影片
電話號碼
54492128
營業時間
今日營業
08:00 - 21:30
星期一至日
08:00 - 21:30
以上資料只供參考, 請與餐廳確認詳情
有關獎賞計劃
食家推介
相關文章
逢星期日都要去屯門接爸媽，今日都唔例外，唔同的是今日有男朋友陪，仲一齊食午餐，心情都靚啲。我地巧遇一間叫「月滷」嘅台灣店，令人心甜的名子。店子地方闊落，有四行卡座和圓枱，座位唔少。除咗係台式餐廳外，仲有一些台灣特產出售，未飛到去台灣都可俾大家望梅止渴一下。午巿有多款套餐，亦有單點菜式、台灣小吃、蛋餅、滷水、台式飲品等，選擇好多。我地叫了兩份主食、一份蛋餅和兩杯飲品，好豐富呀！起司肉鬆蛋餅 （$42）煎得金黃，捲着滿滿的饀料，好靚仔！厚身的餅皮口感煙韌，中間捲着鹹香嘅肉鬆和芝士，再有些清爽嘅蔬菜平衡一下，配搭很好，食時點下碟上嘅千島醬就更好味，如果加多啲肉鬆就更美味。每份主食都配是日前菜($0/跟主食)，今日係辣炸菜，爽脆香辣，用來撈飯一流！台鐵滷大雞扒便當（$56）真係好大塊呀！雞皮炸至脆卜卜，加咗鹹香嘅滷水汁，整得好入味，啲肉就又嫩又有肉汁，加埋蔥油更正。滷蛋都好香好入味。半筋半肉麵 （$68）配料有清爽嘅小棠菜、甜美的紅蘿蔔和白蘿蔔。牛肉有半筋半肉，亦有全筋，肉質好腍嫩；牛筋有少許肥膏，油潤滑溜，正!小熊珍珠奶茶（+$8/跟主食）是限量發售，唔好錯過。奶茶小熊冰好可愛，相信大人細路都鍾意。咦！點解佢沉落去？男朋友好醒，話因為我走咗冰，哈！珍珠好煙韌，奶茶香滑，加上小熊溶化其中，更香濃，好飲。仙草木瓜牛奶（+$8/跟主食）味道甜美，既有木瓜香，又有奶香，啲仙草仲滑嘟嘟，不錯！
繼續閱讀
大興邨有台灣野食啦，店內佈置小清新，用上Tiffany blue。一區園形Bar枱，一區凹形梳化，一張枱都坐到好多人，幾啱一班朋友食飯吹水，要share嚟食都夠方便啲。🍜月滷招牌牛肉麵牛肋條有咬勁，牛味香濃，台灣麵不錯，湯偏清。🍲手切安格斯牛肉×九宮格鴛鴦火鍋 2人用個鍋好大，4人用都夠，鍋大唔好處係滾得慢🤣，心急人就要畀啲耐性🤭。🦪蠔好大隻，煮完都唔係好縮水，鮮甜好味，呢個會encore。🦐蝦2大隻，肉爽鮮甜，一啲都唔梅。🐮手切安格斯牛肉係厚切，件數少啲，不過牛味濃。🐮肥牛就肥啲，不過相對淋啲。🐷豚肉片不錯，唔肥，豚肉又香，相對牛我更喜歡豬。🍥丸類都好好，肉質實淨，個個口味都好食👍🏻。🥗蔬菜份量足夠，新鮮。🍜王子麵似福麵，食開台灣野嘅人都唔使介紹啦。🧋桂花烏龍芝士奶蓋呢個唔錯，清香桂花配上香濃芝士奶蓋，少少邪惡。🧋芋圓香芋牛奶好標準嘅台式飲品，香芋味精😅，芋圓不錯。
繼續閱讀
