62
9
4
港鐵灣仔站 A1 出口, 步行約9分鐘
繼續閱讀
開飯介紹
供應上海菜及點心。寬敞舒適的環境配以新穎雅致的裝潢，是親友雅聚或商務應酬的理想選擇。
繼續閱讀
特色
同客食飯
適合大夥人
附加資料
少量素食菜式每天供應
營業時間
星期一至日
11:30 - 14:30
以上資料只供參考, 請與餐廳確認詳情
相關文章
雨天會懶得外出的我，在滂沱大雨的星期一早上， 穿上雨靴出門 ........ 散心去！在那麼多年的婚姻中，從沒主動相約老公一起午飯，主要是不欲打擾他的工作日程，但這次卻例外！一來所選的食肆就在他公司附近，二來近日心情沉重，為免造成誤會，老公頓成了不二之選的伴侶！「新滬坊」是我們熟悉的食肆，武漢肺炎後重開，由原先的上海菜轉型粵式點心和小菜，推廣期內，午市更有數款實惠點心套餐，加上星期一至五免茶芥、套餐奉送甜品的優惠，抱著機不可失的心態去試試看！午市套餐每位 HK$138，包括四款指定點心和四選一的飯麵，更可以 HK$25 享用精選甜品，足達半價或以上。另一張餐牌是兩款分別 HK$68 和 HK$98 的四式點心拼盤，與及散叫的精選點心。此刻，我們開始產生選擇困難症，幸好友善又體貼的經理出現，瞬即為我們解決了難題，結果滿足了我們喜愛多元化口味的要求，下面給大家逐一介紹！首先我們選了一個午市套餐 HK$138，包含四款點心和一款飯或麵。指定點心分別為高湯小籠包、黑松露香菇燒賣、蟲草花上素粿和蟹籽雞蓉薯仔酥。四款點心也比預期好吃，而自己的心水推介是黑松露香菇燒賣和蟹籽雞蓉薯仔酥，前者清雅、香菇肉餡多汁彈牙；後者則外酥香、內綿密，兩者一清一濃，調味恰好，非常合拍的配對！上述四款點心正是四式點心拼盤內的A選擇，單點 HK$68！選配的飯麵有素食的黑松露崧子蛋白炒飯、韮王肉絲炒米粉、瑤柱金菇燜伊麵和廚師推介的蟹肉瓜粒泡飯！究竟這個時尚型格的碗子裡頭是哪一款主食？揭盅 ........ 正是廚師推介的蟹肉瓜粒泡飯。老公和我也喜歡吃泡飯，蟹肉瓜粒泡飯十分對辦，不單湯頭鮮清可口、飯粒是我喜歡的爽口不過腍的質感，而蟹肉跟冬瓜的配搭也來得怡人，絕對能對上炎夏的脾胃，舒暢也！這款午市套餐令大胃王的老公也感覺到貴精不貴多的好處，終於可跟長期失衡的多肉、多添加的午餐說聲 Bye Bye！接著是四式點心拼盤 B HK$98，好多謝經理的推介，將光是上湯竹笙灌湯餃單價已 HK$60 的重點帶出，所以四式點心拼盤是值回票值、又可以多嚐點心的選擇，還未算其他三款，分別是玫瑰鮮蝦餃、蟲草花上素粿和蟹籽雞蓉薯仔酥。灌湯餃一向是招牌點心及名物，記得之前「金紫荊」推出的點心任食優惠，老公起碼來三隻灌湯餃，第一是好吃，第二是瘋狂！今期推出的上湯竹笙灌湯餃水準依然，吃出味道與師傅的手藝來！先接觸嫩薄的餃皮，而我們最欣賞是餃內餡料和上湯從不糊口，味道鮮美和具有相當的層次感，而餃外的上湯與竹笙帶出清純爽朗的味道，我們喜歡不加醋，認為真材實料的原汁原味是最佳的享受！蟲草花上素粿和蟹籽雞蓉薯仔酥之前已介紹過，唯獨這隻顏色令人著迷的玫瑰鮮蝦餃。餃皮經玫瑰水浸泡，呈現漸變的粉紅色調！至於餃餡，其實就如一般蝦餃，不過玫瑰色澤未吃已加分了！我們順道也試了兩款單點點心，超愛這款海鮮碟魚餃 HK$52。它的樣子實在太可愛，一下子把我灰灰的心情掃走。餃皮細薄帶點煙韌，宏觀試過的點心，皮層均做得很不俗。至於餡料，帶著十分鮮清的魚香，還有嫩滑的碟魚肉和滿滿的水潤感，既可愛又美味！