96
16
5
港鐵尖沙咀/尖東站 J 出口, 步行約2分鐘
繼續閱讀
電話號碼
34682430
開飯介紹
由法國名廚Gontran Cherrier 主理，售賣多款烘焙麵包、鹹點、甜品等，當中以曾被評選為巴黎最佳牛角包的招牌牛角包最為聞名。
繼續閱讀
營業時間
今日營業
09:00 - 21:00
星期一至五
09:00 - 21:00
星期六至日
10:00 - 21:00
公眾假期
10:00 - 21:00
以上資料只供參考, 請與餐廳確認詳情
食家推介
相關文章
289 瀏覽
龍年大年初一同屋企人飲完茶之後，順道去 K11 MUSEA 逛逛。商場的室內設計秉承同系其他商場，風格獨特、帶有濃厚藝術氣息，有別於香港其他傳統大型商場。有些人好唔鍾意，又有些人非常欣賞，反應兩極。小編係後者。配合商場形象，管理公司銳意引入其他商場少見的店舖，包括食肆及餐飲店，【Gontran Cherrier】正是其中一間。麵包店來自法國，曾被華爾街日報評為巴黎最佳牛角包！糕餅廚師 Gontran Cherrier 自2010年於法國開創其首間分店後，於短短九年間已迅速擴展到世界各地，如日本、首爾、新加坡、澳洲等地；於 2019年9月落戶香港，選址尖沙咀K11 MUSEA插旗。直至今日，香港仍然只有尖沙咀一間分店。每次去K11 MUSEA 都想朝聖，但望見長長人龍，就會放棄。難得今日人龍稍短，戚起心肝排隊買牛角酥。香港分店佔地很大，承租商場內三個舖位：一個係開放式麵包工場、一個係糕點店兼餅房、最大的舖位就係麵包零售店兼餐廳。跟世界各地其他分店一樣，麵包店內供應不同種類麵包如法式麵包、鬆餅、蘋果批等；香港分店更自設麵包工場，每日新鮮製造，不停出爐，保證熱辣辣！多款麵包當中最主打的一定是牛角酥，口味多元化，一日銷售量可以超過1,000個，以其偏高定價，受歡迎程度可見一斑。每款牛角包都很吸引，本來想揀經典牛角包，但其他款式賣相更靚，揀了Strawberry Croissant ($42)。牛角包外型工整，清楚看見一層層的酥皮紋，表面又均勻地灑上了糖霜，加上外露的紅色士多啤梨，單單賣相已經引人垂涎三尺。牛角包出爐後，需要等待時間放涼，然後才能填入 custard。掰開牛角包，中心填滿了custard。一大啖咬下去，牛角包雖然已經放涼，但牛油皮仍然酥脆；中心的牛角包則非常軟綿、酥軟，牛油味超香濃。custard 甜度又剛剛好，口感綿滑，配搭香甜的士多啤梨，真係好美味！終於明白點解開業已經超過四年，仍然大排長龍。糕點店兼餅房人流相對減少。電子餐牌內有好多款飲品及法式甜點。飲品方面以咖啡為主，茶類款式較少，只有幾款。至於法式甜點，就要留意甜品櫃內的款式，餐牌內的款式未必每天供應。最愛吃朱古力甜點，揀了 Cocoa Nips & Chocolate Magnum ($66)。雖然沒有註明採用哪個產地或者哪個品牌的可可豆或可可粉，但定價如此高，應該都係名牌可可粉。賣相唔算特別吸引或者複雜，但整件都係用朱古力制作，朱古力控一定喜歡！甜點上面有朱古力cream、朱古力脆片及白朱古力製成的品牌「GC 小牌子」。甜點外層係極濃稠朱古力醬加朱古力脆粒，並非朱古力脆皮外殼；底層係朱古力味曲奇餅；中心就係濃稠黏口的朱古力 mousse 及軟滑的朱古力cream 造成的三文治。每啖皆是濃郁的、但不同質感的朱古力，加上非常香濃的可可味；很好吃的法式甜點！雖然今次沒有吃到最出名的基本款式經典牛角包 croissant ($27)，但即使已經放涼了的 Strawberry Croissant 也非常好吃，果然名不虛傳。法式糕點甜品同樣做得很好，賣相同味道兼備。唯一要投訴的地方就是價錢偏貴，但始終係名牌過江龍，價錢貴一點也沒有辦法。總結一句：雖然貴，但一定要試試！
繼續閱讀
