18
2
0
港鐵九龍灣站 B 出口, 步行約8分鐘
繼續閱讀
營業時間
星期一至日
11:30 - 20:00
以上資料只供參考, 請與餐廳確認詳情
食家推介
相關文章
要過一個幸福嘅情人節又點少得一個靚靚情人節蛋糕呢🍰 Twinkle Baker Décor 呢個情人節限定嘅粉紅棉花糖扭蛋機蛋糕，可愛得黎又浪漫🌹，睇得又食得😍 蛋糕造工好仔細，連機頂上都有個小巧可愛嘅朱古力心心裝飾❤️ 情意綿綿 Everlasting Love (4.5 吋) $448除左透明圓罐，每個位置都食得😋 透明圓罐入面塞滿好多士多啤梨味棉花糖，軟綿綿甜絲絲，好幸福丫🥰 底下嘅蛋糕係四層夾住紅莓乾嘅牛油蛋糕，中間有藍莓夾心吉士醬，兩樣都好夾😌 食落口感軟滑，又有濃郁奶香同雲呢拿味😋 So sweet❣️
繼續閱讀
聖誕節本應普天同慶，但今年疫情越趨嚴峻，唯有盡量把氣氛帶回家中，讓寶貝感受一下。所以在屋企附近看到這個名為「願望樹」的大蛋糕，便很開心的帶回家中。蛋糕的底部係由72%朱古力慕絲蛋糕與朱古力牛油蛋糕組成，底部以綠茶金寶碎圍邊，而頂部的綠茶曲奇聖誕樹被玻璃球包著，帶著滿滿的希望。以附有的刀切開蛋糕底部，見到中間有些焦糖軟心，並夾有鮮香蕉肉，味道是甜甜地。混合蛋糕和軟朱古力榛子脆莎一齊食，香滑的朱古力帶著綿綿的口感，口感充滿層次感，不經不覺一口氣食了一大半。
繼續閱讀
母親大人今日生日，其實之前週末已經出咗去食飯慶祝，不過今日話晒係正日，所以放工就喺屋企附近買個蛋糕返去俾佢切吓。呢間「扮清糕」，個名夠過癮，而且平時路經此地已經覺得啲蛋糕淨係買來影相都抵，因為真係好靚又有gimmick。凍櫃裏面嘅蛋糕真係有好多款式，有老人家嘅壽桃款，又有小朋友嘅Lego款，真係每個都好靚！最近仲同天仁茗茶搞crossover，將台式飲品融入喺蛋糕入面，應該都幾受歡迎！仲有蛋黃哥伏喺菠蘿包入面，賣相都已經攞滿分💯！不過我始終鍾情於「姣粉」，而且仲係士多啤梨味，母親大人最鍾意！依家佢哋仲有網上商店，落單就更方便啦！食完晚飯一拎個蛋糕出嚟，大家都爭住話要影相，因為呢個粉紅甜心真係好靚！一輪合照之後，就切蛋糕見下佢嘅真身，入面係一層層嘅草莓慕絲同原味海棉蛋糕，中間仲有一層流心嘅草莓果醬加新鮮草莓，蛋糕外面並唔係用糖皮，而係用比較硬身嘅忌廉做裝飾，所以呢個蛋糕不單止外表靚，入面都真係好好食，真係值回票價！
繼續閱讀
媽媽每逢生日就好似小朋友咁，會扭計要人同佢慶祝生日，如果做漏咗，佢真係會唔開心😅。呢個大時大節，又點少得一個生日蛋糕呢？我嘅生日蛋糕首選店一定係Twinkle。我去開德福買外賣晚餐🥡，就順便帶埋蛋黃哥返屋企。之前喺IG已經見到以蛋黃哥做主角嘅「港式菠蘿油」蛋糕，原來實物仲得意過圖片😍。不過蛋糕比想像中細，大小得4吋左右，其實就即係同一個真．菠蘿包差唔多🥯。屋企咁啱真係有菠蘿包可以作比較，哈哈。蛋黃哥好休閑咁訓咗喺塊「牛油」上面，佢個樣Hea到呢...。