影片
營業時間
今日營業
08:00 - 22:30
星期一至日
08:00 - 22:30
以上資料只供參考, 請與餐廳確認詳情
今日在新城市廣場搵間餐廳食中午飯，想搵間唔使排隊、環境又好嘅餐廳不妨可以嚟呢度試吓😄中午set lunch 我地點咗一set炸豬扒擔擔麵、點心（蝦餃同小籠包各一隻）+熱白咖啡。另一set黑松露野菌蒸雞飯、點心（蝦餃同小籠包各一隻）同熱白咖啡。炸豬扒擔擔麵：我叫咗豬扒同麵分湯上，豬扒冇浸腍每一啖都脆卜卜，擔擔麵有花生醬嘅香味、辣度適中👍🏻黑松露野菌蒸雞飯：非常驚喜，即叫即蒸，熱辣辣，每一啖飯都有黑松露，很香，感覺黑松露仲多過飯，雞亦很滑，值得一試🤭
繼續閱讀
不看open还以为是台湾菜结果他定位是上海菜和日本菜好抽象！装潢给人很放松的感觉豚肉生姜烧拉面：虽然有生姜，但一点都不冲，汤很浓郁，感觉就是冬日必备养生汤一样，好健康的感觉，拉面也很劲道。口水鸡：鸡肉嫩，酱汁也很入味，就是有点辣，但超爱的，还搭配水晶般的皮蛋，也很好吃。旁边的青瓜给的正好，可以降火。小笼包：皮包，里面满满精华，很清甜。
繼續閱讀
晏晝去咗呢間食嘢，之前都幫襯過幾次冇諗到隔咗幾個月，啲服務態度變到咁差我哋當日坐嗰個區域係由一位濃妝有啲年紀嘅女侍應負責收餐盤嘅時候，準備收我對筷子嗰時對筷子黐住咗張紙巾，正常人收埋佢咪算囉佢竟然喺我面前係咁fing走條紙巾佢：一路講噠噠噠噠噠 一路隻手就fing fing fing fing心諗咩事呀？有乜理由喺人哋個頭前面咁樣揈🙄🙄🙄🙄🙄最嬲係埋單嗰時，我哋俾信用卡嘟佢部機應該係佢部機接收唔到，然後個侍應：嘖 我地再搶張卡嘟過部機我真係呆咗，第一次遇到有人搶信用卡佢除左嘖左一下之外 途中佢一句嘢都冇講過唔好意思一句都冇最後問有冇得儲埋the point佢就話返我地，應該要埋單前‘主動’同佢講如果唔係唔幫我哋做佢話佢鍾意問就問，唔問就要個客自己講儲唔儲分，叫我哋自己出去商場儲當然佢啲語氣係勁差咁講😤😤平日人均都要百五蚊茶記啲態度都冇咁差終於明點解呢間嘢冇人排隊
繼續閱讀
下午肚仔餓🤤想食個tea咁岩係沙田新城市行街😯見到呢間kikusan 望望個餐牌幾得意🤔有日式拉麵食🤗又有小籠包揀🤭見上海菜混合日本菜咁新穎 所以入去試下😊😋豚肉叉燒 慢煮雞胸拉麵雞白湯湯底幾濃厚，拉麵亦唔會煮得太軟身，最驚喜係慢煮雞胸比想像中軟嫩😍😋雞白湯雞肉小籠包湯汁飽滿，咬落去會爆汁🥰😋煎韭菜豚肉餃子大大隻好厚肉，煎到好香口，脆卜卜🥳😋黑松露野菌蒸雞飯一上枱已經聞到陣陣松露香味，粒粒飯都沾滿黑松露，伴住切粒嘅菇菇，啖啖都好香，雞肉唔會蒸過火，好嫩滑🤩😋涼拌小碟（醬油冷豆腐）豆腐搭配微酸嘅醬油，加上青瓜，成個感覺幾清新，好開胃🤪舔舔脷指數👉🏻7😋/10😋滿分 一試無妨😋
繼續閱讀
平日下午放假，去咗沙田玩，喺新城市廣場見到呢間餐廳，日式裝修，環境都幾舒服，啲枱唔迫，又唔嘈，坐低試吓佢個下午茶套餐，又幾OK喎，雖然選擇唔多，不過我都揀到鍾意食嘅嘢，叫咗一個擔擔麵走辣，所以唔知道個辣度合唔合適，但係個擔擔麵本身又幾好，麵夠彈牙，花生醬湯底亦都相當之Creamy，但係又有少少花生碎粒，幾好食，口感唔錯，加咗兩隻韭菜餃子，好大隻，基本上每隻等於一般嘅兩隻份量，味道都OK，相信唔係喺街攞嘅貨，而係自家製，皮都算薄，唔係太出色，但係可以啦，再叫咗一個天婦羅拉麵，天婦羅有番薯、南瓜、茄子同埋兩隻蝦，都幾好㗎啦，啲脆漿算係幾薄，拉麵嘅湯底同埋麵質都唔錯嘅，每個餐重跟一杯嘢飲，價錢唔算貴，喺新城市廣場裏面算係中價，但係地方舒適，服務態度亦都幾好，值得一試。
繼續閱讀
您可能會有興趣的...