好耐之前試過蒜蓉包 好香蒜蓉味 好味今次經過就買其他再試試榛子紅桑子朱古力牛角包榛子粒粒鋪滿牛角包 麵包口感豐富朱古力除左面個層 入面都有好多朱古力醬而且亦有酸酸甜甜的紅桑莓醬 解膩唔會死甜不過略嫌兩個醬好似唔溶合 前面朱古力 中間兩隻味溶埋一齊之後好濃紅桑莓醬 同少少朱古力當然 出名牛角包 包既口感先係重要牛角包 雖然入面出面都好多醬 包依然脆口 唔會淋曬 值得一讚牛角包好味如果 經過 一定都會再買其他味再試試
繼續閱讀
一向都好中意食呢間的牛角包，超香牛油味超酥脆，雖然評價好兩極。 但係我真心覺得呢間好好食。第一次食佢嘅牛角包係食杏仁牛角包 ,然攤凍咗，但係外皮依然勁酥脆，杏仁片好多，夾心嘅醬亦都好香甜，整體超級滿意。今次另外叫咗個芝士火腿牛角包，呢個嘅火腿夾心好厚好多，芝士都好多，入口好香濃。 鍾意食芝士嘅人一定好鍾意，不過我覺得呢一個牛角包嘅皮相對地冇咁脆， 有啲似普通麵包舖買嘅芝士包咁。44蚊唔太值， 下次要試埋佢其他牛角包先得！
繼續閱讀
法式麵包店的精緻美味!!由法國名廚Gontran Cherrier主理，售賣多款烘焙麵包、鹹點、甜品，最人氣招牌牛角包以曾被評選為巴黎最佳牛角包非常巴閉!! 🥐👩🍳 - 香印葡萄牛角包 HK$46 🍇🥐 香甜與酥脆結合!!以新鮮清甜爽脆香印提子為亮點，配搭酥脆香甜散發出高級牛奶香氣的牛角包，抹上輕盈微甜吉士忌廉，絕對令人愛不釋手!! - 青醬洋蔥忌廉芝士鬆脆百吉包 HK$46 🧀🥯 煙韌惹味之選!!百吉包外皮微脆內裡煙韌，表面撒上芝麻粒，口感豐富。忌廉芝士醬和洋蔥青醬非常綿密，味道恰到好處，散發出迷人惹味香氣!! - 朱古力牛角包 HK$32 🍫🥐 香甜朱古力與牛油香氣的完美結合!!牛角包酥皮層次分明充滿牛油的香氣，半流心狀朱古力條散發香甜氣息，互相配合超級濃郁!!
繼續閱讀
Service was absolutely horrendous, Strawberry and cream croissants were good, ham and cheese croissant was quite oily and already soften and soaked in oil even straight out from the oven.One cashier staff was very rude, I asked if I could use one of the coupon for F&B, her tone of voice was very condescending saying it was for the restaurant. Not the bakery itself.The most terrible thing was that the tray was not big enough for carrying all the pastry so I took my pastry to the cashier and went to get more, they didn't even ask if I wanted a box, and packed everything in paper bags, I asked for a box and they said $5 extra for a box, this is ridiculous, I spent over $300 bucks for bakery goods and I need to pay for a box? I asked if the crossaints would be squashed, they said it won't. So they just placed the croissant on top of other croissant, by the time I got home, my croissants were slightly squashed.
繼續閱讀