佢作為一個蛋糕，但就咁睇未必睇得出邊個位置係蛋糕🤣，好彩有靚靚圖解介紹。最外層係菠蘿包脆皮，當然佢無新鮮菠蘿包焗出嚟咁脆啦，但個質感都似嘅。另外，食落味道有少少鹹蛋黃味，幾特別😛。菠蘿包身主要由兩部份組成，包括菠蘿椰子慕絲🥥同班蘭味海綿蛋糕。前者口感比一般食開嘅慕絲厚實，椰子味幾香；而班蘭蛋糕層就比較薄，但味道都OK。最後就係要好殘忍咁食咗蛋黃哥Gudetama喇😭，佢係由🍫朱古力整成的，硬度十足，不過放多陣都食到，而且佢係好食過其他蛋糕嘅朱古力生日牌！依個蛋糕真係可愛❤️到顛，因為佢係3D立體的，平面蛋糕完全無得比；再加上蛋黃哥個懶惰樣令人又愛又恨🍳。即使蛋糕定價較為進取，但造型方面絕對無得輸，換個層面睇都值嘅！總括嚟講，🎂Twinkle嘅蛋糕堅靚，我敢講佢係造型蛋糕界嘅第一，味道方面唔稱得上超好食，但勝在每個蛋糕都有豐富嘅層次，食落頗有驚喜的。今次嘅卡通造型蛋糕咁靚，我好期待新款式會陸續推出，最好就係同蠟筆小新Crossover啦🙈。
繼續閱讀
過多幾天便是我的生日了，由於現在疫情還未結束，所以今年便改為在家慶祝生日，而男友知道我喜歡蛋黃哥，所以便訂了 Twinkle Baker Decor 最新推出的蛋黃哥菠蘿油蛋糕來幫我慶生No.1【蛋黃哥菠蘿油】$348這個蛋糕是模仿著蛋黃哥和菠蘿包的造型而設計的，蛋糕師傅手法嫻熟地把「菠蘿包」雕刻得十分栩栩如生，精美絕倫，賣相和真的菠蘿包完全沒有任何分別，看起來相當逼真，而菠蘿包內的「主角」~ 蛋黃哥造型的朱古力亦相當小巧精緻，維妙維肖，簡直完美得無懈可擊，讓人賞心悦目，嘆為觀止！可惜的是，大多數美輪美奐，顏值極高的蛋糕，都只是虛有其表而已，實際上卻沒有什麼內涵，純粹只能用來拍照「打卡」，而這個「蛋黃哥菠蘿油」蛋糕亦不例外，雖然還未至於是「金玉其外，敗絮其中」的傑作，但是味道卻只是一般而已這個蛋糕是由海綿蛋糕、吉士和慕絲組合而成，可是蛋糕的部份卻少之又少，基本上大部份都只是吉士和慕絲而已，所以我覺得與其把它稱作為蛋糕，不如稱之為慕絲布丁還會更貼切一點雖然蛋糕是斑蘭味的蛋糕，但是斑蘭的味道卻十分薄弱，不單止缺乏斑蘭的香氣，我們更嚐不到一絲斑蘭的氣息，淡而無味的，讓人味同嚼蠟，吃糠咽菜至於慕絲的質感則幼滑柔順，軟綿香糯，入口清新和輕盈之餘，亦甜而不膩，含在嘴裡的時候更立即溶化了，口感細膩而綿延，讓人唇齒留香，念念不忘可是最後的吉士簡直是全場的敗筆之作！雖然吉士的賣相和牛油十分相似，但是大家千萬不要被它欺騙了，它的味道非常甜膩，簡直是甜得嗆喉，我們滿口都充滿著濃濃的化學甜味，讓人難以下嚥，囓蘗吞針！價錢方面，蛋黃哥菠蘿油原價 $348，扣除了 $50現金卷之後，最後實收 $298，算是便宜的立體蛋糕了總結來說，雖然這個「蛋黃哥菠蘿油」的賣相簡直完美得無懈可擊，非常適合用來「打卡」拍照留念，而且價錢亦不算太昂貴，但是蛋糕的味道真的相當一般，所以我覺得大家試一次便足夠了
繼續閱讀