剛去完台北旅行的筆者，旅行後遺症嚴重發作！今晚朋友約了到大興商場的台式餐廳吃晚飯，剛好可以懷念一下台灣好味道。餐廳名為「月滷」，令筆者不期然想起之前的一套台灣電影。筆者被安排坐圓枱，留意到每枱之間都放有一盞月球燈，好配合主題。九宮格分別盛有豚肉片、廣島蠔、青口、蝦、丸類和各款蔬菜。另外再選2款粉麵，筆者和朋友就揀了王子麵。豚肉片厚切，肥瘦相間，入口幾重豚香味。而海鮮方面，廣島蠔大隻肥美，味道鮮甜；海蝦肉亦頗為彈牙。丸類就有芝士丸、墨魚丸、魚腐和芝士腸4款，蔬菜則有生菜、娃娃菜、金菇、冬菇、粟米、蕃茄6款。整體來說，火鍋配料都相當豐富。湯底就加錢要鴛鴦湯底，可以一次過試到2款。招牌臭臭湯附有台式臭豆腐在內，湯底很香，非常惹味。而美人鍋就是牛奶鍋，對比臭臭湯底，味道就較淡一點。但之後放了王子麵，索入牛奶湯精華後，會多了一股奶香，又幾好食。食台式火鍋當然要配台式飲品。桂花烏龍茶底清香，配上鹹香芝士奶蓋都幾搭。
繼續閱讀
去咗fd屋企附近交收，順手食埋飯，今次向屋邨商場搵咗間台灣嘢食，叫咗個台式火鍋Set。手切安格斯牛肉 x 九宮鴛鴦火鍋 ($268) 呢個套餐都幾多嘢，九宮格就已經有🥩肉類、🦐海鮮、丸類同🥬蔬菜。除此之外仲有水餃、麵同台灣烤香腸，另外仲包兩杯台式飲品tim❗️認真抵食。湯底揀咗養生藥膳鍋同招牌臭臭鍋。藥膳鍋入面有紅棗、當歸等但唔會好勁藥材味。 臭臭鍋就越煮越過癮，最後用嚟煮菜同王子麵幾正😋原本對肉類冇太大期望，但食落比想像中正。 手切安格斯牛肉味濃，肥牛都ok，五花肉油脂和瘦肉分布均勻，幾爽口❗️海鮮方面，🦐蝦算幾大隻，食落啖啖肉又爽口。🦪蠔質素都唔錯，煮完都唔會好細隻。😋🥟水餃就有白菜豬肉同韮菜餃，味道ok，同埋真係好多餡。🍥丸類就有墨魚丸、芝心丸、芝士腸各二，蔬菜都幾多種類 (生菜、娃娃菜、🍅蕃茄、🌽粟米、冬菇）。最後仲有個王子麵tim!台灣烤香腸蒜片唔會好辣，配香腸食幾香，同埋重點係食完唔覺口臭。🥤桂花烏龍芝士奶蓋茶底桂花味幾香，奶蓋唔會太漏，甜度都適中。🧋木瓜牛奶珍珠沙冰 木瓜奶味幾濃，mix咗啲沙冰，半奶半沙冰感覺幾有趣。
繼續閱讀
好日都唔上去大興商場1樓，原來最近開咗間台式餐廳，夜晚去人唔多，估唔到屋邨餐廳竟然有類似酒吧嘅半圓椅裝修，一層一層，🖥️面對兩部大電視，播緊女團嘅MV，⚽如果有波睇應該好有氣氛！🍽️唔止有得食台式便當、甜品、特飲，仲有得打邊爐，而且價格幾親民。湯底同配料十幾蚊起跳，😎人少少打邊爐，隨時平過喺屋企烚！🍲鴛鴦鍋$56個鍋都幾大下，就算6-8個人都夠用。今次叫咗月老招牌臭臭鍋湯底同養生藥膳湯，臭臭鍋有少少辣，烚烚下都幾惹味，而藥膳湯比較清，不過愈食愈有味！配料🥓美國肥牛 $58、🥟韭菜豬肉餃 $38、🥬生菜 $18肥牛質素同平時街市買嘅差唔多，唔軔有口感，份量都多，兩人食夠飽！豬肉餃幾大隻，餡都幾飽滿！🍱月滷招牌炸排骨便當 $65便當有兩個前菜，酸酸哋嘅開胃，排骨大大塊炸得好脆，肉躁唔會好鹹，撈飯幾好！🥤玫瑰花茶芝士奶蓋 $32芝士奶蓋唔算好厚，花茶微甜清爽，大大杯夠解渴！🧋木瓜牛奶珍珠沙冰 $38沙冰一樣好大杯，味道偏甜，珍珠有咬口，配邊爐幾夾！
繼續閱讀
您可能會有興趣的...