50
15
3
招牌菜
食家推介
［📍元朗｜傳麵世家］呢間粉麵店係主打清湯腩的 湯底顏色係清澈的 呢間麵店有一定年資 一入到舖頭 已經聞到好大陣牛臊味 感覺好正宗牛筋 爽腩 根腩 邊腩都非常入味 一啲都唔會乾柴每款牛腩都好明顯食得出質感上既分別絕對唔會比hea貨你 價錢亦都好合理 平時作為comfort food反正冇得輸一定會不斷翻轉頭幫襯
繼續閱讀
同老婆睇完戲都差唔多成十點，冇乜酒樓仲開門，所以諗住求其食碗麵就算，見傳麵世家都幾多人喺入面食緊，一於入去試吓。門口貼咗好多報紙介紹有乜嘢美食，又話老闆點樣專注做好啲麵，二話不說就叫咗碗牛什撈粗，老婆就叫咗碗細蓉。碗麵嚟到，先聞到好香嘅腩汁味道，先試啖麵，真係好彈牙，報紙報道老闆做麵方法真係冇呃人。牛什份量都幾足，有牛肚、牛腸、牛膀同牛肺，炆得好冧同好入味，加埋辣椒油同小小醋一齊食真係一流。老婆嗰碗雲吞麵，雲吞都幾大粒，又有鮮蝦同豬肉，麵底就唔使講，都係咁爽彈。其實呢度仲有好多唔同嘅開配搭，實有一款啱你食。
繼續閱讀
光師傅用心製作，友善的服務令人感到非常之舒服，餐廳食材精選，必食清湯腩，燴牛尾，咖喱牛筋腩，紅酒雪糕，濃郁奶茶一流。月份上了師傅特製嘅幾個飲品...荔枝味威士忌，陳皮梅酒和7年青梅陳醋，令人驚喜回味
繼續閱讀
前排係YT睇到一個名食家的拍片, 令到我都心思思走返去幫襯, 對上一次去傳麵可能已經係兩三年前的事了.舖頭係全部搭枱的, 反正入到去自己搵個位坐就係.叫了一個傳麵雜錦麵, 油麵底, 43蚊配料都唔少的, 有兩三件牛腩, 兩件牛肚 / 粉腸, 雲吞/水餃各一, 還有少少酸菜牛腩好多渣, 食了之後牙縫都攝滿渣 (可能係我牙齒唔夠整齊啦)牛肚太淋, 可能係新鮮的牛肚, 帶有膻味, 粉腸好食, 夠晒粉糯又無異味.雲吞水餃正常, 調味足, 蝦肉爽口但無味.酸菜少到几乎搵唔到 (比蔥花還要少)最大問題係味精都幾多, 我七點半左右食完 (沒有點飲品), 返到屋企飲了兩杯水, 到夜晚十一點半仲口渴大概呢個就係我幾年無去幫襯的原因了
繼續閱讀
今日去開元朗買抽濕機，突然記得以前返工附近有一間食牛腩麵嘅舖頭，入面好多明星嘅相，仲記得佢啲炸魚片頭好正架，去開就入去食吓，懷緬一下過去啦🤣照舊叫咗個炸魚片頭+炸雞翼河、腐乳唐生菜，我最欣賞嘅係炸魚片頭+炸雞翼係另外放一隻碟，如果唔係，淋晒就勁難食。佢哋醃雞翼嘅時候，我估應該落咗少少辣，因為食嘅時候會有少少辣味，小朋友應該會感覺大啲。我叫咗個腐乳唐生菜，因為我唔鍾意食通菜🤭，啲嘢食冇乜點變，都係好好食，以前試過叫牛腩，但係佢就唔係好似我平時食嘅味道，所以我就麻麻哋鍾意。店內環境就坐得逼啲，有人行過會有機會撞到張櫈咁囉！😂 不過，如果快食快走就冇乜所謂啦！最緊要好食。炸魚片頭+炸雞翼河🍜份量: 2條+3隻味道: 脆、好食價錢:$39CP值：⭐️⭐️⭐️⭐️腐乳唐生菜🥬份量: 正常味道: 好食價錢:$19CP值：⭐️⭐️⭐️⭐️可樂🥤份量：1罐價錢:$11CP值：⭐️⭐️
繼續閱讀