另一款單點點心是紫菜蟹籽百花卷 HK$58，將百花膠捲上紫菜和蟹籽，配上蟹籽沙律醬，非常新派的造型和味道！貌似壽司的紫菜蟹籽百花卷，口感香脆又彈牙，蘸上蟹籽沙律醬十分開胃，它並不是一般的點心，而是是揉合了中日新感受的小吃！早前提過推廣期間，奉送糖水予享用套餐的客人，我們試了一碗木瓜雪耳糖水，低糖清潤，適合我的口味！不過當您發現這輛甜品車，保證您會立即追加 HK$25 享用精選甜品！精選甜品共有六款，甜品車展示了當中四款中西合壁的口味，據聞是中廚與餅房 Crossover 之作，故無論賣相與味道也予人煥然一新的感覺，這款是芝麻心太軟 (原價 HK$58)，額外配送朱古力醬汁一小壺，看來朱古力迷不能錯過！而這款是桂花酒釀鮮果 (原價 HK$50），眼球被那色彩繽紛的水果吸引著！至於其餘兩款是什麼？正是我選的香草雪糕蜜糖脆麻花 (原價 HK$58）和楊枝甘露凍 (HK$58)。「金紫荊」的脆麻花是我們一向愛點的甜品，不過今次更為新穎！除了可嚐得到酥鬆香甜的蜂蜜味脆麻花外，同時也感受到橙皮和話梅的新鮮感，吃時記得要沾上特製的醬汁，也可伴雲呢拿雪糕來吃，非常有趣的美味！看到這個芒果花馬上心動，除可吃到底層的芒果布甸，上層的鮮芒果肉與爆珠製造出錦上添花的味兒，令人十分滿足！心水清的您一定會問，其餘兩款精選甜品是什麼？對了，其餘兩款均是純中式的體驗，包括沖繩黑糖馬拉糕 (原價 HK$50) 和香濃棗蓉糕 (HK$50)，選擇豐富！當天坐無虛席，其後更有客人輪候，所以除提示各位早吃早享受外，更要提早訂位啊！治癒的點心將我由十八層地獄的低沉心情，迅速地接返人間，為了人間的美味，我得重新振作，繼續向前出發，香港人加油！
繼續閱讀
早兩日相信係因為中暑，昏迷咗12個鐘，諗住終於又再儲到錢去灣仔會議展覽中心食米芝蓮必比登美食推薦嘅新滬坊，所以嗰朝起身發現自己未死得先敢去訂新滬坊食晏，點之最後變咗朋友請食生日飯。依家新滬坊午市做緊四式點心拼盤，分別有A及B(只在星期一至五供應，公眾假期除外)、另有其他精選點心、廚師精選、仲有星期一至日都有供應嘅$138午市套餐：四式點心拼盤及飯麵揀其中一款、甜品(凡惠顧午市套餐，可用優惠價$25加一客精選甜品，依家推廣期內，星期一至五免茶芥(公眾假期除外)，供應時間上午11時30分至下午2時30分。轉咗午市新菜單後，依家見到新滬坊嘅師傅響透明玻璃底下嘅廚房俾大家見到佢哋努力咁整緊點心，咁當然新滬坊嘅名物拉麵依然係即拉即煮的。朋友未到，我坐低一陣經理就問我駛唔駛整枝可樂俾我飲住先，成2個月無嚟，估唔到經理仲記得我要飲可樂，細玻璃樽裝係特別好飲的；之後朋友到了，首先點了A($68)及B($98)嘅2個四式點心拼盤，再追加了塘坢高湯金魚餃($58)及牛肝菌煎帶子貝包($52有2件)，其實我係啱啱先食完早餐一陣，朋友細食，所以我哋無點飯麵。首先四式點心拼盤B先到，有上湯蟹肉灌湯餃、水晶螢素菜餃、翡翠香菇燒賣、魚籽醬百花春卷，因為A及B都有翡翠香菇燒賣、魚籽醬百花春卷，所以大家都唔駛爭，不過分開咗先後次序食，而我朋友就食咗上湯蟹肉灌湯餃、翡翠香菇燒賣同魚籽醬百花春卷，因為我掛住影嘢同未算肚餓，所以只食了水晶螢素菜餃，素菜餃比較細隻、一啪入口就完、餃皮煙韌、蔬菜粒鮮甜爽口。之後到塘坢高湯金魚餃，賣相已經有90分，真係好似見到有3條金魚響魚塘游緊咁，金魚餃嘅蝦肉同豬肉比例剛好，肉質鮮嫩彈牙，我想連清甜嘅湯頭都飲哂去，連嘴刁、偏食同唔喜歡食蝦餃嘅朋友都讚好食。