好培訓一下自己的員工，再放他們出來！！ 顧客只是不能喝茶，要換一杯熱水！不是要你的做什麼離譜的事情！你居然翻白眼！吼顧客！簡直離撒大譜
繼續閱讀
又到我嘅生日月， 閨密話同我食好西，就帶咗我嚟位於銅鑼灣嘅一瀧。原來呢間日式餐廳都相當特色，環境仲好有日本風情。一到埗職員就帶我哋進入呢個榻榻米座位，朋友仲話要一早預訂先有得坐。雖然環境都屬於中上檔次，但呢度食物價錢又唔算貴。前菜我哋揀咗牛油果赤身他他，牛油果🥑嘅軟滑配上吞拿魚赤身嘅微彈口感，令人忍不住一口一口咁樣食落去。最近特別鍾意食蛋類製品，所以就揀咗明太子玉子燒，玉子保持應有嘅濕潤，明太子份量不多不少，配合蛋香簡直天衣無縫。朋友最鍾意食蔥，所以二話不說就點選呢個赤身大蔥卷，蔥粒混入咗喺吞拿魚蓉入面，味道唔算太強烈，但帶來不一樣的口感，不嗜蔥嘅我都感到相當驚喜。另外我哋仲揀咗芝士吉列黑豚卷，深藏之內嘅吉列黑豚仍然保持香脆，配合芝士同沙律醬味道一流。鹽燒A4和牛串嘅價錢，原本令我有點卻步，不過朋友誠意推介，一食之下真係覺得好感動，鬆軟嘅肉質帶有滿滿嘅肉味，真不愧為A4和牛。平時嘅西京燒通常都係配比目魚、銀鱈魚之類，而呢個佐賀金星豚西京味噌燒就係配上豚腩肉，雖然係以腩肉製造，不過經過燒烤之後，就再無油膩感，反而變得份外甘香，配搭新穎有驚喜。我最鍾意食雞軟骨，估唔到呢度嘅雞軟骨係原條骹位嘅串燒，鹽燒過嘅雞軟骨脆卜卜，同樣充滿驚喜。月見免治雞肉棒雖然係免治雞肉，但口感結實，完全唔會鬆散，配合日本蛋同醬油混合而成嘅醬汁，真係有點衝動叫碗白飯。蟹味噌甲羅燒係蟹膏、蟹肉、蟹籽，配合葱花混合而成，厚厚一層搽上多士之上，確係相當美味。最後我哋仲點咗一個 鰹魚濃湯日本野菜豆腐鍋，魚湯呈奶白色，豆腐有微微燒過，配合青菜、金菇、冬菇等配菜，為呢一餐畫上一個完美嘅句號。
繼續閱讀