再之後四式點心拼盤A，高湯小籠包、翡翠香菇燒賣、魚籽醬百花春卷、鷄蓉咸水角，朋友只咗食高湯小籠包，服務員叫要佢要襯熱食，但又要小心小籠包裏面好熱嘅湯汁，而我就食咗其他3樣，翡翠香菇燒賣肉質扎實；魚籽醬百花春卷超脆口、超脆嘅春卷已經蓋過咗魚籽醬嘅鹹香；鷄蓉咸水角，啤梨型賣相已不錯、外皮脆而不韌、餡料惹味。到牛肝菌煎帶子貝包了，貝殼嘅賣相造型又係靚到不得了，貝殼型嘅係包、裏面有片帶子、碟上有牛肝菌汁包圍住貝殼，包身係軟熟、帶子煎過微香而且腍身肉嫩、牛肝菌營養豐富、味道鮮美、將貝殼包及帶子沾上少鹹又帶甜嘅牛肝菌醬汁一齊食更添美味。唔好甜品嘅朋友居然點了香草雪糕蜜糖脆麻花($58)去食，我哋share食，朋友唔食香草雪糕，所以我食哂，香草雪糕冰凍香滑，但佢又食哂雪糕上面塊脆焦糖、蜜糖脆麻花酥化又唔會太甜、點埋橙味嘅泡沫一齊食有中和作用。朋友唔算係新滬坊粉絲，但佢睇完母親節memu後，走時佢居然去訂某日嘅午晚共兩餐，好彩仲有8人枱(見到有12人菜式係會分開6個一枱咁坐的)。本身呢個午市套餐，星期一至五(公眾假期除外)已經優惠免茶芥，多謝多年好朋友埋單，以米芝蓮必比登美食推薦餐廳嚟講算係抵食。
繼續閱讀
新滬坊嘅擔擔麵同小籠包一向係我至愛今次推出$98 麵食+點心一次過可以食哂我呢兩樣至愛加埋一都係大約$110如果怕坐低食 外賣仲有8折$100都唔洗添呀就可以食到米芝蓮推介嘅美食啦我真係覺得好抵 真心推介呀我講到好似好誇張但係新滬坊嘅擔擔麵同小籠包真係我食過最好食嘅擔擔麵嘅麵非常煙韌湯嘅辣味啱啱好 而且食到尾都唔會覺得漏小籠包真係皮薄餡靚啦唔會食到面頭一大舊麵粉皮薄得黎 仲可以裝住滿滿嘅湯汁真係好高質另外加$38可以食埋甜品薏米腰果露又香又creamy嘅腰果露配一粒粒好煙韌嘅薏米口感非常好清新之選有黑芝麻雪糕配椰絲麻卷好難得佢做咁多優惠但淨係星期一至五先有同埋唔知個優惠會做到幾時喺灣仔返工嘅朋友真係要快啲去試下
繼續閱讀
今日公司出席灣仔會展有一個積金好僱主頒獎典禮,我同同事兩個去,去到灣仔會展先搵嘢食｡喺個頭啲嘢食都偏貴,因為時間唔夠，最後揀左呢間新滬坊。二人餐份量真係每樣得兩件，前菜蛋千層、肴肉都唔錯肴肉都夠冧，主菜雲吞雞一人一碗味道好普通無咩特別、蔥爆牛肉炒到啲牛肉有啲老、雲煺津白這個味道不錯津白一絲絲方便夾黎食、小籠包皮薄多汁好食都係得兩件食完都唔夠喉，甜品薏米腰果露薏米都未煮到夠整體一般，價錢都屬於貴成300蚊一個
繼續閱讀
港島區會議展覽中心的食店樓下是茶餐廳但獨立一層二樓的上海館就算高級涼菜也 收二十元一個幸好沒拿多一碟而且這個蕹菜非常辣不大受歡迎茶每個20$所以要研究一下龍井茶葉宋嫂魚羹是個人覺得較好的魚肉很多湯底放適量的醋香而不太酸今期據說牛肉做優惠三個一碟的牛肉生煎飽58$很新式的煎飽完全沒有飽的感覺皮用上了小籠包的皮飽底出現了煎焗但太厚身的怪效果我不接受傳統的由生煎至香口那種香醇肉汁飽滿的才是真正的生煎饅頭這個牛肉鞋全熟不注重汁只係得個干和牛孜然親友最欣賞的孜然不辣和牛質素比較優有點意外三鮮煮豆腐干絲不好食三鮮中河蝦太細 也沒有味 可能煮過湯關係火腿用上中國金華火腿但只覺咸和放過一陣子的火腿難免有的*益*主要是太淡太不夠味道浪費了不錯材料裝修非常高檔也幽靜因為實際星期五晚沒幾多人客總價640多精明的港客不易回頭再吃了收費太太遊客價格。不過聽聞這裡的大閘蟹得！
繼續閱讀